Monaco cosmetics
Ahabanza  >>  Amateka n’umuco >> 

Col Mouamar Gaddafi imwe mu ntwari za Afurika ese yazize iki? Dore bimwe mu byaranze amateka ye n’icyo yazize

Imyaka itanu yararangiye uwa gatandatu ugeze hagati Koloneli Muamar Kadafi yishwe kuko yishwe tariki 20 Ukwakira 2011. Hari byinshi yazize birimo politiki ye, umutungo we. Ikinyamakuru Imirasire.com cyabakusanyirije byinshi ku mateka y’ uyu mugabo ndetse mukaba muri buze kumenya byinshi mutari muzi ku mateka y’igihugu cya Libiya.

Mbere yo kubabwira amateka ya Kadafi turabanza tubabwire kuri Libiya muri rusange twibanda ku bya mbere y’ihirima ry’ubutegetsi bwe kuko kugeza ubu hari byinshi bitarasobanuka muri iki gihugu cyabaye indiri y’ubugizi bwa nabi, imitwe y’ iterabwoba n’ ubwicanyi budashira.

Amakuru dufite ku butegesi bwa Kadafi,intambara yo kumuhirika,urupfu rwe ndetse na Libiya nyuma y’urupfu rwe ni menshi ariko ndababwira amwe muri yo y’ingenzi.

Nyakwigendera Muammar Kadhafi yavukiye mu gihugu cya Libiya mu mujyi wa Syrite ku itariki ya 19 Kamena 1942 akaba akomoka mu muryango w’aborozi akaba ari umuhererezi muri uwo muryango. Umuryango akomokamo witwa Khadafa ari na wo akomoramo iryo zina.Agace yavukiyemo ni nako yakuriyemo yigamo amasomo y’idini ndetse anigiramo amashuri abanza.

Politiki yayitangiye akiri mutoya ubwo yigaga mu ishuri rya Sebha hagati
y’umwaka w’1956 n’uw’1961 kugeza ubwo byanamuviriyemo kwirukanwa mu ishuri we na bagenzi be bashakaga ko ibintu bihinduka.

Kadafi yari intiti mu mategeko akaba yarayize muri Kaminuza ya Libiya nyuma ajya kwiga ibya gisirikare i Benghazi mu mwaka w’1963 ari na ho yateguriye gahunda yo kurandura ingoma ya cyami muri Libiya we n’abandi bagenzi be.

Amaze kubona impamyabushobozi mu mwaka w’1965 yoherejwe mu Bwongereza gufata amasomo y’inyongera ya gisirikare mu ishuri ryitwa British Army Staff College bakundaga kwita Staff College agaruka muri Libiya mu mwaka w’1966 aho yayoboye akaza kuraswa afite imyaka 69 y’amavuko kuko yishwe tariki ya 20 Ukwakira 2011.

Ku itariki 1 Nzeri 1969 Muamar Kadafi yahiritse ingoma y’umwami Idris wa mbere abifashijwemo n’abandi ba Ofisiye bagenzi be.Uyu mwami Idris I yari ashaje cyane dore ko ngo yari arengeje imyaka 80 y’amavuko.

Amuhirika ku butegetsi umwami yari yaragiye kwivuza mu gihugu cya Turukiya.Bivugwa ko Kadafi yafashe ubutegetsi nta raso na mba rimenetse. Bivugwa kandi ko afata ubutegetsi yari afite ipeti rya Kapiteni ariko agahita yiha irya Koloneli guhera uwo munsi.

Ahirika ubutegetsi yari afite imyaka 27 y’amavuko akaba yarayoboye Libiya guhera tariki ya mbere Nzeri umwaka w’1969 agiye ku ntebe ahiritse ubutegetsi bwa cyami.

Muammar Kadafi ni we mukuru w’impinduramatwara wa Jamahiriya y’Abarabu ya Libiya.

Imyaka y’ubuzima bwe imyinshi ni iyo yari amaze ayobora Libiya kuko yari ayoboye Libiya imyaka 42 yose kugeza yishwe ku wa kane tariki 20 Ukwakira 2011.

Amaze gufata ubutegetsi Koloneli Muammar Kadafi yafashe ibintu byose byari byarigaruriwe n’abakoloni b’abataliyani abigarura mu maboko y’abenegihugu.
Mu mwaka w’1977 ni bwo yatangaje impinduramatwara y’abaturage ba Libiya maze anashyiraho Komite Mpinduramatwara.

Mu ntambara yashyamiranyije Abagande n’Abatanzaniya Koloneli Muammar Kadafi yateye ingabo mu bitugu Perezida wa Uganda Iddy Amin Dada amuha
abasirikare bagera ku 3000 n’ubwo bwose Iddy Amin Dada yakubiswe inshuro na Tanzaniya muri Mata mu mwaka w’1979 ndetse abasirikare benshi bakagwa muri uru rugamba.

Ikindi kintu cyavuzwe cyane muri Libiya ni ubwicanyi bwabereye ahitwa Lockerbie Kadafi akaba yaritwaye neza kuri icyo kibazo kuko yohereje abakekwagaho gukora ubwo bwicanyi bajyanwa imbere y’ubutabera bw’igihugu cya Ecosse mu mwaka w’1999 bituma ONU ikuraho ibihano yari yarafatiye igihugu cya Libiya.

Guhera mu kwezi kwa Gashyantare mu mwaka w’2011,bamwe mu baturage batangiye gahunda yo guhirika ubutegetsi bwa Kadafi bakaba baraje gufashwa n’ingabo za OTAN zirangajwe imbere n’Abafaransa.

Abantu benshi bagiye bagira bati abashaka gukuraho Kadafi bafite ikibazo gishingiye ku murengwe bamaranye imyaka myinshi mu gihe abandi bagiraga bati Kadhafi ni umunyagitugu ndetse ararambiranye nave ku butegetsi n’abandi bayobore.

Kadafi we yumvagako bigoye kurekura ubutegetsi ndetse yabwiye televiziyo y’Abanyamerika ya ABC agira ati « Abaturage banjye barankunda bazapfa kubera kundwanaho».Kadafi na we yafashe intwaro atangira kurwana n’abamurwanyaga yitaga imbeba cyangwa akabita abanywa ibiyobyabwenge.
Kadafi n’umuryango we.

Kadafi yapfuye afite abana icyenda barimo umwe w’umukobwa yareze nk’umwe mu bana be ndetse akanagira umugore witwa Safia Farkash. Intambara irangiye umuryango wa Kadafi na bamwe mu bana be barishwe ndetse abandi barahunga barimo n’umugore we.

Wa mwana yareze nk’uwe yapfuye mbere y’itangira ry’intambara yo guhirika ubutegetsi akaba yarishwe n’abanyamerika mu gitero cya El Dorado cyagabwe i Tripoli na Benghazi icyo gihe Leta Zunze Ubumwe za Amerika ikaba yarategekwaga na Ronald Reagan. Iki gitero cyagabwe muri Libiya kuwa 15 Mata 1986.

Abana ba Kadafi

Nk’uko twabivuze, mbere y’urupfu rwe ndetse n’urwa bamwe mu bana be Koloneli Muammar Kadafi yari afite abana icyenda barimo umwe w’umukobwa yareze nk’umwe mu bana be. Kadafi yashatse umugore witwa Fatiha al-Nuri baza gutana mu mwaka w’1970 ari na we babyaranye umuhungu w’imfura yabo witwa Mohamed Kadhafi.

Mbere y’intambara n’ihirikwa ry’ubutegetsi, uyu muhungu yayoboraga ikigo gishinzwe itumanaho muri Libiya. Kadafi amaze gutana n’umugore we yahise ashakana n’undi witwa Safia Farkash ari na we bari bakiri kumwe guhera mu mwaka w’1970.

avama ve harimo uwitwa Saïf al-Islam Kadhafi. Mbere y’intambara Saïf al-Islam Kadhafi yayoboraga Ikigega gitsura amajyambere cyitiriwe se Kadafi.

Undi mi Saadi Kadhafi, Moatassem Billah Kadhafi ,Hannibal Kadhafi ,
Aïcha Kadhafi,Saïf Khamis Kadhafi Undi mwana wa Kadafi ariko yareze nk’uwe atari we wamubyaye ni umukobwa we witwa Hannah wishwe n’Abanyamerika mu gitero cya El Dorado cyagabwe i Tripoli.

Iyo umuntu avuze Kadafi abantu batari bakeya bibuka igitabo cye yise Green Book ari byo bisobanura Igitabo cy’icyatsi kibisi.

Iki gitabo akaba haraho yagira ati bishoboka bite ko ishyaka rimwe ryatsinda ayandi, maze akaba ari ryo rijya ku butegetsi ndetse rikaburizamo ibitekerezo by’andi mashyaka yandi ngo ni uko ari ryo ryabonye amajwi menshi mu matora? Akava yaravyamditse hari avo yacyuriraga.

Umuryango wa Kadafi nyuma y’urupfu rwe.

Mu gihe cy’imirwano ikuraho Kadafi,umugore we Safia n’abana batatu bahungiye muri Algeria mu mwaka 2011 ariko baza kuvayo bahungira muri Oman ku mugabane wa Azia ubu bakaba baba kwa Sultan w’igihugu cya Oman.

Iby’uko uyu muryango wa Kadafi warokotse ubwicanyi wibereye muri Oman byatangajwe na Minisitiri w’Ububanyi n’amahanga wa Libiya muri Kanama 2011 ubwo yari i Doha mu nama y’abayobozi b’ibihugu by’Abarubu ubwo yaganiraga n’abanyamakuru.

Uyu muminisitri ariko we ntiyatangaje itariki bahagereye ndetse yirinze no kuvuga umubare w’abagize umuryango wa Kadafi bari muri Oman.

Itangazamakuru rivugako abemererewe ubuhungiro bo kwa Kadafi babujijwe gukora ibikorwa bya politiki ndetse no kuvugana n’itangazamakuru iryo ari ryo ryose.

Ambassadeur wa Algeria muri Libiya na we yemeje ko umuryango wa Kadafi wari warahungiye muri Algeria wahavuye ariko ntiyatangaje ikindi gihugu werekejemo.

Ikinyamakuru Liberation kivugako abana ba Kadafi bari mu buhungiro muri Oman ari uwitwa Aisha,uwitwa Hanbal ndetse na Mohamed bakaba barajyanye na nyina ubabyara Safia Farkash.

Umuhungu we witwa Saad we yahungiye muri Niger muri Nzeri mu mwaka 2011.Abandi bahungu 3 ba Kadafi bo ntibashoboye kugera mu buhungiro.

Abishwe barimo Maotassim wiciwe I Syrte ndetse na Seif al Arab wishwe
muri Mata 2011. Umuhungu we byavugwaga ko ari na we uzasimbura se ku ngoma uwitwa Seif al Islam we yarafashwe mu Gushyingo 2011 arafungwa akaba ategereje kuburana.

Umutungo wa Kadafi hanze ya Libiya

Ikinyamakuru gisohoka buri munsi cyitwa Los Angeles Times kivugako Muamar Kadafi yagiye akura ubutunzi bw’akayabo muri Libiya akabubitsa mu bindi bihugu. Iki kinyamakuru kivugako yari afite amayero agera kuri miliyari 144 yari yarashoye mu bihugu by’amahanga mu bikorwa bibyara inyungu akaba angana na miliyari 200 z’amadolari ya USA.

Muri aya mayero,mu bushoramari bwa Kadafi muri USA bwari buhagaze miliyari 27 z’amayero. Guverinoma y’Ubudage,iy’Ubutaliyani,iy’Ubwongereza n’iy’Ubufaransa zashoboye gufatira ishoramari rya Kadafi muri ibyo bihugu rihagaze amaero miliyari 22. Ibikorwa bye byinshi by’ishoramari bibarizwa ku mugabane wa Aziya.
Ibyangijwe n’intambara yo gukuraho Kadafi.

Intambara yo guhirika no kwivugana Kadadi yatangiye ku itariki 19 Werurwe 2011 saa yine z’igitondo ikaba yararangiye kuwa 31 Ukwakira 2011 itwaye byinshi na benshi haba muri Libiya ndetse no mu bindi bihugu.

N’ubwo Ubufaransa ari bwo bwagaragaye cyane muri Libiya mu koherezayo abasirikare hari n’ibindi bihugu byagiye bitanga inkunga zitandukanye mu ntambara zaba iz’abasirikare, amafaranga ndetse n’ibikoresho. Twavugamo nk’Ububiligi, Canada,Danemark,n’ibindi.

Uru rugamba rwatwaye abantu benshi haba Bengazi,Tripoli,Misrata,mu Kigobe cya Syrte n’ahandi.

Mu gihe cy’imirwano, Onu yafatiye ibyemezo Libiya mu
byerekeranye no kugura intwaro kuwa 26 Gashyantare 2011. Abafaransa bagabye igitero muri Libiya bise Opération Harmatta, Ubwongereza na bwo bwungamo mu gihe Canada na yo yohereje ingabo ziri mu gitero bise Opération MOBILE. Bya bihugu bindi byo byarwanyije Kadafi byanga ko yagura intwaro iwabyo zo kwifashisha muri iyo ntambara.

Kuwa 24 Werurwe 2011, Leta Zunze Ubumwe z’Abarabu zoherereje abarwanya Kadafi indege 12 z’intambara zifatanya n’iz’Abafaransa ndetse n’iza Qatar gukora irondo mu kirere cya Libiya.

Intambarara yo guhirika Kadafi ku butegetsi no kumwivugana yatwaye akayabo Abanyalibiya n’amahanga by’umwihariko Ubufaransa bwayushoyemo miliyoni zigera kuri 320 z’amayero naho Ubwongereza bukaba bwaratanze amalivres sterling agera kuri miliyoni 212 muri iyi ntambara.

Tuve kuri ibyo ubundi tumenye ngo Kadafi yazize iki ko yari Perezida nk’abandi ndetse muri afurika hakaba hari abandi bayobozi bamaze imyaka myinshi ku butegetsi?

Muby’ukuri Kadafi yazize iki ?

Koloneli Muammar Kadafi yazize byinshi byaba ibishingiye kuri politiki byaba n’ibishingiye ku mitungo yaba iy’igihugu yayoboraga byaba n’imitungo ye bwite. Uyu mugabo yakunze gusaba bagenzi be bayobora ibindi bihugu bya Afurika ngo bahurize hamwe imbaraga bashyireho igisirikare cya Afurika kimwe kigizwe n’abasirikare miliyoni ebyiri ndetse bashyireho n’ifaranga rimwe.

JPEG - 20.7 kb
Col Kadafi nyuma yo gukubitwa ubwo yari amaze gufatwa mpiri

Ibyo yabireberaga ku Muryango w’Ubumwe bw’Uburayi ari wo Union Europeene aho ibihugu by’Uburayi byashyizeho ifaranga rimwe rya Euro n’ingabo bikawuhesha imbaraga.Uwo mushinga Kadafi yawusobanuye i Bamako awusobanura Abidjan ndetse na Accra mu mwaka w’2007.

Ku itariki ya 2 Werurwe 2009, Koloneli Muammar Kadafi yatorewe kuyobora Umuryango w’Ubumwe bw’Afurika mu nama yabereye Addis Abeba muri Etiyopoya.

Kadafi yajyaga atanga ibitekerezo bishobora kumubyarira amazi nk,ibisusa doreko nko mu mwaka w’ 2010, Kadhafi yagejeje igitekerezo ku nteko rusange ya ONU asabako habaho iperereza ku mpamvu yatumye USA n’ingabo za OTAN zitera IRAK ndetse bakanagezwa imbere y’ubutabera ibi bikaba byarasaga nko gukora mujisho Amerika.

Yanashyize ahagaragara umushinga wo gusaba ko ibihugu byakoronije ibindi bigomba kubiha indishyi z’akababaro.

Uretse kwamagana ubukoloni mu bikorwa, Kadhafi yubatse ibitaro, amashuri, imihanda, ibibuga by’indege, n’amagorofa atagira ingano mu bihugu by’Afurika kandi akabikora ku buntu cyangwa ku nguzanyo zitagira inyungu. Ibihugu bike kuri uyu mugabane ni byo utasangamo ishuri rya Kadhafi cyangwa umuhanda wa Kadhafi doreko no mu Rwanda umuhanda Nyabugogo Kimisagara Nyamirambo nawo witiriwe Kadafi kuko ari we wawubakiye u Rwanda.

Umurage wa Kadafi.

Mbere y’urupfu rwe, Muammar Kadhafi yasize yanditse ibaruwa akaba yarayanditse mbere y’iminsi itatu gusa ngo yicwe. Iyi baruwa yayanditse ku itariki 17 Ukwakira 2011. Iyi baruwa yari mu rurimi rw’igifaransa ariko kadafi yari yayanditse mucyarabu.

Kadafi yandikiye abantu batatu b’inkoramutima ze barimo umwe witabye Imana undi wahunze ndetse n’undi watawe muri yombi agashyirwa mu buroko. Iyi baruwa itangira igira iti «Ku izina ry’Imana Nyir’imbabazi nyir’impuhwe .Iri ni isezerano ryanjye, njyewe Mouammar mwene Mohammed.

Nifuzako nzashyingurwa umurambo wanjye utagombye kozwa kandi ngahambwa mu myambaro nzaba nambaye mu gihe cy’urupfu rwanjye. Nzahambwe hafi y’umuryango wanjye n’ubwoko bwanjye mu irimbi rya Sirte. »

Nyuma y’ibi byose Kadhafi akaba yaraje kwicwa ndetse agashinyagurirwa n’ibihugu byakoze intambara mu gihugu cye bifatanyije n’abaturage barwanyaga ubuyobozi bwe.

Nkindi Alpha

Kanda hano udukurikire kuri Facebook na Twitter

Ibitekerezo

Norbert Niyukuri - 16/09/2017 saa 11:37

Rest In Peace
Kanda hano umusubize

manishimwe kasim - 10/09/2017 saa 14:24

umusangirangendo wacu yazize ishyari gusa allah azamwibuke
Kanda hano umusubize

manishimwe kasim - 10/09/2017 saa 14:21

umusangirangendo wacu yazize ishyari gusa allah azamwibuke
Kanda hano umusubize

Ndayishimiye valens - 5/09/2017 saa 12:09

Imana izamuhe iruhuko ridashira kuko ibyo yakoze turacyabigenderaho.
Kanda hano umusubize

- 20/07/2017 saa 12:43

imana izamwibuke
Kanda hano umusubize

Ntakiyiruta Berchmans - 20/08/2017 saa 03:00

Narababatwe Caane N'abatwicixe Intwarg Nka Kadhafi. None Nkibaza: Kuber'iki Abandi Bakuru B'ibihugu Vy' Afrika Vyemera igihugu Kanaka Kigaterwa? Bavyukiye Rimwe Bati Muteye Hariya Tuzoza Twese Agateka K' Afrika Ntikokwubahirizwa!
Kanda hano umusubize

niyomungeri - 12/10/2017 saa 11:39

niye gendere twaramukundaga
Kanda hano umusubize

- 3/07/2017 saa 06:52

Yasize ibyiza byinshi amashuri yubatse imisigiti myinshi kd myiza nsaba Allah amushyirire urumuri mumvaye kd ibikorwa bye byiza bizamurinde umuriro wa Jahanam
Kanda hano umusubize

TWAGIRIMANA ISSA - 2/07/2017 saa 09:16

KADAFI NTAWE YABANGAMIYE IZAMWIBUKE
Kanda hano umusubize

TUYIZERE JEAN CLAUDE - 30/06/2017 saa 08:00

INDA NINI Y,ABANYAFURIKA NIYO TUZIRA NACYINDI, NATWE RWANDA RWEJO YADUHAYE ISOMO TURAMUKUNDA NUBWO TUTAKIRIKUMWE BUT IAMANA IRAMWIBIKIYE.
Kanda hano umusubize

- 2/07/2017 saa 04:35

Ghadaf nintwari ibyoyakoze biranga ubutwaribwe nkabanyafrika dusigaye duharanirekusa ikiviyasize mukomeze mucukumbure amatekayizindi ntwari murakoze HAKIZA JON
Kanda hano umusubize

baptizzo - 29/07/2017 saa 10:29

nonesekobatubwirako yari icyihebe?
Kanda hano umusubize

MUTWARE ZOUMA - 20/06/2017 saa 19:56

nifuzako abasigaye tuticara dukomeze ibyo atagezeho kadhafi tuzamuhorere murakoze
Kanda hano umusubize

kanani j.damacsene - 17/06/2017 saa 07:16

njye mbuna kadhaf yarazize kugirirwa ishyari nibindi bihugu bikomeye kuko byabonga agiye kubirusha ubukungu nubwenjye
Kanda hano umusubize

Akiramu - 11/04/2017 saa 16:03

Kadafi icyo mbona cyo yapfuye igihe cye kigeze ariko yari afatiye runini afrika kuzabona undi nkawe ni Nyagasani uzabikora.
Kanda hano umusubize

valueDEN - 12/05/2017 saa 17:15

KADAFINIMUNTUKI?
Kanda hano umusubize

Nuruyaupendo Waimani - 31/08/2017 saa 01:07

Cadhafi Yazize ubusa, natwe abarundi turavyibonera. Afrika ikwiye kwiha agateka mu ku rwanira ubwigenge bwayo. Ubundi bwo ibihugu vya rutura bizaguma biducyinyiza. Kadhafi,ibere mu biganza vy'imana m,maze isubize umugisha i gihugu cyawe Ribiya ndetse na Afrika.Imana nidufasha tuzaronka indi ntwari bivuye" Kw'INKOMEZI ZAYO N'ABAYIFASHA"God,bless kadhafi and shis famiry!Bless you!
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X