Home > Amakuru Yose > Amakuru mashya > Rwanda mu bihugu 6 bya mbere bihagaze nezamu guhangana na COVID-19

Rwanda mu bihugu 6 bya mbere bihagaze nezamu guhangana na COVID-19

By Imirasire On:28 January
210
photo

Ubushakashatsi bwakozwe n’Ikigo Lowy Institute cy’i Sydney muri Australia bugamije kureba uko ibihugu bikurikirana mu guhangana n’icyorezo cya Covid-19 kibasiye Isi, u Rwanda rwaje mu bihugu 10 bya mbere ku Isi, naho Brazil ikaba iya nyuma kuri uru rutonde. Ni mu gihe Leta zunze ubumwe za Amerika na zo ziriri mu mu bihugu 10 bya nyuma bihagaze nabi mu guhangana na Covid-19.

Ku wa Gatatu tariki 27 mu Rwanda Covid-19 yishe abantu babiri, handura 281, hakira 181, abantu 4 941 ni bo bakirwaye. Muri rusange kuva muri Werurwe 2020, Covid-19 imaze kwica abantu 183.

Ikigo Lowy Institute kivuga ko mu gukora ubushakashatsi bwacyo cyashingiye ku bipimo bitandatu birimo ingano yo gupima Virusi ku mubare w’abaturage, imibare y’abandura, imibare y’abapfa, gusesengura amakuru atangwa n’ibindi.

New Zealand ni iya mbere ku rutonde rw’ibihugu 100, ifite amanota (94.4) mu guhashya iki cyorezo kubera gahunda za ‘Guma mu Rugo’ no gupima abantu benshi.

Ibihugu bya Vietnam, Taiwan, Thailand, Cyprus (Ibirwa bya Chypre), u Rwanda, Iceland, Australia, Latvia na Sri Lanka biza mu 10 bya mbere mu byakozweho isesengura n’ubushakashatsi n’amanota (77.5).

U Rwanda rufite amanota 80.8%, ikindi gihugu cya Africa kiri hafi ku rutonde ni Togo iri ku mwanya wa 15.

Mu mpera z’Icyumweru gishize Minisiteri y’Ubuzima ifatanyije n’Ikigo cy’Igihugu cy’Ubuzima (RBC) bapimye COVID-19 ibyiciro by’abaturage byatoranyijwe muri Kigali birimo abakuze barengeje imyaka 69, abafite indwara zidakira n’abashobora kuba barahuye n’abanduye Covid-19.

Nyuma Ministeri y’Ubuzima yatangaje ko iki gikorwa gikomereza no ku bandi bantu bashaka kwipimisha ku bushake hirya no hino mu gihugu kugira ngo bamenye uko icyorezo gihagaze.

Kigali iri muri Guma mu Rugo kuva tariki 19 Mutarama 2021, ingamba Leta yavuze ko zizamara iminsi 15, ndetse ingendo zihuza Intara n’izihuza Kigali n’izindi Ntara zarahagaritswe kugira ngo igihugu gihangane no kugabanya ubwandu bushya.

Mu Karere ka EAC u Rwanda ruri ku mwanya wa Mbere kimwe no muri Africa, Uganda ni iya 31 (amanota 59.7), D.R.Congo iri ku mwanya wa 40 (amanota 54.9), Kenya ku mwanya wa 49 (amanota 48.2), Tanzania, n’ u Burundi ntibiri ku rutonde kuko nta mibare bitanga kimwe n’Ubushinwa n’ibindi.

Ibihugu byanyuma birimo Chile ya 90, Ukraine, Oman, Panama, Bolivia, Leta zunze Ubumwe za America ni iya 95 (amanota 17.3) yegeranye na Iran, Colombia, Mexico (Mexique) na Brazil ya nyuma ku mwanya wa 98 (amanota 4.3).

Make A Comment

Izindi Nkuru Wasoma