Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Abakobwa bahigitse abahungu mu mitsindire y’ikizamini cya leta mu 2016

Minisiteri y’Uburezi yatangaje ko mu gutsinda ikizamini cya leta mu 2016, mu mashuri abanza abanyeshuri batsinze ku gipimo cyo hejuru, mu mashuri abanza ari 5.32%, mu gihe mu bakoze ikizamini gisoza icyiciro rusange ho abatsinze ku inota ryo hejuru ari 11%.

Gusa imibare yatangajwe yerekana ko muri rusange abakobwa aribo baza imbere mu mubare munini w’abatsinze, ariko imibare ikagaragaza ko iyo bigeze ku gutsindira ku inota ryo hejuru, abahungu baza imbere y’abakobwa.

Ubwo yatangazaga amanota y’ibizamini bya Leta kuri uyu wa Mbere, Umunyamabanga wa Leta Ushinzwe amashuri abanza n’ayisumbuye, Isaac Munyakazi, yagaragaje ko abakobwa bakomeje kugira umubare munini w’abatsinze ikizamini cya leta.

Umubare w’abana bakoze ibizamini bose mu 2015, abakobwa bari 55%, abahungu bari 46%. Abatsinze ku inota ryafatiweho mu cyiciro cya mbere baba 6482 bangana na 4.4%.

Ati “Turishimira ko umubare wazamutse, aho bigaragara ko abana batsinze mu cyiciro cya mbere ari 9 957 bangana na 5.32%. Mu by’ukuri ni ikintu twakwishimira tugereranyije umwaka washize n’uyu mwaka, noneho mu bindi byiciro ni ukuvuga ku cya kabiri kugeza mu cya kane, ikigaragara ni uko mu gihe ubushize bari batsindiye ku inota rya 84.8%, uyu mwaka abatsinze nanone umubare wazamutse ugera kuri 85.4%. Abahungu muri bo bakaba bangana na 44.9%, abakobwa bakaba bangana na 55.1ku ijana.”

Mu mashuri abanza, abanyeshuri bakoze ibizamini bya Leta mu 2016 bari 194 679.

Munyakazi yakomeje agira ati “Mu cyiciro rusange ho ikigaragara nabwo umubare w’abana batsinze wazamutse, aho abatsinze mu cyiciro cya mbere bavuye ku 10% mu mwaka ushize baba 11%, mu bindi byiciro bisigaye kuva ku cya kabiri kugeza ku cya kane, umwaka ushize bari batsinze kuri 87.24% ubu twakwishimira ko byazamutse bikagera kuri 89%. Abahungu bangana 47.8%, abakobwa nibo benshi batsinze kuri 52.14%.”

Aya manota uyu munsi ababyeyi n’abanyeshuri bashobora kuyabona hakoreshejwe uburyo bubiri, burimo ubwa SMS aho bakoresha 489, bagashyiraho nimero iranga umwana, cyangwa gusura urubuga rwa REB, umuntu akajya ahabugenewe, agashyiramo code y’umunyeshuri n’icyiciro yigagamo.

JPEG - 113.8 kb
Umunyamabanga wa Leta Ushinzwe amashuri abanza n’ayisumbuye, Isaac Munyakazi

Munyakazi yakomeje agira ati “Mbere y’uko iki cyumweru kirangira abana bose turaba twabashyize mu myanya, mu mashuri biga bataha n’ibigo bigamo bacumbitse. Kuwa Mbere hakoreshejwe bwa buryo bukoreshwa mu kumenya amanota yabo, bazabona ibigo boherejwemo, bakazaba bafite icyumweru cyose cyo kwitegura no kubona ibisabwa.”

Biteganyijwe ko igihembwe cya mbere cy’umwaka w’amashuri wa 2017 kizatangira kuwa 23 Mutarama kikazarangira kuwa 31 Werurwe, kikazamara ibyumweru 10.

Bruce MUSHUMBA

Kanda hano udukurikire kuri Facebook na Twitter

Ibitekerezo

jabo - 10/01/2017 saa 00:05

birababaje gutangaza amanota mutarahemba abarimu babikodr
Kanda hano umusubize

bosco - 10/01/2017 saa 20:41

abatangaza amanota bajye bibuka ko hari ababigizemo uruhare cg nuko bo ayabo baba barayabonye? ahaaa! nduhe barye ....
Kanda hano umusubize

hitayezu janvier - 9/01/2017 saa 20:54

ndashaka amanota mfite kuri iyi kode 03/01/02/02/015
Kanda hano umusubize

Fils - 10/01/2017 saa 11:41

Division: II Aggregate: 20 Names: Janvier HITAYEZU
Kanda hano umusubize

schadrack - 9/01/2017 saa 18:03

muzafatira kuri angahe manota
Kanda hano umusubize

- 12/01/2017 saa 07:12

bazafatira kur zingahe?
Kanda hano umusubize

schadrack - 9/01/2017 saa 18:02

muzafatira kuri angahe
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X