Monaco cosmetics
Ahabanza  >>  Amakuru yose >> Imikino >> Hanze y’u Rwanda >> 

Cristiano Ronaldo yongeye gukubitira Lionel Messi ahareba inzega yegukana umupira wa Zahabu

Cristiano Ronaldo w’imyaka 31 nyuma yo kwegukana igihembo cyateguwe na France Football cyo mu Bufaransa ku mugoroba wo kuri uyu wa Mbere, nibwo yongeye gutsindira umupira wa Zahabu i Zurich ku cyicaro cya FIFA yanikira Lionel Messi bahora bahanganye akurikirwa na rutahizamu w’Umufaransa Antoine Griezmann ukinira Atletico Madrid .

Iki gihembo cya “FIFA World Player of the Year” cyaherukaga gutangwa mu 2009 kikaba cyari cyegukanywe na Lionel Messi ukinira FC Barcelona nyuma yaho FIFA ikaba yari yihuje na France Football yatangaga Ballon d’Or ari na ryo zina cyagumanye.

Amasezerano ya FIFA na France Football yarangiranye na 2005 ntibashobora kumvikana kugira ngo yongerwe ari na yo mpamvu ibi bihembo byongeye gutangwa mu bice bibiri nubwo buri ruhande ruba ruhemba umukinnyi wahiza abandi ku Isi mu mwaka ariko rukagira amahame n’amabwiriza yihariye rugenderaho rumutora.

Tariki 12 Ukuboza 2016 mu muhango wabereye mu Bufaransa, Ronaldo mu buryo budatunguranye bitewe n’ibyo yagezeho muri 2016 birimo kwegukana Champions league ya 2016 n’igikombe cy’Isi cy’amakipe ari kumwe na Real Madrid, akanahesha igihugu cye igikombe cy’u Burayi (Euro 2016, yatowe nk’umukinnyi mwiza ku Isi ahabwa umupira wa Zahabu na France Footabll.

Madrid bahigitse Lionel Messi usanzwe uhangana na Ronaldo cyane ariko umwaka ushize ukaba utaramuhiriye.

Muri uyu muhango hanatowe umutoza mwiza wahize abandi, igihembo gihabwa Umutaliyani Claudio Ranieri wakoze amateka yo kwegukana igikombe cya shampiyona y’u Bwongereza ari kumwe na Leicester City itarahabwaga amahirwe.

Ikindi ni uko hatowe ikipe y’abakinnyi 11 FIFA yemeza ko ari bo bitwaye neza kurusha abandi muri 2016 ikaba igaragaramo abakinnyi 10 bakina muri Espagne, batanu ba Real Madrid na batanu ba FC Barcelona.

Umuzamu: Manuel Neuer
Ba myugariro: Dani Alves, Gerard Pique, Sergio Ramos, Marcelo
Abakina hagati: Luka Modric, Toni Kroos, Andres Iniesta
Abataha izamu: Lionel Messi, Luis Suarez, Cristiano Ronaldo
Amateka y’umukinnyi mwiza w’umwaka wa FIFA (FIFA World Player of the Year.)

Iki gihembo cyatangiye gutangwa mu 1991 ku nshuro ya mbere cyegukanwa n’Umudage Lothar Matthäus wakiniraga Inter de Millan mu Butaliyani.

FC Barcelona ni yo yagize abakinnyi benshi begukanye iki gihembo, barimo Romário (1994), Ronaldo (1996), Rivaldo (1999), Ronaldinho (2004, 2005) na Lionel Messi (2009) ari nabwo cyaherukaga gutangwa.

Abakinnyi ba Real Madrid bacyegukanye inshuro enye kimwe na Juventus, aba Inter de Millan kimwe na AC Millan bacyegukanye gatatu mu gihe Manchester United, PSV Eindhoven na Paris Saint-Germain zagize umukinnyi umwe wacyegukanye.

Ndacyayisenga Fred

Kanda hano udukurikire kuri Facebook na Twitter

Ibitekerezo

Jeremie - 10/01/2017 saa 22:40

Congratulations to Christiano You deserve this top price
Kanda hano umusubize

Nterintege fifa nayo reard niyihangane guko umupira uradunda
Kanda hano umusubize

Rwimo ismail - 29/01/2017 saa 19:57

Ndashima ungene wakinye neza
Kanda hano umusubize

Rwimo ismail - 29/01/2017 saa 19:58

Ndashima ungene wakinye neza
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X