Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Bite bya Dj Adamz wigeze kwijundikwa n’abahanzi kugeza ubwo asezeye itangazmakuru ryo mu Rwanda?

Umunyamakuru akaba n’umuvanzi w’imiziki w’umwuga (Professional Dj) Mukara Aboubakar uzwi nka Dj Adamz,nyuma y’uko yagiye akora ibiganiro bitandukanye ku maradiyo(Radio) ariko ntahuze na bamwe mu bahanzi Nyarwanda haribazwa amakuru ye nyuma gusezera ku mwuga w’itangazamakuru ryo mu Rwanda.


Uyu munyamakuru mu biganiro yakoraga birimo icyari gikunzwe cyitwaga The Red Hot Friday Night, yagiye yumvikana anenga cyane abahanzi bigana ibihangano by’abanyamahaga aho gukomera ku mwimerere w’injyana gakondo zigaruka ku mwihariko wabo,byanatumye ashyamirana na bamwe mu bahanzi bamushinja kubasubiza inyuma mu muziki.

Nyuma y’igihe akora uwo mwuga w’ubunyamakuru no kuvanga iyo miziki, mu minsi ishize nibwo humvikanye amakuru y’uko yasezeye burundu kuri uyu mwuga mu Rwanda ndetse ntiyatangaza aho yerekeje n’ibyo agiye gukora.

Mu kiganiro kigufi Dj Adamz yagiranye na Imirasire.com binyuze ku mbuga nkoranyambaga(watsapp), yamubajije ibyo yaba ahugiyemo nyuma yo gusezera,yavuze ko kuba yarasezeye ku itangazamakuru ryo mu Rwanda bitavuze ko yarisezeye burundu kuko ngo n’ubundi niryo arimo gukora mu gihugu cya Kenya mu mujyi wa Nairobi.

Yagize ati”Ndi i Nairobi ,niho nsigaye mba hashize igihe. N’ubundi ibyo nakoraga nibyo nkikora hakiyongeraho ibindi bitari radio na club.”

Ntibyadukundiye ko tumenya niba uyu mugabo yaba yarasezeye mu Rwanda bitewe n’abahanzi bari baramaze kumwijundika cyangwa niba yaragiye ku mpamvu ze bwite kuko yahise ava ku murongo kugeza ubwo twatangazaga iyi nkuru.

Gusa ku rundi ruhande hari amakuru avuga ko ibiganiro yakoraga byari bitangiye kubura abakunzi bituma yifatira uwo mwanzuro wo gusezera kuko n’abahanzi bari bamaze kumushiraho.

N’ubwo bivugwa gutyo ariko ngo Adamz hari umusaruro yari amaze kugeraho kuko bamwe mu bahanzi yari yari yaratangiye guca ku ngeso yo kwigana ibihangano by’abanyamahanga n’ubwo nyuma babonye atakibyinjiramo cyane bakagaruka kuri iyo ngeso.Aha twavuga nk’umuhanzi Jay Polly wari waramaze gukorana na Eric Mucyo.

Adam Mukara Aboubakar uzwi nka Dj Adamz kuwa Mbere tariki 7 Ugushyingo 2016 nibwo yatangaje ko yahagaritse burundu imirimo ye yo gukora kuri radiyo nkuko yabitangaje abinyujije mu ibaruwa yandikiye Abanyarwanda akavuga ko asezeye mu itangazamakuru ryo mu Rwnda kugeza igihe amakosa arimo agabanyukiye.

Ndacyayisenga Fred

Kanda hano udukurikire kuri Facebook na Twitter

Ibitekerezo

kab - 13/04/2017 saa 09:45

Dj Adam's yaravugishaga ukuri abahanzi bacu barapirata cyane nkubu byari byaracitse kubera Dj Adm's yabivugaga buri munsi anabipfa na Bosi we wo kuri Radio yakoraga ho amushiriraho nawe indirimbo yashishuye. Ubu rero bongeye kubikora hari indirimbo njya numva abahanzi bamwe na bamwe baririmba ukunva uzizi mu bahanzi bo hanze. Reka ngire inama umwe mu bahanzi nzi biganye indirimbo zo hanze nzi za kera, yazisubiyemo mu Kinyarwanda izo Buravan aririmba zose, nahindure aracyari muto ahange ize.
Kanda hano umusubize

asosa - 12/04/2017 saa 22:34

uyu mu DJ ni umuhanga ndahamyako ntawabijyaho impaka
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X