Monaco cosmetics
Ahabanza  >>  Amakuru yose >> Iyobokamana >> 

Bibiliya ivuga iki ku mibonano mpuzabitsina n’ubutinganyi ?

Bibiliya ni ihuriro ry’ibitabo byinshi bivuga ku ngingo zitandukanye zirimo ibijyanye n’amateka, ubuhanuzi, ubusizi, inyigisho mbonezamibereho n’ibindi byashyizwe hamwe hagati y’ikinyejana cya munani mbere y’ivuka rya Yesu n’icya kabiri nyuma y’ivuka rye.

Bibiliya ni ihuriro ry’ibitabo byinshi bivuga ku ngingo zitandukanye zirimo ibijyanye n’amateka, ubuhanuzi, ubusizi, inyigisho mbonezamibereho n’ibindi byashyizwe hamwe hagati y’ikinyejana cya munani mbere y’ivuka rya Yesu n’icya kabiri nyuma y’ivuka rye.

Abasoma Bibiliya bavugako ihishemo ubuhanga bwinshi ndetse nta ngingo n’imwe irebana n’ubuzima bwa muntu ndetse n’ibibera ku Isi utasangamo.

Yigisha ibijyanye n’imibonano mpuzabitsina haba kuyikora mu buryo bwiza, kwagazanya, gusomana no kubaho ubuzima bw’umunyenga w’urukundo, abakundana barebana akana ko mu jisho ariko inavuga ku busambanyi no ku batinganyi.

Bifashishije imirongo yo muri Bibiliya, Stephen Kendrick na Alex Kendrick banditse igitabo ‘The Love Dare’ kigaragaza mu by’ukuri Igisobanuro nyacyo cy’ urukundo n’abitwa ko bazi Imana uburyo bagakwiye kuba barubamo.

Imana yatanze uburyo abantu bakwishimira ubuzima binyuze mu mibonano mpuzabitsina . Niba wari uziko gukora imibonano mpuzabitsina ari ugupfa kubikora gusa, Bibiliya itanga inama ndetse n’impamvu Imana yashyizeho iki gikorwa ndetse n’amabwiriza akigenga.

Iki gitabo cyerekana ko urukundo ari inkingi ya mwamba mu buzima bwa buri munsi cyane cyane ku bashakanye.

Amasomo ya Bibiliya iki gitabo kigarukaho ashimangira ko impamvu Imana yashyizeho umugabo n’umugore ndetse ikabashyingira kwari ukugira ngo umunezero wa muntu ukomeze kuba mwinshi kandi habeho kororoka.

Kurongorana bigomba kubahwa

Mu Baheburayo 13:4 hagira ati ‘Kurongorana kubahwe n’abantu bose kandi kuryamana kw’abarongoranye he kugira ikikwanduza, kuko abahehesi n’abasambanyi Imana izabaciraho iteka.”

Ayandi magambo dusanga mu gitabo cy’Itangiriro 2:24 agira ati ‘Nicyo gituma umuntu azasiga se na nyina ,akabana n’umugore we akaramata ,bombi bakaba umubiri umwe’.

Ikindi kiragagaza ko Bibiliya ishyigikiye imibonano mpuzabitsina ni uko muri Yesaya 34: 16 hagaragaza ko Imana yageneye buri muntu, yaba umugore n’umugabo uwo bakwiranye bagomba kubana.

Iri jambo rigira riti ‘Nimushake mu gitabo cy’Uwiteka musome, nta na kimwe muri ibyo kizabura, nta kigore kizabura ikigabo cyacyo kuko Uwiteka ari we ubitegekesheje akanwa ke, kandi umwuka we akaba ari we ubiteranije.’

Bibiliya irwanya yivuye inyuma ubusambanyi

Nubwo Bibiliya ishyigikiye imibonano mpuzabitsina ko ikorwa hagati y’abashakanye,inarwanya yivuye inyuma ubusambanyi kandi ko ababukora batazagera mu ijuru.

Abefeso 5:3 hagira hati “Ariko gusambana n’ibyonona byose no kurarikira ntibikavugwe rwose muri mwe nk’uko bikwiriye abera”.

Mu gitabo cya mbere, Pawulo yandikiye Abakorinto 6: 18 havuga ngo “Muzibukire gusambana. Ibindi byaha byose umuntu akora bikorerwa inyuma y’umubiri,ariko usambana aba akoze icyaha cyo mu mubiri we.”

Bibiliya yamagana ubutinganyi

Nubwo uko bukeye n’uko bwije abantu bagenda bakoresha imibiri uko bishakiye kandi bakirema agatima bavuga ko ariko baremwe, Bibiliya nk’igitabo cyemerwa n’abakiristo benshi ihamya ko ubutiganyi budakwiriye gukorwa.

JPEG - 67.9 kb
Bibiliya irabuziririza

Abalewi 20:13: Umugabo natinga undi bombi bazaba bakoze ikizira, ntibakabure kwicwa.

Mu 1 Abakorinto 6:9 havuga ngo “…Ntimwishuke abahehesi cyangwa abasenga ibishushanyo cyangwa abasambanyi ,cyangwa ibitingwa cyangwa abagabo benda abandi….bene abo ntibazaragwa ubwami bw’Imana.”

Abalewi 18:22 ‘Ntugatinge abagabo ni ikizira ,ntukaryamane n’itungo ryose cyangwa n’inyamaswa yose…”

Hari abitwaza amasomo ya Bibiliya bashaka gusambana

Hari amasomo yabaye ikimenyabose akoreshwa na benshi bagamije gushyigikira irari ryabo nyamara iyo usesenguye neza usanga atari cyo yari agamije.

Imigani 3: 27-28 “Abakwiriye kubona ibyiza ntukabibime niba bigushobokera.Ntukarerege mugenzi wawe uti ‘genda uzagaruke ejo mbiguhe’ kandi ubifite iruhande rwawe.”

Mu Bakorinto 1 7:5 ‘Ntimukimane keretse ahari musezeranye igihe kugira ngo mubone uburyo musenga….”

Ku bemera Bibiliya nta kintu na kimwe Imana yashyizemo kidasobanutse kuko ijambo ryayo ari ukuri kuzuye, keretse gusa umuntu aramutse ashatse kwiziba amatwi agakurikiza ibihwanye n’irari rye.

Christian N.

Kanda hano udukurikire kuri Facebook na Twitter

Ibitekerezo

kwizera - 20/04/2017 saa 20:04

UBWINSHI BWABANYABYAHA,NTACYO BUZABARENGERA KUMUNSI WO GUCIRIMANZA ABATUYISI !!! Urugero. MUGIHE CYA NOWA. IMANA YARIMBUYE ABARI KWISI. ISIGAZA. ABANTU MUNANI GUSA BUMVIRAGA. IMANA. UMURYANGO WA NOWA GUSA !!!! IGIHE CYA SODOMA NA GOMORA. IMANA YARABARIMBUYE ISIGAZA ROTI NABAKOBWA BE GUSA. KUKO NA MAMA WABO BAKOBWA YANZE KUMVIRA AMATEGEKO YIMANA YAHINDUTSE INKINGI YUMUNYU MURIKIGIHE RERO IMANA NIZA GUCIMANZA NUBWO HAZABONEKA UMUNANI NKABA NOWA IZAFATABO. Matayo 7 : 14 irembo rifunganye niryo nzira yubugingo kandi abayinyuramo nibake
Kanda hano umusubize

Robert - 20/04/2017 saa 07:45

Umunsi ukomeye kandi wuzuy' imiborogo kuri bamwe banze kumvira imana, ubgo Uwiteka azaba ategets' abamayika be gusarura isi, Nimucyo duhungire k' Umwami Yesu Kristo kuko niwe nzira y' ukuri n' ubugingo.
Kanda hano umusubize

Robert - 20/04/2017 saa 07:44

Umunsi ukomeye kandi wuzuy' imiborogo kuri bamwe banze kumvira imana, ubgo Uwiteka azaba ategets' abamayika be gusarura isi, Nimucyo duhungire k' Umwami Yesu Kristo kuko niwe nzira y' ukuri n' ubugingo.
Kanda hano umusubize

Emil - 20/04/2017 saa 04:57

Merci Christian.. Iyi nkuru iranyubatse!!
Kanda hano umusubize

NZARAMBA John - 19/04/2017 saa 16:41

UBUTINGANYI ni kimwe mu bintu imana yanga.Ikimbabaza nuko abantu bamagana gusa Ubutinganyi bakihorera ubundi busambanyi.Imana yaraturemye,irangije iduha amategeko.Muli ayo mategeko,harimo Kudasambana.Nyamara abantu bakora icyo cyaha,babarirwa muli za miliyoni nyinshi.Abantu bakora ibyo imana yanga,harimo n'abasambanyi,ntabwo bazaba mu bwami bw'imana (1 Abakorinto 6:9,10).Kugirango isi ihinduke Paradizo,imana izabanza irimbure abayabyaha bose (Imigani 2:21,22).Abakora ibyaha bakanga kwihana,ni Billions nyinshi.Nicyo gituma hazarokoka abantu bake kuli uwo munsi w'imperuka (Yeremiya 25:33).Ntimugakeke ko ibyo dusoma muli Bible bitazaba.Imana ifite PLAN ikurikiza.Yashyizeho umunsi w'imperuka.Dukore,twishimishe,ariko kandi tujye dukora n'ibyo imana idusaba.Mu byo imana idusaba,harimo kwiga Bible,kujya mu materaniro no kubwiriza abantu kugirango bazabone ubuzima bw'iteka.Abibera mmu byisi gusa,imana ibita ABANZI bayo,bityo bakazarimbuka ku munsi w'imperuka (Yakobo 4:4).
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X