Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Abatabona ko Amerika ikwiye kugirana umubano n’u Burusiya ni abasazi. Donald Trump

Perezida mushya wa Leta Zunze Ubumwe za Amerika, Donald Trump, mu gihe abura iminsi micye ngo yinjire muri White House nyuma y’umuhango wo kurahira uzaba tariki 20 Mutarama 2017, yandagaje Perezida Barack Obama asimbuye, hamwe n’abandi bose batekereza ko gihugu cya Amerika kidakwiye kugirana umubano n’u Burusiya.

Tariki 30 Ukuboza 2016, Perezida Barack Obama yirukanye abadipolomate 35 b’Abarusiya, ahita anavuga ko Abanyamerika bose bakwiye guterwa ubwoba kandi bakitondera ibikorwa by’u Burusiya.
Ibi ariko kandi byagaragaye nko gushaka kwihimura kuri Donald Trump udahwema kugaragaza ko afitanye umubano wa hafi n’igihugu cy’u Burusiya.

Perezida Donald Trump udakunze kuripfana, na we yahise agaragaza ko Perezida Barack Obama n’abandi bumva ko umubano mwiza wa Leta Zunze Ubumwe za Amerika n’u Burusiya udakwiye, ari ibicucu n’abasazi.

JPEG - 15.7 kb
Donald Trump,

Abinyujije ku rubuga rwa Twitter, Donald Trump yagize ati: "Kugirana umubano mwiza n’u Burusiya ni ikintu cyiza, ntabwo ari ikintu kibi.
Abantu b’ibicucu cyangwa abasazi nibo bashobora gutekereza ko ari ikintu kibi. Dufite ibibazo byinshi ku isi yose. Mu gihe nzaba ndi Perezida, u Burusiya buzatwubaha kuruta uko babikora ubu, kandi ibihugu byombi bishobora kuzakorana mu gucyemura bimwe mu bibazo bikomeye byugarije isi."

Perezida w’u Burusiya, Vladimir Putin, ubwo muri Amerika habaga amatora ya Perezida, yakunze kugaragaza ko ashyigikiye ko Donald Trump yatorwa, ndetse nyuma y’amatora u Burusiya bwakomeje gushinjwa kwinjira mu mabanga ya Amerika bukagira uruhare mu bujura bw’amajwi.

Kugeza ubu, Barack Obama agiye kuva ku buyobozi akivuga ko Vladimir Putin ari we watumye Donald Trump atsinda mu buriganya avuga ko bwakozwe hifashishijwe uburyo bw’ikoranabuhanga rigezweho buzwi ku izina rya hacking.


Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X