Monaco cosmetics
Ahabanza  >>  Amakuru yose >> Iyobokamana >> 

Bibiliya ni impumeko y’Imana kuko ibiyanditswemo

Bibiliya ni impumeko y’Imana kuko ibiyanditswemo ari Imana yagiye ibiha abanditsi bayo. Ubwo buryo abanditsi bandikaga bayobowe n’Umwuka w’Imana ni byo byitwa guhumekwa n’Imana kwa Bibiliya.

“Ibyanditswe byera byose byahumetswe n’Imana kandi bigira umumaro wo kwigisha umuntu, no kumwemeza ibyaha bye no kumutunganya, no kumuhanira gukiranuka, kugira ngo umuntu w’Imana abe ashyitse, afite ibimukwiriye byose ngo akore imirimo myiza yose.” (2 Timoteyo 3:16)

Bibiliya n’ubwo tuyita igitabo ariko ni ihuriro ry’ibitabo 66; kuba igizwe n’ihuriro ry’ibitabo byinshi ni byo biyiha inkomoko y’izina Bibiliya (Bibliotheque).
Bibiliya igizwe n’amasezerano abiri, Isezerano rya kera; rigizwe n’ibitabo 39; n’isezerano rishya rigizwe n’ibitabo 27; wabihuriza hamwe bikaba ibitabo 66.
Bibiliya ntisanzwe kandi itandukanye n’ibindi bitabo byose bikoreshwa ku isi.

Dore ibiranga umwihariko wa Bibiliya Yera.
Bibiliya ni igitabo cya mbere cyabashije gushyirwa mu ndimi nyinshi ku isi. Ni igitabo gikunzwe kurusha ibindi bitabo; ubushakashatsi bugaragaza ko ari cyo gitabo cyabashije guhindura ubuzima bwa benshi yaba mu mubiri no mu bugingo.

Bibiliya yifashishwa mu myandikire y’ibindi bitabo by’iyobokamana. Bibiliya ntisomwa n’abizera gusa, ahubwo usanga abantu bose hadashingiwe no ku myizerere runaka bakunda kuyisoma; kubera ubwenge n’ubuhanga buyirimo.
” Gukora ibibi umupfapfa abyita ibikino, ariko umuhanga yishimira ubwenge.” (Imigani 10:23).

Bibiliya iratangaje kuko ni cyo gitabo cyabashije kwandikwa mu gihe kirekire; aho yanditswe mu myaka 1600.

Bibiliya yanditswe n’abantu 40; bataziranye kandi bari ahantu hatandukanye. Mu kwandika ntawahanye na mugenzi we gahunda yo kwandika cyangwa ngo amubwire icyo yandika. Imana ni yo yonyine yasangaga umuntu ikamuhumekera maze ayobowe na yo akandika.

Igitangaje ariko, Usanga abanditsi ba Bibiliya buzuzanya mu nkuru; aho usanga umwe atsindagira cyangwa agashimangira ibyavuzwe n’undi mwanditsi runaka.
Muri uko kwandikwa kwa Bibiliya; yanditswe mu ndimi eshatu;Igiheburayo; icy’Alumaya n’Ikigiriki.

Ubu Bibiliya ikaba imaze gushyirwa mu ndimi zisaga 2,454, ikaba iteganywa gushyirwa no mu zindi ndimi zikabakaba 4500 zisigaye.

Kuba Bibiliya yaranditswe mu myaka 1600; ikandikwa n’abantu 40; mu byukuri ntawe uzi undi cyangwa ngo bahane gahunda y’ibyo kwandika; nyamara wasoma ugasanga ibyanditse muri Bibiliya biri ku murongo umwe (Suite logique); n’igihamya gikomeye kigaragaza guhumekwa kwa Bibiliya; dore ko uwo mwihariko wo kwandikwa n’abantu benshi kandi mu bihe bitanduka; wasoma ukumva iri kumurongo nyawo kandi isobanutse, uwo n’umwihariko wa Bibiliya gusa.

Ni ukuba maso cyane kuko muri uko gushyira Bibiliya mu zindi ndimi usanga hari abakora amakosa; ugasanga ibivugwa muri izo Bibiliya byatakaje umwimerere nyawo wa Bibiliya ya mbere, dore ko hari n’abayandika bagakuramo amagambo y’ukuri; kugirango barengere imyizerere yabo.

Hari n’abayandika bagafata ukuri bakakugoreka bagamije kuyobya abantu; ibihe turimwo birakomeye; n’ukurushaho kuba maso.
“Ntimukazimye Umwuka w’Imana kandi ntimugahinyure ibihanurwa, ahubwo mugerageze byose mugundire ibyiza, mwirinde igisa n’ikibi cyose. ” (1 Abatesalonike 5:19-21)

Bibiliya ni igitabo cyandikanywe ubuhanga butangaje; kuko ikubiyemwo ubumenyi bwose; kandi igakora ku buzima bwose.
Bibiliya ikoze mu buryo ushobora kuyisoma; yo ubwayo ikaguhindura nta wundi muntu wabigizemwo uruhare.

Bibiliya yagiye irwanywa bikomeye; igakusanywa ndetse igatwikwa; abantu bashaka ko ukuri kuyirimwo kwazimangatana; Igitangaje ariko ni uko uko bayirwanyaga; ari ko yarushagaho kwamamara.

Kugirango dusome Bibiliiya tuyisobanukirwe neza, ni byiza kuyisoma igitabo ku gitabo, byaba byiza kurushaho ugahera ku itangiriro; ukiha igihe ukazasoreza ku Byahishuwe; bigufasha kumva ubutumwa bukubiye muri Bibiliya.

Imana ni twe yandikiye Bibiliya; nkuko umuntu atakwandikira urwandiko ngo urubike cyangwa ngo usome akarongo mu ibaruwa yose; ninako mu gusoma Bibiliya dukwiye kuyisoma yose; kuko irimo ubushake bwose bw’Imana kubo yaremye, yaba mugihe cyahise; icya none n’igihe kizaza.

Gusoma Bibiliya, bitandukanye no gusoma ibindi bitabo; mbere yo gusoma Bibiliya ukwiye kubanza gusenga ugasaba Imana kuguha kumva no gusobanukirwa ibyo ugiye gusoma; bikaba ari byiza gusoma ibice bitarenze bitatu ku munsi; kugirango ubashe kubitekerezaho no kurushaho kubizirikana.

Turabashishikariza gutunga no gusoma Bibiliya kandi mu rurimi wumva neza; Niba hari aho udasobanukiwe neza; ifashishe urundi rurimi; wumva neza mu rwego rwo gukora ubucukumbuzi bwimbitse.

Bibiliya si inyanja nkuko benshi babivuga. Nta n’amayobera ayirimwo mu kuyisoma; nta nubwo yivuguruza nkuko bamwe babivuga.

Christian N.

Kanda hano udukurikire kuri Facebook na Twitter

Ibitekerezo

- 25/06/2017 saa 18:23

Dufisikibazomuryango Turasenga Arikotwama Mumishwano Kandindubaste Hagezekowahukana None Nahukane Nigumiruku Kandisham A Imana Mufashije Ik
Kanda hano umusubize

muntuwimana - 11/05/2017 saa 16:53

Wowe Uvugako Bibiliya igandisha abaturage ikanabakenesha ndumva ari uburenganzira bwe gusa azasesengureneza amenye aho bumujyana.Ese yaba aruta Tramp n'abandi bayobozi b'isi bayirahiriraho. Ese wowe uguya bibiliya waba utunze ibingana iki wakuye mukuyirwanya? Ujye wita ku bikureba wibuke ko nyuma yubu buzima hari urubanza. Kandi umuntu wese ukoresha bibiliya nabi mu matorerono munsengero agamije indonke azabibazwa n'Imana ikindi aho kuvumum a uzirinde kumuyoboka wirinde no gutangayo ayawe wihahiye ku bwenge n'imbaraga zawe. hanyuma abayobeyeyo ubasengere ikizakubwirako isengesho ryawe ryagezeyo nuko uzabona bose batangiye gukor nkawe.Nubona bitabaye ibyo uzicishe bugufi nka Nebukanizari, Berushari,,Ahabu n'abandi wemeze ko Imana isumba ibyo utekereza.
Kanda hano umusubize

JOSEPH - 2/05/2017 saa 08:51

BIBILIYA NICYO GITABO CYATUMYE ISI IBA INKENE( IBURA IBITUNGA UMUNTU BIFATIKA) UREBYE UMUBARE WABANTU BIRIRWA MUNSENGERO ZA BENE NDA NINI UFASHE IGIHE BAMARA MURUBWO BUYOBE BWABO BAWUMAZE BAKORA IBINTU BIFATIKA (GUHINGA, KWUBAKA NIBINDI TWATERA IMBERE CYANE NTIMUNYUMVE NABI SIMPAKANYE IMANA AHUBWO ICYO MPAKANA NUBURYO ABANTU BABURA IBYO BAKORA CG BABANEBWE BAKAJYA GUSHAKIRA MUMANA AMARAMUKO. NTAGO IMANA IKORESHA ABANTU BAMWE TWESE IDUKUNDA KIMWE RERO NTAGO YAKORESHA BAMWE NGO ABANDI IBIRENGAGIZE CG NGO YIYEREKE BAMWE HANYUMA ABANDI BARINDE BAPFA ITABIYERETSE
Kanda hano umusubize

UKURI - 3/05/2017 saa 15:55

Umuntu ATEKEREJE BUGUFI yagirango ibyo uvuga nibyo. Cyokora ukuri ni uko GUSENGA KOKO BITWARA IGIHE RUNAKA. kandi birumvikana, NTA GIKORWA NA KIMWE KIDATWARA IGIHE. Ese gusenga nibyo bitwara igihe byonyine ? Njye rwose SINKUNDA UBUFANA ubwo aribwo bwose, ahubwo nsuzuma ibintu N'IBIPIMO BIFATIKA. Reka TUGERERANYE igihe abantu bamara mu KABARI, buri mugoroba, ijoro ryose, hari n'abarara mu kabari, bakazinduka bababwira ngo ZAMURA AMAGURU DUKOROPE ! Uwaraye mu masengesho niwe wataye igihe ariko uwaraye mu kabari we nta gihe yataye !? TUREKE UBUFANA TUVUGISHE UKURI. Ngaho nanone tugereranye igihe abantu bata mu MUPIRA BAREBA ZA ARSENAL, MANU, BARSA... Ese ubona icyo gihe cyo ari gito ra ! Icyo bata muri BETTING !? Noneho reka nsoreze ku gihe abantu bata BAREBA FILM ZA SERIES ! Aha ho biteye ubwoba. Njye ntarabohoka, naryamaga saa cyenda z'ijoro NKANUYE MURI ECRAN !! Gusenga n'ubwo bitwara igihe , NI UBUFANA KUVUGA KO ARIBYO BYA MBERE BITWARA IGIHE.
Kanda hano umusubize

Iradukunda Frere - 24/05/2017 saa 19:53

Yenibyokoko Arikose Nkuwumuntu Abwiye Ibyandiste Akabihakana Abashinjiyekuki?Di frere NdiMu bugade Ngahonimusubize.
Kanda hano umusubize

Ntawanga jp - 1/05/2017 saa 10:27

Ndabashimiye kubitekerezo byanyu ariko ntabwo bihagije hakenewe ibiganiro imbonankubone kuri bible kuko ntiwadusobanurira ukuntu ibitekerezo pawulo yivugira ko ari ibye bihinduka ijambo ry imana. murakoze
Kanda hano umusubize

Ntawanga jp - 1/05/2017 saa 10:26

Ndabashimiye kubitekerezo byanyu ariko ntabwo bihagije hakenewe ibiganiro imbonankubone kuri bible kuko ntiwadusobanurira ukuntu ibitekerezo pawulo yivugira ko ari ibye bihinduka ijambo ry imana. murakoze
Kanda hano umusubize

Asinapol kimisagara - 30/04/2017 saa 16:36

kuki amadinyiyongera kandi bibiriya ni Imana ari kimwe jyembona ayamadini ayobya abantu benshi yishakira indonke mubantu
Kanda hano umusubize

modeste - 30/04/2017 saa 11:38

crista nagushimye, komeza, ukoleshwe numwuka wimana. Murakoze
Kanda hano umusubize

Rwasa frederic. - 30/04/2017 saa 00:48

BIbiliya.nijambo.ry'IMANA.kandi.ryizuye.abo bazitirira.birumvikana.KO.ataco.bari.kugerako.ntawashobora.kurwanya.IMANA.
Kanda hano umusubize

Robert - 29/04/2017 saa 16:59

Bible uragahoraho iteka ryose. " birabujijwe kugoreka bibiriya - kuyongeraho amagambo & kuyigabanyaho, ahubwo tuyivuge uko iri "
Kanda hano umusubize

Imanirabizi - 29/04/2017 saa 15:43

Iyi bibiriya iriho Ubu simpumeko imana! kandi nawe wabyanditse urabizi!!! wadobanura ute ko imana itubuza kubya nkuko bivugwa na Peter!!?? nibyishi ibyimana bisigaye my 1/3
Kanda hano umusubize

modeste - 29/04/2017 saa 15:36

twabakurikiraga. Abakunda, ibyimana. mukoze umurego ni modeste RDC NOR KIVU RUBAYA
Kanda hano umusubize

Ndashaka kugira icyo mvuga kubyo umwanditsi w'icyigisho ( Christian N.) yavuze. Byose nemeranywa nabyo, uretse inama yatugiriye yo gutangira kwiga Bibiliya DUHEREYE MU ITANGIRIRO. Ni INARARIBONYE nabonye mu mateka, itumye ngira icyo mvuga: SI BYIZA RWOSE ko UMUKRISTO, atangirira Kwiga UBUTUMWA BWIZA ahereye mu Itangiriro. Kuko iyo usoma, ugenda buri ibyo usoma UBISHYIRA MU BIKORWA. Uzarangiza isezerano rya kera waramaze KUBA UMUYAHUDI (umuyuda = juif ), kuko inyigisho ziri mu isezerano rya kera, ni izari zigenewe Abisiraheli - Abayuda, mbere y'uko urubyaro ruza. Ni nako byagendekeye William Miller: Nawe yatangiye kwiga Bibiliya yitonze cyane, ahereye mu Itangiriro. Yarangije abaye UMUYAHUDI - MUKRISTO, ni ukuvuga afite imyizerere ISHINGIYE KU MATEGEKO YA MOSE, kandi iyo myizerere rwose ni UBUYOBE, kuko NTITUGITWARWA N'AMATEGEKO YA MOSE, ahubwo dutwarwa n'amategeko ya Kristo. ( 1Abakorinto.9:20-21 ) Njye rero mbona ko mu rwego rwo kwirinda ubwo buyobe, umuntu yahera mu isezerano rishya, AKAMANZA AGACENGERWA N'INYIGISHO za GIKRISTO, noneho akazajya mu isezerano rya kera yaramaze gusobanukirwa neza aho UBUKRISTO butandukaniye N'UBUYAHUDI. Ibi biranoroha, kuko uko ugenda usoma isezerano rishya, bagenda bagaruka mu isezerano rya kera naho ukajya ujyayo gusoma kugirango wumve neza ibyo urimo usoma. Ariko gusoma UMURONGO KU WUNDI, mu isezerano rya kera, ukazabikora umaze rwose kwiga neza no gucengerwa n'isezerano rishya, nibwo uzaba Umukristo nyawe, utari IGIHINDUGEMBE cy'umukristo - muyahudi, nka William Miller n'abamukomokaho. Nibyo rwose. Yemwe abashaka kwiga Ibyanditswe byera, MUTANGIRIRE MU ISEZERANO RISHYA.
Kanda hano umusubize

UMUYAHUDI - 1/07/2017 saa 05:53

Rwose uvuze ibindi ku mutima, nemeranya nawe kbsa. Ntabwo watangira kwiga Bibiliya ngo uhere mu Itangiriro ube ukiri umukristo wuzuye. Byanze bikunze birangira ubaye Umukrito w'igice, ndavuga ibyambayeho aho njye ubwanjye ndi UMUYAHUDI Kuruta uko ndi UMUKRITO. Kandi mu Rwanda nta nzi hari isinagoge ngo nshobore nyoke birangire.
Kanda hano umusubize

NDAYAMBAJE Cosma - 29/04/2017 saa 09:02

BIBLE nicyo gitabo cyonyine cyahumetswe n'imana.Nicyo gitabo cyonyine kitwereka aho twavuye,impamvu turiho n'ahantu tujya (our future).Ariko usanga abantu badashaka gukurikiza ibyo Bible ivuga.Amadini nayo akigisha nabi Bible,kandi yiyita abakozi b'imana. Ndatanga ingero nkeya.Mu gihe Bible yigisha ko hali imana imwe gusa yitwa Yehova,amadini yigisha ko hali imana 3 zitwa imana data,imana mwana n'imana mwuka wera.Mu gihe Bible yigisha ko abantu beza benshi bazasigara hano ku isi,ubwo imana izica abantu bose batayumvira ku munsi w'imperuka,amadini yo yigisha ko twaremewe kuzajya mu ijuru (Imigani 2:21,22;Yeremiya 25:33).Mu gihe Bible yigisha ko umuntu upfuye aba atumva nkuko tubisoma muli Umubwiriza 9:5,amadini yo yigisha ko upfuye aba yitabye imana.Mu gihe YESU yasabye abakristu bose kumwigana bakajya mu nzira no mu ngo z'abantu bagakora umurimo wo kubwiriza (Yohana 14:12),kandi bakabwiriza ku buntu (Matayo 10:8),amadini yo yigisha ko tugomba kujya mu nsengero,Padiri akaduha ukarisitiya na Pastor tukamuha icyacumi.Bakanga kwigisha ko icyacumi cyari kigenewe gusa ubwoko bw'Abalewi kubera impamvu yumvikana dusoma muli Kubara 18:21,24. BIBLE yagombye gutuma ISI imera neza.Ariko abantu banga kuyiga,amanyamadini nabo bakayigisha nabi bishakira inyungu zabo.
Kanda hano umusubize

Eloi - 29/04/2017 saa 07:08

Ibitabo kera bafataga nkibigize bibiliya byakuwe muri Bibliya byo ntibyari impumeko y'Imana? Ese abakiristu ba kera bemeraga ziriya Biblliya zakuwemo bo ni abapagani? Abakuragamo ibyo bitabo, ko byagaragaye ko hari abakuyemo ibibangamiye inyu gu zabo ese bahabwa icyihe cyizere gituma ibyo bakoze bifatwa nka ntagatifu?
Kanda hano umusubize

Ku Muvandimwe ELOI. Ndakunganira nk'umuntu wigeze rwose kwibaza ibibazo bisa n'ibi wibaza, nyuma nkabibonera IBISUBIZO BIHAMYE. Icyambere ndakubwira ko, nta kunyuranya kuriho cga kwigeze kubaho ku bitabo byera bigize ISEZERANO RISHYA. Nibyo rwose, URUTONDE rw'ibitabo 27 bigize isezerano rishya, abakristo bose bararwemera. Ndetse n'igihe bakocaguranaga mu binyejana bya mbere, urugero nko muri 325, muri 381, ntabwo bapfaga URUTONDE rw'ibitabo byemewe na bamwe bitemerwa n'abandi, oya rwose. Bemeraga urutonde rumwe rw'ibitabo, ariko ntibumvikane ku busobanuro bw'inyigisho runaka. Ikinyuranyo kiri mu isezerano rya kera, aho Bibiliya za Kiliziya Gaturika zifite ibitabo 46, naho Bibiliya z'abandi bakristo bose basigaye zikagira ibitabo 39. Ese icyo kinyuranyo gituruka he? Tuzi ko isezerano rya kera ryari rinahari ryaruzuye mbere y'uko Yesu aza mu isi. Dusoma mu Abaroma.3:1-2: ngo: «nuko ABAYUDA barusha abandi iki? Abayuda babarusha mu buryo bwose. Irya mbere NI UKO BABIKIJWE IBYAVUZWE N'IMANA.» Abo BAYUDA ba mbere ya Yesu, mu gihe cya Yesu, na nyuma ya Yesu, NTIBIGEZE na rimwe bemera ibitabo 46. Niba ujijutse, uzashyire muri Play store " hebrew Bible", bazaguha Bibiliya z'abayuda b'iki gihe, zo zigizwe n'isezerano rya kera gusa maze nawe wirebere, zose zigizwe n'ibitabo 39 gusa. Abantu rero bemera ibitandukanye N'ABABIKIJWE IBYAVUZWE N'IMANA, ibyo ni ibyabo. Ese ibyo bitabo Gaturika yongeramo yabikuye he? Ntabwo ari Gaturika yabihimbye, oya rwose. Ibyo bitabo byahozeho mu bisiraheli, ariko ba nyiri ubwite NTIBABIFATAGA NK'IBITABO BYERA, niyo mpamvu byitwa livres APOCRIPHES cga ibitabo BIHISHWE. Niyo mpamvu bitasomerwaga abizera mu materaniro, kuko nyine ba nyiri ubwite batigeze babifata nk'ijambo ry'Imana mu mateka yabo yose kugeza n'uyu munsi. Uretse rero ko kamere muntu igoye, umuntu asanzwe ari MUDAKURWA KU IJAMBO, iyo yibeshye atabyemera ahubwo atsimbarara ku kinyoma kugeza ashizemo umwuka, naho rwose ABO BAVANDIMWE BIHAYE GUSHYIRA MU ISEZERANO RYA KERA IBITABO ABAYAHUDI UBWABO BADASHYIRA MU GITABO CYABO, nta gushidikanya ko bibeshye. Kuko ntiwamenya ibintu kurusha ba nyirabyo. NIBA BA NYIRABYO BATEMERA IBYO BITABO, GATURIKA IBYEMERA ISHINGIYE KUKI?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X