Monaco cosmetics
Ahabanza  >>  Amakuru yose >> Imyidagaduro >> Hanze y’u Rwanda >> 

2017:Urutonde rw’abanyamuziki b’Abanyafurika bakize kurusha abandi

Uko abahanzi bagenda barushaho kwamamara ni nako bagenda bazamuka mu ntera mu rwego rw’ubukungu, twifashishije urubuga nairland.com twaguteguriye bamwe muri abo bahanzi nyafurika bakize cyane kurusha amandi kugeza muri uyu mwaka wa 2017.

10. Sarkodie- Ghana

Michael Owusu uzwi nka Sarkodie, ni umuhanzi w’umuraperi ukomoka mu gihugu cya Ghana nawe umaze kubaka izina rikomeye cyane aho we kuri ubu abarirwa mu mutungo ungana na miliyoni 7 z’amadorali

9. Anselmo Raph- Angola

Ni umugabo uririmba injyana ya R&B ndetse akanabyina ibintu bya kizomba bityo akaba abarirwa mu mutungo ungana na miliyoni 10 z’amadorali ya America

8. Koffi Olomide- D.R.Congo


Umuririmbyi,umubyinnyi akaba n’umwanditsi w’indirimbo Koffi Olomide ukomoka muri Repubulika iharanira Demokarasi ya Congo,ni umwe mu bahanzi bakomeye by’umwihariko muri aka karere.

Azwi cyane kandi mu gushimisha abakunzi be binyuze mu bakobwa bamubyinira dore ko baherutse no kubigaragariza abanyarwanda ubwo yabataramiraga mu ntangiro z’uyu mwaka.Akaba rero abarirwa ku mutungo ungama miliyoni 18 z’amadorali

7. Wizkid- Nigeria

Uyu ni umuhanzi ukomeye ubarizwa kuri uyu mugabane mu gihugu cya Nigeria.Ni umusore ukiri muto ugereranyije n’ababarizwa kuri uru rutonde ,yagiye amenyekana mu ndirimbo zitandukanye nka Ojuelegba,Final, Bend down pause n’izindi nyinshi akaba ari ambasaderi wa MTN,Pepsi na Glo. uyu akaba afite umutungo wa miliyoni 19 z’amadorali.

6. 2Face Idibia- Nigeria

Uyu ni umuhanzi mukuru kandi wagiye afasha abandi bahanzi kugera ku rwego bariho by’umwihariko muri Nigeria, yanamenyekanye mu ndirimbo African Queen yaciye ibintu mu bihe byashize. Akaba kandi afite umutungo ubarirwa muri miliyoni 22 z’amadorali

5. D’Banj- Nigeria

Oladapo Daniel Oyebanjo uzwi ku izina ry’ubuhanzi rya D’Banj , nawe ni umusore wamenyekanye cyane mu gihugu cya Nigeria aho yigeze no gukorera igitaramo mu Rwanda kikitabirwa ,aha twavuga ko yagiye anakorana n’abahanzi bakomeye ku isi nka kanye west n’abandi uyu rero akaba abarirwa mu mutungo wa miliyoni 25 z’amadorali

4. P Square- Nigeria

Aba ni abasore 2 bazwi nka Peter na Paul aho bavukana, bakaba ari n’impanga aba rero ni abahanga kandi bamenyekanye cyane mu bihangano bitandukanye nka alingo, beautiful onyinye,bank alert n’izindi.Babarirwa mu mutungo ungana na miliyoni 70 z’amadorali

3.Akon

Umuhanzi Aliaune Damala Badara Thiam uzwi nka Akon, ni umwe mu banyamuziki bakomeye muri Africa bafite umutungo munini, kugeza ubu akaba afite amafaranga abarirwa muri miliyoni 80 z’amadorari.Amafaranga afite akaba ayashora mu mishinga itandukanye ibyara inyungu, ariko akaba anatera inkunga abatishoboye cyane cyane ababarizwa ku mugabane w’Afurika.

2. Youssou n’douru- Senegal


Uyu ni umusaza uzwi cyane mu njyana ya Jazz kandi ukuze muri muzika kuko awumazemo igihe. Uyu mugabo rero akaba abarirwa mu mutungo ungana na miliyoni 145 z’amadorali.

1. Hugh Masekela- South Africa

Ni umuhanzi ukuze kandi umaze igihe muri muzika, nawe aririmba injyana ya Jazz aho akunze kwifashisha ibyuma by’umuziki bitandukanye by’umyihariko icya Turumpete (trumpet) akaba abarizwa muri africa y’epfo. uyu mukambwe akaba afite umutungo ubarirwa muri miliyoni 275 z’amadorali.

Ndacyayisenga Fred

Kanda hano udukurikire kuri Facebook na Twitter

Ibitekerezo

- 18/07/2017 saa 03:33

murwanda turi
Kanda hano umusubize

- 18/07/2017 saa 03:33

murwanda turi
Kanda hano umusubize

Benny Onesphore - 27/03/2017 saa 18:52

ariko mwibagiwe n'icyamamare nka:Diamond platnumz cyo muri Tanzania
Kanda hano umusubize

Benny Onesphore - 27/03/2017 saa 18:50

ariko mwibagiwe n'icyamamare nka:Diamond platnumz cyo muri Tanzania
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X