Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Amafaranga Miliyari 2 n’igice zisaga za leta zakubitiwe ahareba I Nzega

Amafaranga arenga miliyari 2 na miliyoni 500 zisaga zanyerejwe mu bigo bya leta nk’uko byemejwe n’umugenzuzi mukuru w’imali ya leta Obadiah Biraro. Kaminuza y’u Rwanda, WDA,Minisante na RBC ziza ku isonga mu kunyereza.

Ibi ni ibyagaragajwe na raporo y’umugenzuzi mukuru w’imali ya leta Obadia Biraro y’umwaka wa 2015/2016 ubwo yayimurikiraga inteko ishinga umutekano imitwe yombi yatangajwe kuri uyu wa gatatu tariki ya 3Gicurasi 2017.

JPEG - 91.3 kb
Obadiah Biraro umugenzuzi mukuru w’imali ya leta

Ari mu nteko ishinga amategeko, Umugenzuzi Mukuru w’Imari ya Leta Obadiah Biraro yavuze ko muri rusange mu mwaka w’ingengo y’imari ya 2015/16, hari Miliyari 12.2 zasohotse zidafite inyandiko zizisobanura.

By’umhwihariko ibi byagaragaye mu bigo nka WASAC hagaragaye Miliyari 3.9; Muri Kaminuza y’u Rwanda hagaragaye Miliyari imwe; Muri EDCL hagaragaye Miliyari 2.8, Muri EUCL hagaragaye Miliyoni 851, muri PASP hagaragaye Miliyari 1.6.

Yagaragaje kandi ko hari Miliyari 1.6 yasesaguwe muri Kaminuza y’u Rwanda (Miliyoni 240), CHUB (Miliyoni 111), mu Turere 14 (Miliyoni 227), Muri REG (Miliyoni 88), Muri NAEB (Miliyoni 178), Muri RAB (Miliyoni 56), na G4CTAP/MINICOM (Miliyoni 177).

Hakaba kandi na Miliyoni 590 zasohotse nta nyandiko zitanga uburenganzira, byagaragaye muri Kaminuza y’u Rwanda (Miliyoni 421), na WDA (Miliyoni 169).

Umugenzuzi Mukuru Biraro kandi yagaragarije Abadepite n’Abasenateri ko hari Miliyoni 906 zanyerejwe. Muri aya yanyerejwe, agera kuri Miliyoni 596 yanyerejwe mu bigo bitatu ari byo WDA (100,944,000 Frw), UR-MINISANTE (170,201,475 Frw) na RBC (324,907,286).

Biraro yasobanuye ko kunyereza umutungo guhuriweho na Kaminuza y’u Rwanda na Minisiteri y’Ubuzima (UR-MINISANTE) byaturutse ku kuba MINISANTE yarishyuye Miliyoni 170 kuri Konti y’uwari umukozi wa Kaminuza y’u Rwanda aho kwishyura kuri Konti ya Kaminuza, nyamara uwishyuwe si nawe wari kuri Fagitire.

Naho ayanyerejwe mu kigo cy’igihugu gishinzwe guteza imbere imyuga nyiro (WDA) ni aho cyishyuye rwiyemezamirimo Miliyoni 100 zo kugemurira IPRC-West ibikoresho bya Laboratwari ntiyabigemura.

Naho mu Kigo cy’Igihugu cy’Ubuzima (RBC) cyo cyoherereje Ibitaro by’Uturere Miliyoni 324 maze akoreshwa ibyo atateganyirijwe, n’ibindi.

Hari kandi amasezerano 98 yahombeje Leta miliyari 95,6 Frw
Umugenzuzi Mukuru Biraro yerekanye amakosa menshi yagaragaye mu micungire y’umutungo, byatumye amasezerano y’ibikorwa agera kuri 98 afite agaciro k’amafaranga miliyari 95 atarangira.

Muri iyi mishinga itararangiye harimo 9 yari yasigaye itarangiye mu 2014, indi 16 yari yasigaye mu 2015, na 74 yo muri uyu mwaka w’ingengo y’imari wasoje ku itariki 30 Kamena 2016, yose hamwe ifite agaciro k’amafaranga y’u Rwanda 95,671,306,480. Muri iyi mishinga 98, harimo 75 yakererewe na 23 ba rwiyemezamirimo bataye.

Hari intambwe yatewe mu kunoza imikoreshereze y’umutungo wa Leta
Umugenzuzi mukuru w’imari ya Leta Obadiah Biraro yavuze ko bagenzuye ibigo 14 aribyo RBC, REB, RAB, NAEB, WDA, RCS, RDB, RGB, RRA, RTDA, REG-EDCL, REG-EUCL, RURA na WASAC byakoresheje 60% by’ingengo y’imari y’umwaka wa 2015/2016, ni amafaranga amafaranga y’u Rwanda 1,147,354,557,580.

JPEG - 106.1 kb
Uhereye ibumoso ni Bernard Makuza Perezida wa Sena, Donatille Mukabarisa Perezida w’inteko ishinga amategeko umutwe w’abadepite

Gusa, muri rusange bagenzuye raporo ikomatanyije y’ifoto rusange y’umutungo wa Leta, banagenzura inzego 139, harimo Kaminuza y’u Rwanda, Minisiteri 12, Uturere twose n’Umujyi wa Kigali, n’imishinga yose iterwa inkunga na Banki y’Isi hamwe n’inkunga yose Global Fund itera u Rwanda mu kurwanya Malariya, SIDA n’Igituntu.

Ati “Muri rusange twagenzuye 85% y’amafaranga yose Leta yakoresheje mu mwaka w’ingengo y’imari warangiye ku ya 30 Kamena 2016.”

Umugenzuzi mukuru yavuze ko muri raporo 147 zakozwe muri uriya mwaka, raporo basanze nta bibazo zifite, ni ukuvuga izahawe ‘unqualified opinion/clean’ zarazamutse ziva kuri 78 umwaka ushize (50%) zigera kuri 88 (60%).

Abadepite banyuranye bagaragaje ko nubwo iyi Raporo igaragaza intambwe u Rwanda rumaze gutera mu kugenzura imikoreshereze y’umutungo, hakiri ikibazo cy’amafaranga anyerezwa, akoreshwa nabi n’ibikoresho byinshi bitabyazwa umusaruro.

Hon. Eduard Bamporiki yavuze ko hatagize igikorwa ngo barusheho kugenzura ibikorwa bya Guverinoma n’imikoreshereze y’umutungo wa Leta “Amateka yazabibabaza”.

Umugenzuzi Mukuru w’Imari ya Leta Obadiah Biraro yasabye ko hagira igikorwa kugira ngo imicungire y’umutungo ibigo bya Leta bihabwa ibe idasanzwe, hagaragazwe uburyo busobanutse bw’abakwiye kugenzura imikorere ya biriya bigo, ndetse abagaragaweho n’imikorere n’imicungire mibi bakabiryozwa.

Nkindi Alpha

Kanda hano udukurikire kuri Facebook na Twitter

Ibitekerezo

NIYOMWUNGERI Moise - 9/07/2017 saa 11:24

Birababaje pee!!!! ariko twizeye ubuyobozi bwacu bizacyemuka neze kd vuba.
Kanda hano umusubize

Emma - 6/05/2017 saa 03:59

yewe! ba rutamizabiri ntibabura ariko abashinzwe kubagenzura mube maso mureberere rubanda.
Kanda hano umusubize

gahindiro - 5/05/2017 saa 11:19

Iri niryo terambere! Ayo yose iyo atanyerezwa tuba tugeze he?
Kanda hano umusubize

simbi - 4/05/2017 saa 12:58

Wasac na EDCL ni privste company?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X