Monaco cosmetics
Ahabanza  >>  Amakuru yose >> Amakuru mashya >> 

Abatuye mu manegeka barasaba Leta kubakura mu cyo bita urujijo

Bamwe mu baturage batuye mu manegeka barasaba leta kubakura mu cyo bita urujijo rwo kuba ngo basabwa kwishyura umusoro k’ubukode bw’ubutaka , nyamara batazi neza niba ubutaka bw’aho batuye buzakomeza kuba ubwabo, yewe ngo bakaba batazi n’igihe bazimurirwa muri ayo manegeka.

Ubuyobozi bw’umujyi wa Kigali buvuga ko igihe abo baturage bagituye muri ayo manegeka bagomba gukomeza kuhasorera kugeza igihe bahimuriwe.

Abaturage baganiriye n’itangazamakuru batuye mu kagali ka Ruhango mu murenge wa Gisozi mu karere ka Gasabo bavuga ko bafite icyo kibazo.

Ikimenyetso cya Towa kiri ku mazu atari make aherereye mu mudugudu i Kanyinya mu kagali ka Ruhango, mu murenge wa Gisozi ni cyo kimenyetso cyerekana ko bidasubirwaho ako gace gafatwa nk’amanegeka.

Bany’iri ayo mazu yanditseho Towa bemeza ko bafite ibyangobwa by’ubwo butaka, kandi ngo basabwa kubwishyurira umusoro w’ubukode bw’ubutaka kandi hafatwa nko mu manegeka,Ibyo banyiraho babyita akarengane no kubashyira mu rujijo.

Kuba batazi neza niba ubutaka buzakomeza bukaba ubwabo igihe baba bimuwe mu manegeka, ni indi ngingo abatuye muri ayo manegeka bavuga ko ibashyira mu rujijo ,bigatuma hari n’ababaye baretse kwishyura uwo musoro ku bukode bw’ubutaka kugira ngo babanze bakurwe mu cyo bita urujijo.

MUHONGERWA Patricie umuyobozi wungirije w’umujyi wa Kigali ushinzwe imibereho myiza yabwiye Royal FM yavuze ko igihe abo baturage bagituye muri ubwo butaka kandi bukaba busoreshwa, banyirabwo bagomba gukomeza kubusorera kugeza igihe bahimuriwe.

Hari umwe mu babitsi b’impapuro mpamo z’ubutaka , wabwiye abanyamakuru ko politike y’ubutaka igena ko ubutaka buri ahantu habarwa nko mu manegeka ,bukomeza kuba ubw’ubufitiye icyangombwa igihe abashije kubushyiramo igikorwa cyahagenewe ,bivuze ko icyo gikorwa niba ari igisaba ko ubutaka busora, nta kabuza nyirabwo agomba kubusorera.

Nkindi Alpha

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X