Monaco cosmetics

Burundi: Leta yahakanye irasizora ko itazitabira ibiganiro by’amahoro

Leta y’U Burundi itangaza ko itazohereza intumwa mu biganiro bihuza abarundi biteganyijwe kuri uyu wa gatanu italiki 16 z’ukwezi kwa kabiri umwaka w’2017 I Arusha muri Tanzaniya.

Mu itangazo ryasohowe n’umuvugizi wa leta, kuriuyu wa kane, italiki 15 z’ukwezi kwa kabiri umwaka w’2017, U Burundi buratangaza ko bwabonye ubutumire ariko ko budashobora kwicarana n’abafite ibyo baregwa bakoreye mu Burundi.

JPEG - 33.1 kb
Bamwe mu bazitabira ibiganiro by’amahoro i Arusha

Mubo U Burundi butunga urutoke harimo abashatse guhirika ubutegetsi mu mwaka w’2015 kandi basanzwe bafite impapuro mpuzamahanga zo kubata muri yombi.

Leta y’Uburundi ivuga kandi ko idashimishwa n’itumirwa muri ibyo biganiro rya Jamar Benomar intumwa idasanzwe y’umunyamabanga mukuru w’ishyirahamwe mpuzamahanga rya ONU aho ashinjwa kuba intambamyi y’amahoro muri ibi biganiro.

Leta ivuga ko bidakwiye ko Benomar yatumirwa kandi yasabye ko asimburwa. Ikindi kandi leta U Burundi ivuga ko , urutonde rw’abatumiwe rufite inenge.

Muri iryo tangazo, Leta yemeza ko ishyigikiye ibiganiro, ariko ko itakwihanganira umuco wo kudahana ibyaha, kandi ko ubwigenge bw’Uburundi bukwiye kwubahirizwa.

Leta ikaba isaba Abarundi bahungiye hanze y’igihugu gutahuka bagafatanya kubaka igihugu cyabo.

mu gihe ariko ikomeje gusaba izi mpunzi gutahuka kuri uyu wa gatatu tariki ya 15/02/2016 ubwo Komisiyo iyobowe na Minisitiri w’umutekano mu gihugu cy’Uburundi Pascal Barandagiye bari bari mu nkambi ya Nakivale bakangurira izi mpunzi ngo zitahuke bahahuriye n’uruva gusenya dore ko izi mpunzi zahise zibirukankana zibasohora muri iyi nkambi huti huti bagaragaza ko badashaka gusubira mu gihugu cyabo hataranoneka umutekano.
Nkindi Alpha

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X