_atrk_opts = { atrk_acct:"/fLKj1a8wt002u", domain:"imirasire.com",dynamic: true}; (function() { var as = document.createElement('script'); as.type = 'text/javascript'; as.async = true; as.src = "https://d31qbv1cthcecs.cloudfront.net/atrk.js"; var s = document.getElementsByTagName('script')[0];s.parentNode.insertBefore(as, s); })();
Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Umuhanzi Bushali na bagenzi be barakomeza gufungwa kubera urumogi

Urukiko rw’ibanze rwa Nyarugenge i Kigali rwategetse ko umuhanzi Bushali - umwe mu bagezweho cyane mu rubyiruko mu Rwanda muri iyi minsi - na bagenzi be bakomeza gufungwa by’agateganyo kuko bashinjwa kunywa urumogi.


Hagenimana Jean Paul uzwi muri muzika nka Bushali, na mugenzi we Nizeyimana uzwi nka Slim Drip, mu kwezi gushize bafashwe na polisi hamwe n’abakobwa babiri mu nzu iri i Nyamirambo bashinjwa ko bari bafite kandi banywa urumogi.

Bushali na mugenzi we bamaze kwamamara cyane mu Rwanda mu njyana bo bita ’Kinyatrap’, bari mu bahanzi bagezweho cyane muri iyi minsi mu gihugu.

Bushali amaze kumenyekana cyane kubera indirimbo ze nka; Nituebue, Kinyarap, Yarababaye, Kugasima n’izindi...

Amategeko ahana mu Rwanda avuga ko umuntu wese "ufatanwa, urya, unywa cyangwa uhumeka ibiyobyabwenge, ubihamijwe n’urukiko ahanishwa igifungo kitari munsi y’umwaka umwe ariko kitarenze imyaka ibiri cyangwa imirimo y’inyungu rusange".

Urumogi ruri ku rutonde rw’ibiyobyabwenge bitemewe mu Rwanda.

Uyu munsi umucamanza yavuze ko abaregwa bafatanywe urumogi kandi umuganga wabasuzumye yemeje ko babasanzemo ibiyobyabwenge mu maraso.

Umwe mu bakobwa we yagizwe umwere kuko umucamanza yavuze ko umuganga yasanze nta biyobyabwenge biri mu mubiri we.

Abandi batatu bagasiye yategetse ko bakomeza gufungwa by’agateganyo.

Mu iburanisha rishize, abaregwa bahakanye icyaha, bavuga ko bafashwe bari kuruhuka kandi nta rumogi bari bafite.

Abaregwa bose ni urubyiruko, bari mu myaka iri hagati ya 20 na 25.

Mu iburanisha riheruka ku ifungwa n’ifungurwa ry’agateganyo, Bushali yabwiye urukiko ko urumogi yarunywaga ariko hashize amezi ane aruretse.

Mu Rwanda hari abandi bahanzi bazwi bafashwe mu bikorwa byo gukoresha ibiyobyabwenge, bo boherejwe mu kigo ngororamuco cya Iwawa mu kiyaga cya Kivu.

Muri bo harimo Fireman uherukayo kuvayo vuba, P-Fla, Young Tone, Neg-G the general (ubu uriyo), na Saidi Brazza.

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X