Monaco cosmetics
Ahabanza  >>  Amakuru yose >> Iyobokamana >> 

Menya amakosa akomeye yakozwe na Pilato

Mat.27:17.Nuko bateranye Pilato arababaza ati “Uwo mushaka ko mbabohorera ni nde? Ni Baraba, cyangwa ni Yesu witwa Kristo?”18.Kuko yamenye yuko ishyari ari ryo rimubatangishije.19.Kandi ubwo yari yicaye ku ntebe y’imanza, umugore we amutumaho ati “Ntugire icyo utwara uwo mukiranutsi, kuko naraye ndose byinshi kuri we byambabaje.”20.Ariko abatambyi bakuru n’abakuru boshya abantu ngo basabe Baraba, bicishe Yesu.21.Nuko umutegeka yongera kubabaza ati “Muri abo bombi, uwo mushaka ni nde nkamubabohorera?” Bati “Ni Baraba.”22.Pilato arabasubiza ati “Yesu witwa Kristo ndamugira nte?” Bose bati “Nabambwe! 23.Na we arababaza ati “Kuki? Yakoze cyaha ki?” Ariko barushaho gusakuza cyane bati “Nabambwe!”24.Nuko Pilato abonye ko arushywa n’ubusa, ahubwo ko barushijeho gushega, yenda amazi akarabira imbere y’abantu ati “Jyeweho nta cyaha kindiho ku bw’amaraso y’uyu mukiranutsi, birabe ibyanyu.”25.Abantu bose baramusubiza bati “Amaraso ye natubeho no ku bana bacu.”26.Maze ababohorera Baraba, ariko amaze gukubita Yesu imikoba, aramutanga ngo abambwe.

Abantu benshi bafata Pilato nk’umugome ruharwa utagira ubumuntu namba, ariko nusoma iri jambo neza ushobora gutungurwa usanze nawe ibyo ukora ntaho utandukaniye na Pilato, urasanga ba Pilato ari benshi cyane yemwe no mubitwa abakristu.

Pilato bamuzaniye urubanza rwa Yesu, yarwakiriye neza, atega amatwi abamurega yumva ibyo bamurega. Pilato yumvishe ibyo barega Yesu aburamo icyaha, apfa kubwira Yesu ngo: ntiwumva ibyo bakurega? ati: ngaho iregure, ngo Yesu ntiyamusubiza ijambo na rimwe. Pilato nawe yabonaga ari ishyari abantu bafitiye Yesu ntakindi, impamvu Yesu atagize icyo avuga, nuko umucamanza yari yamaze kumenya ukuri. Umugore wa Pilato aba amutumyeho intumwa ati: nyabuneka uramenye ntugire icyo utwara uwo mukiranutsi w’Imana namuroseho ibintu byinshi kdi byambabaje. Pilato akibyumva umutima uramusimbuka, ashaka uko abohora Yesu kuko muminsi mikuru hagombaga kugira imbohe imwe abohora, ariko ngo abantu barashega cyane agira ubwoba atinya rubanda.

Pilato ntabugome yarafitiye Yesu, nta ruswa yariye kugirango amubambe, sinuko atarazi ukuri, ni ubwoba bwo gutinya rubanda bwatumye amutanga bakamubamba. Muby’ukuri urebye ukuntu rubanda rwari rwahagurutse, iyo Pilato yibeshya ntamutange ngo abambwe na Pilato ubwe rubanda bashoboraga kumwica. Pilato ntiyigeze ahisha ko Yesu ari umwere, ariko kubera gutinya rubanda, ati: aho kugirango munyice ntakundi nimumubambe.

Hari ibyaha byinshi abantu bakora atari uko babikunze, atari ukubera ko ari abapagani, bakabikora gusa kubera ubwoba. Reba neza ushobora gusanga nawe ntaho utandukaniye na Pilato. Umva ibyo Pilato yakoze abonye bimuyobeye:

Mat.27:24.Nuko Pilato abonye ko arushywa n’ubusa, ahubwo ko barushijeho gushega, yenda amazi akarabira imbere y’abantu ati “Jyeweho nta cyaha kindiho ku bw’amaraso y’uyu mukiranutsi, birabe ibyanyu.”

Nonese wibwira ko ibi Pilato yakoze byatumye atabarwaho icyaha nkuko yabivuze? Nimujya musoma Bibiliya mujye mushyiramo n’ubwenge, ni ukuri Pilato si umugome kurenza abandi nkuko benshi babyibwira, ariko yabaye iciro ry’imigani kurenza abanyabyaha bose. Sinshatse kuvuganira Pilato, nagirango nkwereke ko nawe ushobora kuba ari Pilato utabizi. Ukabamba Yesu koko? ngo nonese nabigenza nte?

Wasambanye na boss utinya ko akwirukana kukazi, kugirango ubone akazi warasambanye utinya ubushomeri, wakoze ibyaha kugirango uzamurwa muntera mukazi, watinye ko fiyanse wawe akubenga uremera murasambana, warabeshye, uragambana, ukora ibyaha byinshi kubera ubwoba…….. ubwo utandukaniye he na Pilato watanze Yesu ngo abambwe atinya ko rubanda bamumerera nabi?

Gukizwa ni ukwemera ingaruka zose zo gukizwa, igihe cyose ugitinya kubabara kubw’agakiza, biragoye ko wakwinjira mubwami bw’Imana.

Kanda hano udukurikire kuri Facebook na Twitter

Ibitekerezo

ANOINTED HEALING MINISTRIES - 9/11/2018 saa 14:25

Imana itubabarire nukuri pe! Ariko nagira abantu gukora ibi bikurikira kuko bizaturinda gukora nk'ibyakozwe na Pilato; IMPAMVU 12 DUKWIYE GUSENGA MU GITONDO Mariko:1:35 nuko mu museke arabyuka arasohoka ajya mu butayu asengerayo. Yesu yakunze gusenga mu gitondo. Kuki amasengesho ya mu gitondo ari ingenzi? 1. Uhura n'Imana mbere yo guhura na shuguli z'isi. 2. Uvugana n'Imana mbere y'uko uvugana n'abantu benshi. 3. Usabana n'Imana mbere y'uko usabana n'abantu. 4. Wumva ijwi ry'Imana mbere y'uko wumva andi majwi. 5. Wumva amakuru yo mu Ijuru mbere y'uko wumva amakuru ashyushye aturuka hirya no hino. 6. Upfukamira Imana mbere yo gupfukamira abana b'abantu. 7. Uririmbira Imana mbere y'uko wumva imiziki y'isi. 8. Ufata amafunguro y'umutima yawe mbere yo gufata ay'umubiri. 9. Uhamagara izina rya Yesu mbere y'uko uhamagara andi mazina y'abantu atagira aho yakugeza 10. Woga mu maraso ya Yesu mbere yo koga mu mazi ya WASAC.. 11. Ureba Yesu mbere yo kwireba mu ndorerwamo. 12. Usukura umutima wawe mbere yo gusukura inzu ubamo. MBIFURIJE ISENGESHO RYIZA RYA BURI GITONDO
Kanda hano umusubize

- 7/10/2018 saa 06:35

Nikokuri no ukuri!Ba Pilato ni benshi Imana ibababarire kuko bakoze ibyo batazi.
Kanda hano umusubize

celestin - 13/07/2018 saa 13:25

bavandimwe Pilato ntakosa yakoze twagombaga gucungurwa kugirango bishoboke Jesus yakomeje gushotora abayahudi yageze naho yita umwami Herode ingunzu nawe yabonye bikomeye ati MANA ndenza iki gikombe IMANA iramuhakanira rwose Yuda na Pilato ntakosa bakoze bararengana.
Kanda hano umusubize

JO - 3/05/2018 saa 12:22

JYEWE ICYI NIBAZA NIKI NIBA IMANA YAROHEREJE YESU NGO APFIRE KWISI NUKO YARI YARAPANZE NUBURYO AGOMBA GUPFAMO KUKO NIYO IGENGA BYOSE, NINDE MUNTU WARI UFITE UBUSHOBOZI BWO GUHAGARIKA UMUGAMBI WIMANA? IKINDI NIBAZA NIKI KUBERIKI IMANA YAKORESHEJE URUPFU MUGUCUNGURA IKIREMWA MUNTU, IKINDI NIBAZA NIKINGIKI HACUNGUWE UMUNTU CYANGWA HACUNGUWE BURI KIREMWA KIMANA CYOSE INKA, IHENE,INTAMA NIBINDI NIBA NABYO BYARACUNGUWE KANDI BIGOMBA KUBAHO KUKI TUBYICA TUKABIRYA YEWE NO KUMINSI MIKURU YA YESU AKABA ARIBWO HICWA IBIREMWA BYIMANA BYINSHI CYANE JYEWE MBONA UMUNTU YIKUNDA AGAKABYA
Kanda hano umusubize

Alice - 13/11/2018 saa 11:44

Ni byo koko ubivuze neza umuntu arikunda. Ariko iyo usomye neza mu Itangiriro, ubon aneza ko Imana yaremye umuntu ikamurutisha ibiremwa byose. Ibi bigaragaza ko tugomba kudomina ibindi biremwa byose kuko niko twaremwe. Inyamaswa ntago za tudomina kandi twarahawe ububasha buziruta. Ikindi kandi, Umuntu yagombaga gucungurishwa amaraso kuko iyo usomye neza mu isezerano rya kera, usangamo ko umunru ababarirwe ibyaha hagombaga kumeneka amaraso. Ni muri urwo rwego, Yesu yatwitangiye.
Kanda hano umusubize

Mike - 30/04/2018 saa 07:28

by,ukuri ibi birumvikana cyane ikoso nukubyumvira mumubiri kdi icyo kuzirikana nuko Imana yacu itarwanirirwa rero abavuga ngo pilato ntakosa yakoze ntaho bataniye n,abavugako YUDA isikaliyoti ntakosa yakoze nukwibeshya cyane kdi ikindi n,ingero zatanzwe kur,iyi nkuru ndazemera % kuko iteka ryose kubakund,Imana by,ukuri iyo hajemo kugira ikintu kindi cyo kubanzwa mbere y,IMANA gukiranirwa kuba kwabayeho mbese nkuko byavuzwe mungero ngo nzasambana kugirango mbon,akazi. nzaryamana ninshuti kugirango itanyanga .nzesikora cyangwa nibe kubw,ubukene reka byose biba byapfuye YESU niwe wivugiye ngo ukunda ubugingo bwe kubundutisha uwo azabubura. rero kubakund,imana ndizera ntawavuga ko pilato atakoze icyaha byonyine kuba yarazi ukuri ikindi akirangagiza nukw,umugorewe mwarangiza ngo yatinye kayizali abandingo yatinye rubanda. kko.nsoza mbaze ibibazo (2)1)ese kububaha imana ar,ABANTU n,IMANA dukwiye gutinyg nde?cg se kumvira nde ?2)ese dushingiye kubyo twasomye buriya bitweretse ko pilato yar,umukozi w,IMANA?
Kanda hano umusubize

HABANA syliver - 7/03/2018 saa 08:16

Ntimugacirane Imanza Umucamanzan,Umwegusa UWITEKA Niwe Mucamanza Kandi Gukiranuka kubak' Umutima w'umuntu Gusa Ahuwbwo Mukiranuke kugeza kugupfa Amena
Kanda hano umusubize

dona - 24/02/2018 saa 08:38

nda subiza gqtare wowe utaka icyacumi wakomeje ibyo wizera ntuce imanza wabaye umucamanza wagizwe we nande
Kanda hano umusubize

MUGIRE - 19/02/2018 saa 10:54

Imana iguhe umugisha kubw'iyi nyigisho. abantu benshi babambisha YESU kubwo gutinya. bakibagirwa ijambo Yesu yavuze ngo: urengera ubugingo bwe azabubura, ariko utita ku bugingo bwe ku bwanjye, azabubona. matayo 10:39. Yesu nanone ati: ntimugatinye abica umubiri badashobora kwica ubugingo, ahubwo mutinye ushobora kurimburira ubugingo n'umubiri muri Gehinomu. matayo10:28
Kanda hano umusubize

Ntamuhanga - 19/02/2018 saa 10:42

Pilato ntakosa narimwe yakoze kuko ibyanditswe byagombaga gusohora kandi twagombaga gucungurwa. Pilato ntiyatinye abantu yatinye shebuja Kayizari kandi dutegetswe kubaha badata buja. Byumvikane Ko Bwana Yesu yagombaga gupfa byanze bikunze ntabwo yagombaga kubihunga. Yakoze byinshi bishotora abayahudi ngobazabone ibyo bamurega. Satani niwe ukwiye kuryozwa urupfu rwe we wazanye icyaha ku isi.
Kanda hano umusubize

mm - 3/04/2018 saa 12:46

ntamuhanga ibyo uvuze ndi ku ruhande rwawe.ibukako ngo byahanuwe kuva kera ko abantu bazacungurwa n'amaraso y'umwana w'Imana.byagombaga kugenda gute ? hagombaga kuba umugambi uko ibintu bigomba kugenda bikarangira, ubwo tukaba turacunguwe! kuba byarabereye ku isi bitarabereye mu ijuru nge ndumva yaba yuda yaba pilato cg abangaga YEZU urunuka kwari ukugirango misiyo yo gucungurwa ibe accompli.
Kanda hano umusubize

Augustin - 19/02/2018 saa 09:19

Iyi nkuru ya Pilato nkuyemo isomo rikomeye bityo dukwiye gukizwa tutitaye ku bidutera ubwo.
Kanda hano umusubize

Mike - 30/04/2018 saa 07:47

yego rata urakoze buri wese yagakuyemo isomo
Kanda hano umusubize

gatare - 19/02/2018 saa 08:27

Yaba PILATO cyangwa Abafarisayo,bicishije YESU kubera gushaka "inyungu" zabo.Wibuke ko Abafarisayo babwiye Pilato bati nurekura Yesu,ntabwo uba uri inshuti y'umwami KAYIZARI.Bituma agira ubwoba ngo Kayizari atazamwaka umwanya we,atanga Yesu ngo bamwice.Abafarisayo nabo,bicishije Yesu kubera ko yali ababangamiye.Babonaga abaturage bakunda Yesu,batangiye gucika ku Bafarisayo.Noneho bamurega ko "agomesha abaturage" (sedition).Nyamara Abafarisayo barasengaga cyane,bakerekana ko batunganye ku mana.Yesu yabise Indyadya (hypocrits) kubera ko bakoraga ibintu byinshi imana yanga,ndetse bakigisha ibinyoma.Bimeze nk'uko amadini y'iki gihe ameze.Yiyita "abakozi b'imana",nyamara nabo bakora ibintu byinshi Yesu yasize atubujije.Urugero,Yesu yabujije abakristu nyakuri kwivanga mu byisi (Yohana 16:17),abasaba gukorera imana ku buntu (Matayo 10:8).Nyamara usanga Pastors bivanga muli politike,bakarya n'amafaranga y'abantu binyuze ku cyacumi hamwe n'imfashanyo ziva hanze.Bakigisha ibinyoma byinshi bidahuye na Bible.Urugero,mu gihe Bible yigisha ko imana ishobora byose ari imwe gusa,amadini yigisha ko hariho imana data,imana mwana n'imana mwuka wera!!! Bakabeshya abantu ko iyo dupfuye tuba twitabye imana.
Kanda hano umusubize

innocent - 5/03/2018 saa 06:41

ndagirango nsubize Gatare none wowe wacengeye ubwiru bw,Imana ku buryo wageze aho utandukanya Imana data Imana mwana n,Imana rohomutagatifu none se niba n,ubutatu butagatifu bwabiguhishuriye ko nta nyandiko wasohoye ngo tuyisome maze dusobanukirwe . Uzasome muri yeremiya hagira hati ese ikibindi cyaburana n,umubumbyi none se wowe ubaye utaracengera ibyaremwe byose none warangije gucengera no kumenya ubwenge bwose n,ububasha bwa nyirijuru? yooo umeze nkababandi bavuga ngo Imana ntibyara maze itabyara se igatanga urubyaro ese uticaniye yarahurira undi? Muvandimwe jye mbona iby,ubutatu butagatifu(Sainte trinite) ari ubwiru bw,Imana kuko Bibiliya itubwira ko aho umwe ari n,undi aba ahari bityo rero ni indatana bose kandi bafite umugambi umwe wo gutuma ubuzima bwa mwene muntu bwezwa (sanctification)kugirango azature mw,ijuru iwacu.
Kanda hano umusubize

Mwigishwa - 21/03/2018 saa 23:45

Kuba hari ibintu by'Imana tutaramenya ntibyakagombye gutungurana; Umuremyi niwe ugena igihe gikwiye tuzabimenyesherezwamo (Soma Ivanjiri ya YOHANA 16:12). Ku rundi ruhande ariko, hari n'ibyo twamaze kumenyeshwa nk'ukuri kuva kuri Rurema: niyo mpamvu yo kuba twaragejejweho Ibyanditswe byera dutunze uyu munsi (nanone Ivanjiri ya YOHANA 17:17). Uramutse wemeye gusoma mu "1 ABAKORINTO 11:3" wabona ko NTA butatu buriho, ko Imana isumba byose na bose, ko Yesu aza kumwa wa kabiri gusa mu bubasha. Ahandi wasoma mu byanditswe ukagirango havuguruza aho, ni wowe uba ubyiyumvisha mu buryo butaribwo, kuko Imana ntiyakwigisha ikintu ko ari ukuri, ngo ihindukire ivuge ko n'ikinyuranyo cyacyo ari ukuri nacyo icyarimwe. Umuntu muzima (mu bwenge) ntiyakubwira ngo "Ndashaka ko ukomeza guhagara kandi unagenda". Ahubwo se gutinya kongera gusuzuma ibyo tumaze imyaka na yindi twizera, cyangwa twizezwa, ko ari ukuri, ntiyaba akenshi ari yo ntandaro yo guhita dukanda "bouton" y'amayobera n'ubwiru? Aha ni ukubitekerezaho witonze muvandimwe (Ibaruwa ya 1 YOHANA 4:1).
Kanda hano umusubize

Mwigishwa - 22/03/2018 saa 18:11

Kuba hari ibintu by'Imana tutaramenya ntibyakagombye gutungurana; Umuremyi niwe ugena igihe gikwiye tuzabimenyesherezwamo (Soma Ivanjiri ya YOHANA 16:12). Ku rundi ruhande ariko, hari n'ibyo twamaze kumenyeshwa nk'ukuri kuva kuri Rurema: niyo mpamvu yo kuba twaragejejweho Ibyanditswe byera dutunze uyu munsi (nanone Ivanjiri ya YOHANA 17:17). Uramutse wemeye gusoma mu "1 ABAKORINTO 11:3" wabona ko NTA butatu buriho, ko Imana isumba byose na bose, ko Yesu aza kumwa wa kabiri gusa mu bubasha. Ahandi wasoma mu byanditswe ukagirango havuguruza aho, ni wowe uba ubyiyumvisha mu buryo butaribwo, kuko Imana ntiyakwigisha ikintu ko ari ukuri, ngo ihindukire ivuge ko n'ikinyuranyo cyacyo ari ukuri nacyo icyarimwe. Umuntu muzima (mu bwenge) ntiyakubwira ngo "Ndashaka ko ukomeza guhagara kandi unagenda". Ahubwo se gutinya kongera gusuzuma ibyo tumaze imyaka na yindi twizera, cyangwa twizezwa, ko ari ukuri, ntiyaba akenshi ari yo ntandaro yo guhita dukanda "bouton" y'amayobera n'ubwiru? Aha ni ukubitekerezaho wtwitonze (Ibaruwa ya 1 YOHANA 4:1).
Kanda hano umusubize

Potien - 7/11/2018 saa 14:19

Muri bibilia harimo ubuhanuzi bubi n ubwiza ubworero yuda, pirato n abandi basohoj ubuhanuzi bubi. Luk 17:1.
Kanda hano umusubize

Potien - 7/11/2018 saa 14:19

Muri bibilia harimo ubuhanuzi bubi n ubwiza ubworero yuda, pirato n abandi basohoj ubuhanuzi bubi. Luk 17:1.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X