Monaco cosmetics

Abahanzi nyarwanda bitabiriye amahugurwa mu Bushinwa yo kwiyubakira ubushobozi

Abahanzi nyarwanda babiri bari mu mujyi wa Beijing mu Bushinwa, aho bitabiriye amahugurwa agamije kwiyubakira ubushobozi bw’ibigo bito n’ibiciritse, yitabiriwe n’abaturutse mu bihugu 18 byo ku migabane ya Afurika na Aziya.

Abo ni Bwana Ahmed Harerimana Umunyamabanga nshingwabikorwa w’inama y’igihugu y’abahanzi akaba ubusanzwe ari n’umuhanzi mu bijyanye no gukora filimi, ari kumwe na Madamu Dusingizumuremyi Marie Chantal, Umuyobozi wa federation yo kwerekana imideri n’ubwiza (Rwanda beauty and fashion federation).

JPEG - 46.9 kb
Abahanzi bitabiriye amahugurwa bari kumwe n’abanyarwanda babiri

Amahugurwa yatangiye kuwa 16/3/2017 akazageza kuwa 5/4/2017, yateguwe na Minisiteri y’ubucuruzi y’Ubushinwa, akaba agamije kwereka ibindi bihugu uburyo Ubushinwa bwabashije kwivana mu bibazo by’ingutu bwari bufite birimo n’ubukene, bwifashishije ibikorerwa imbere mu gihugu (MADE IN CHINA), bikagurishwa hanze kugirango byinjirize igihugu amadovize, ubu kikaba ari igihugu cya kabiri ku isi mu bukungu.

Beijing ni umujyi mukuru w’Ubushinwa mu bya politiki ndetse n’umuco, ukaba n’isura y’iterambere ry’Ubushinwa. Abaturage b’Ubushinwa bagiye bazamura ubukungu bwabo bashingiye kuri politiki y’igihugu cyabo yo kwubaka ibigo bito n’ibiciriritse, baharanira guteza imbere ibikorerwa iwabo, bakabimenyekanisha mu mahanga ari nako byinjiza amadovize.

Aya mahugurwa rero ngo afitiye akamaro cyane abahanzi kimwe n’abandi banyarwanda benshi, bashinga amahuriro bagamije kwiteza imbere no guteza imbere igihugu.

Francine Andrew Mukase

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X