UMWIGISHWA WA YESU KRISTO - 27/12/2017 saa 10:11

Igice-3- Ese mu itorero rya mbere, Abakristo nta mafaranga (impiya) batangaga yo GUFASHA ABAKENE, no gutera inkunga ABABWIRIZABUTUMWA ? Barayatangaga rwose. Nyamara NTIYITWAGA AMATURO, ntiyitwaga icyacumi. Yitwaga amazina abiri: UMURIMO W'UBUNTU. (2Kor.8:1-7) GUTANGA NO GUHABWA. (Filipi.4:15-16) >> Aya mafaranga yatangwaga ku bushake NTA GAHATO CGA KWATURIRWAHO IMIVUMO. >> NTAWABARIRWAGA NGO URATANGA AYA NAYA, Ahubwo batangaga buri wese UKO ABWIRIJWE N'UMUTIMA WE. * 2Kor.8:12: «kuko iyo umuntu yemeye GUTANGA AKURIKIJE IBYO AFITE, ibyo birahagije. Nta wukwiriye gutanga ibyo adafite.» * 2Kor.9:7: «Umuntu wese ATANGE NK'UKO ABIGAMBIRIYE MU MUTIMA WE, atinuba kandi ADAHATWA , kuko Imana ikunda utanga anezerewe.» * Ababwiriza butumwa BOSE NTIBAHABWAGA UBWO BUFASHA, kuko utari umushahara. Wahabwaga ubukeneye koko. Urugero, PAWULO na Barinaba, kubera ko bari bafite uburyo babonamo ibibatunga, BANZE GUHABWA UBWO BUFASHA. Cyokora izindi ntumwa zo ZARABWAKIRAGA , kuko nta bundi bushobozi zari zifite. Pawulo nawe yabanje kujya yakira ubwo bufasha,agitangira kuvuga ubutumwa, Ariko nyuma, amaze kubona uko yitunga ( yabohaga amahema : Ibyak.18:1-3 ), UBWO BUFASHA YARABWANZE. * Filipi.4:15-16: « Kandi mwa Bafilipi mwe, namwe ubwanyu muzi yuko ubutumwa bwiza BUGITANGIRA KUBWIRIZWA, ubwo navaga i Makedoniya, nta rindi Torero ryafatanije nanjye mu byo GUTANGA NO GUHABWA, keretse mwebwe mwenyine. Ndetse n'i Tesalonike MWOHEREJEYO IBYO KUNKENURA, si rimwe risa, ahubwo ni kabiri.» * 1Kor.9:4-15 «Mbese ntitwemererwa kurya no kunywa? Ntitwakwemererwa kugira abagore bizera, ngo tujyane na bo, NK'UKO IZINDI NTUMWA ZIGENZA, na bene se b'Umwami Yesu na Kefa? Cyangwa jyewe na Barinaba NI TWE TWENYINE tutemererwa KURUHUKA KWIKORERA ? Ni nde wigeze kuba umusirikare akitunga? Ni nde utera uruzabibu ntarye imbuto zarwo? Cyangwa se ni nde uragira ishyo ntarikame? ... ABANDI KO BAFITE UBWO BUTWARE kuri mwe, NKANSWE TWEBWE? Ariko ntituragakoresha ubwo butware... Ariko jyeweho NTA CYO MURI BYO NAKURIKIJE, kandi sinandikiye ibyo kugira ngo mubinkorere...» >> NTA KIBI kuba abakristo batera INKUNGA ABABWIRIZABUTUMWA mu murimo wo Gutanga no Guhabwa, ahubwo ni Itegeko ry'Umwami. (2Kor.9:14) Icyaha ni ukubyita Amaturo n'icyacumi. Icyaha ni ukubyaka ku gahato n'imivumo rugeretse. Icyaha ni ukubihindura UMUSHAHARA, ku buryo NUFITE AMIKORO ABIHABWA, nkaho ahubwo YAFASHIJE ABAKENE, ahubwo abo bakene bakamufasha ! Biteye agahinda ! * Abahinduye umurimo w'Imana iseta y'ubucuruzi, BAZABONA ISHYANO. *1Tim.6:5: «n'impaka z'abantu BONONEKAYE UBWENGE, bakamyemo ukuri, BIBWIRA YUKO KUBAHA IMANA, ARI INZIRA YO KUBONA INDAMU.» (Iherezo)

Musubize

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.