Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Burundi: Umuganga arakekwaho kwica umupolisi

Dr Gaspard Maregwa ari mu maboko ya polisi azira kuba yari mu kagambane ko kwivugana umupolisi. Aka kagambane karashingirwa kukuba yaranze gupima umurambo w’uyu mupolisi ubwo wazanwaga mu bitaro akoreramo bya kaminuza byitiriwe Umwami Khaled (CHUK)

Radio Publique Africain ( RPA) ivuga ko uyu muganga amaze hafi icyumweru afungiye muri kasho y’ubushinjacyaha bwa polisi ya Bujumbura ashinjwa kwanga gukorera ibizamini umurambo w’umupolisi, OPC 1 Charles Ndihokubwayo wishwe muri Werurwe.

JPEG - 32.4 kb
Ibi ni ibitaro byitiriwe Umwami Khaled uyu muganga yakoreragamo

Uyu muganga yatawe muri yombi n’igipolisi kimusanze ku kazi kuwa Gatatu w’icyumweru gishize. Yahise ajyanwa ku biro by’ubushinjacyaha bwa polisi ahitwa Jabe.

Nyuma yo guhatwa ibibazo umwanya muto na OPJ, Dr Maregwa yahise ashyirwa muri kasho ashinjwa kugira uruhare mu rupfu rw’uwo mupolisi wishwe mu buryo butarasobanuka neza.

Nk’uko amakuru aturuka muri bamwe mu bakozi b’ibi bitaro byitiriwe Umwami Khaled akomeza avuga, ngo ibizamini bikorerwa imirambo bimaze hafi imyaka 5 bidakorwa muri ibi bitaro kubera ko bitagifite ibikoresho byakoreshwaga.

Andi makuru ava muri ibi bitaro akaba anavuga ko hasabwe ko ibi bikoresho byakongera kugurwa, ubusabe bukaba bwarashyikirijwe ubuyobozi bw’ibitaro ariko ntibiragurwa nk’uko iyi nkuru dukesha RPA ikomeza ivuga.

Abakozi b’ibi bitaro bakaba basaba ko mugenzi wabo, Dr Gaspard Maregwa yarekurwa kubera ko ibyaha ashinjwa nta shingiro bifite. Uyu muganga kandi ngo anafite ibibazo by’uburwayi ku buryo kumugumisha muri kasho bishobora kurushaho kumuzahaza.

Nkindi Alpha

Kanda hano udukurikire kuri Facebook na Twitter

Ibitekerezo

Barris - 19/04/2017 saa 12:23

Kurya Urwanda rwakamishije rukabaho kubera génocide, RPA nayo mu Burundi n' abandi barundi bafise ivyiyunviro ngivyo bashatse ko bo kamisha kuri génocide ariko Uburundi n' igihugu imana yaremye ariciza gose kuburyo ivyo bipfuza bitaba kuko Imana sivyo yateguye ku Burundi.
Kanda hano umusubize

mugwanashaka - 18/04/2017 saa 08:40

Mubisanzwe uvuze ko inkuru uyikesha radio RPA.izo ntankuru ziba zirimwo kuko RpA yarugawe kubera gutangaza amakuru abogamye yimpuha.niyo yavuga ko ejo mugatondo Genocide yokwica abatutsi itangira.ariko hashize 2ans.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X