Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

ADEPR Gatsata : Pasiteri yabise ibicucu none agiye no kubirukana burundu.

Nyuma y’uko abaririmbyi bo muri korale Salem bagaragaje ko amatora y‘abayobozi babo yabaye afifitse bakandikira umushumba wa Paruwase Nsabayesu Alfan bamusaba kugira icyo abikoraho, kuri ubu uyu mushumba yise abanditse iyi baruwa bicucu ndetse ngo ari no gutegura kubirukana.

Mu gihe abaririmbyi bagaragaza ko amatora yabaye atangenze neza kuko ngo ubwo bari bagiye gutora basabye uwari ahagarariye amatora kubanza kubara abaririmbyi bitabiriye amatora akabyanga ababwira ko aza kubara udupapuro tw’abatoye nyuma bikaza kugaragara ko habayemo uburiganya, byahise bituma basubika amatora, komite iza gushyirwaho na Pasiteri w’umudugudu afatanyije n’uwitwa Gasana nawe wakunze kunengwa n’abakristo.

Baragira bati, “Njye rero hari ikintu mbiziho… ndi umuririmbyi wo muyindi korale hanyuma hari ku itariki ya 27/12/2016 twari tugiye kurepeta mbona umugabo witwa […]na Pasiteri Rwasibo ndetse n’undi mudamu witwa […] ninjira mu rusengero kuko intebe zari zibaye nkeya njya gufata intebe nkiri mu rusengero ngiye gufata intebe nsanga Pasiteri Rwasibo arimo kubwira nabi abaririmbyi (imvugo) itari nziza , mu rurimi rutari rwiza abwira abaririmbi ngo mutatane buri muntu ajye ukwe undi ajye ukwe noneho ngira amakenga kuko natwe yari amaze iminsi aje kudutoresha bamwe mu baririmbyi bamubaza impamvu atabanje kubara abaririmbyi bahari ababwira ko baza kubara udupapuro tw’abari butore nahise nigira muri korale njya kurepeta, turangije repetisiyo (Repetition)numva abaririmbyi bo muri korale salem bivovota bavuga ko amatora atagenze neza harimo uwinshuti yanjye ndamwegera aba ariwe umpa amakuru y’ukuntu byagenze.”

JPEG - 157 kb
Korale (chorale) Salem

Undi nawe aragira ati “ Twari turi gutora, nandika agapapuro nkita “ndifashe”, mu dupapuro tw’amajwi basomye nta ndifashe bavuzemo. Byatumye manika agatoki mbaza impamvu ako gapapuro ntako basomyemo bambwira ko ntacyo nkwiye kuvuga , byahise bituma abandi baririmbyi nabo babaza impamvu ntako basomye( ndifashe) basaba ko amajwi yasubirwamo barabyanga. Pasteri avuga ko korali agiye kuba ayiyoboye, nyuma y’iminsi mikeya batumiza inama mpuzamakorali badutangariza comite nshya ya korali tutazi uko yagiyeho. Twahise twandikira umushumba wa paroisse tumubwira iby’ayo matora uko byagenze, nanubu ntiturasubizwa.”

Twashatse kumenya icyari muri urwo rwandiko mu rwego rwo kumenya niba koko ibyo aba twaganiriye bavuga niba ari ukuri maze Pasteri Nsabayesu Alfan adutangariza ko tudakwiye kumenya ibikubiye muri iyo baruwa ko ntaho batabikwije, kubw’ibyo ngo nta kwiye kuba igicucu nkabo.

Pasteri Nsabayesu aragira ati “ Ibaruwa twayibonye ariko turi mu bihe by’iminsi mikuru, twabasabye ko twahura ejo tukareba niba koko ibyo banditse aribyo […] Usibye ko nzaganira na bariya banditse bakampa amakuru y’imvaho bakambwira uko ibintu byagenze byarangira nkahamagara na bariya 30 hanyuma ukazampamagara nkakubwira uko byagenze.”

Naho ku kibazo cyo kumenya ibikubiye mu ibaruwa Pasteri Nsabayesu yavuze ko nta mpamvu yo kubibwira itangazamakuru anavuga ko abivuze yaba abaye igicucu nk’abayanditse.

Yagize ati “ Ibyo se birakureba ? Ibyo ntabwo bikureba ariko. Abanyamakuru se bakwiye kumenya ibyanditse mu ibaruwa ? Bayiguhe maze nawe [..] ntawe batayihaye, barafotoye bayihaye abapasteri dukorana bose n’inshuti zabo, rubanda rwose, itorero barishyize ahagaragara, uragirango nange mbe igicucu nka bo ? Urabona najya gusebya itorero ?”

Amakuru agera ku kinyamakuru Imirasire avuga ko agiye guhamagara abazanye uru rwandiko akababaza iby’aya makuru, agahamagara na bariya 30 basinye kuri iyo baruwa, yasanga ari 2 banditse bonyine akabirukana burundu mu itorero rya ADPR.

Bruce MUSHUMBA

Kanda hano udukurikire kuri Facebook na Twitter

Ibitekerezo

Uwizey’Imana vivens - 9/05/2017 saa 12:54

ntagihamya mbifiteho umurimo nuwimana ibyo byabaye birsgayitse ninko kubona umugore yandagaza umugabowepe
Kanda hano umusubize

Sakumi Anselme - 2/07/2017 saa 09:39

Umurimo nuwakristo bareke bazawubazwa
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X