Monaco cosmetics

Burundi: Agathon Rwasa yongeye gushinja leta guhohotera abayoboke be

Abayoboke b’ishyaka FNL rya Agathon Rwasa vice Perezida w’inteko ishinga amategeko bamaze iminsi batabwa muri yombi bashinjwa gukora inama zitemewe n’amategeko.

Mu cyumweru gishize , abayoboke be 11 bo muri komine Nyanza-Lac y’intara ya Makamba barafunzwe bashinjwa gukora inama itemewe n’amategeko.

JPEG - 20.7 kb
Agatho Rwasa ngo abayoboke bakomeje guhohoterwa

Mu kwezi kwa cumi na kumwe nanone umuyobozi wa FNL yigenga ya Agathon Rwasa mu ntara ya Muramvya( Hagati mu gihugu) n’umuyobozi w’iryo shayaka muri komine Mbuye muri iyo ntara bafunzwe n’inzego za polisi I Muramvya.

Mu kwezi kwa gatandatu umwaka ushize abayoboke batanu b’ishyaka FNL ishami rya Rwasa bafungiwe muri kasho ya komine Busoni bafatiwe mu gace ka Munyinya muri zone ya Mukerwa muri komine Busoni. Bafashwe baregwa gukora inama inzego z’ibanze zivuga ko itemewe n’amategeko.

Muri uko kwezi kwa gatandatu Rwasa nawe yabujijwe gukoresha inama mu ntara ya Karusi.

Mu kwezi kwa gatanu, Depite Rwasa yari yangiwe gukoresha indi nama mu ntara ya Cibitoke.

Mu kwezi kwa gatatu abandi bayoboke ba FNL ishami rya Rwasa bagera kuri 16 bafungiwe mu kasho ya komine Busoni.

Muribo harimo n’umuyobozi w’iri shyaka mu ntara ya Kirundo n’umukuru wa FNL ya Rwasa mu karere ka Bweru-Buyogoma kagizwe n’intara za Kirundo, Muyinga na Cankuzo.

Icyo gihe umuyobozi wa polisi mu Kirundo yavuze ko bafashwe bakora inama itemewe n’amategeko mu muhana.

Ni mugihe kandi uyu muyobozi akaba na Vice Perezida mu nteko ishinga amategeko amaze kumenyesha inshuro zitari nke ko umutekano we ubangamiwe.

Nkindi Alpha

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X