Monaco cosmetics

Diamond Platnumz mu nzira yo gufasha abahanzi nyarwanda

Umuhanzi w’umunyatanzaniya umaze kwigarurira bakunzi ba muzika batari bacye muri afrika nyuma yo gutangiza urubuga rwa Wasaafi dot com rwo kujya rucuruza indirimbo z’abahanzi bo muri Tanzaniya mu minsi micye rurafungura imiryango mu Rwanda.


Kuva yatangiza uru rubuga abahanzi bakomeye mu gihugu cyatanzaniya barabyitabiriye ku bwinshi, kuri ubu yatangaje ko mu minsi micye ari bube yafunguye ishami ry’uru rubuga mu Rwanda mu rwego rwo gufasha abahanzi nyarwanda ngo babashe gucuruza ibihangano byabo aho kugirango rubanda bajye babibona ku buntu.

Nyir’ubwite Diamond Platnumz ari nawe muyobozi wa wasaafi Records inzu ikomeye itunganya umuziki ndetse na Wasaafi.com isigaye icuruza ibihangano by’abahanzi abinyujije ku rubuga rwe rwa Instagram.

Yagize ati: “ Nshuti zanjye bahanzi nyarwanda, mfite ibyishimo byo kubamenyesha ko kuva mu ntangiriro z’icyumweru gitaha ishami rya Wasaafi.com rizaba ryafunguye imiryango i Kigali vuba aha nkaba ndi bubamenyeshe aho rizakorera ndetse n’uburyo uzafashwamo gucuruza ibihangano byawe binyuze muri Wasaafi.com, hari Kompanyi turi kuvugana izadufasha mu gucuruza ibyo bihangano mu minsi micye abahanzi bo mu Rwanda ndabamenyesha uko muzajya mukorana na Wasaafi.com mukabasha kugira icyo mubona ku kazi keza muba mwakoze.”

Uru rubuga rwatangijwe na Diamond mu ntangiro zakwa Werurwe uyu mwaka byishimirwa n’abahanzi batandukanye harimo nk’umuraperi Professor Jay, umuhanzi Baranaba, Chege n’abandi bakomeye muri Tanzaniya aho iyo indirimbo yawe uko icurujwe kuri uru rubuga uhabwa amashilingi 300 yo muri Tanzaniya.

JPEG - 44.6 kb
Diamond asinyana amasezerano n’abazamufasha

Bikaba byaba biza rero mu Rwanda aho usanga bamwe mu bahanzi bakora indirimbo bashoye menshi ntibagire n’igiceri k’ijana bakuramo, wenda byaba bigiye kuba igisubizo ku bahanzi nyarwanda bakanjya bagaruza byibuze n’ayo bashoye batunganya igihangano.

Diamond usigaye ufatwa nk’umwami wa muzika muri Tanzaniya kugeza aho asigaye abishimirwa n’umukuru w’igihugu amaze gukorana n’abahanzi bakomeye muri Afurika barimo nka P Square, AKA, Davido n’abandi mu minsi ishize aherutse gukorana indirimbo n’umuhanzi w’umunyamerika Ne-yo bise Mary you iri kubica bigacika muri iyi minsi.

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X