Monaco cosmetics
Ahabanza  >>  Amakuru yose >> Imyidagaduro >> Hanze y’u Rwanda >> 

Diamond Platnumz yogoshe amadiredi ye ngo arusheho kwamamara

Umuhanzi ukomoka muri Tanzania ndetse unamaze kubaka izina,Diamond Platnumz, yogoshe umusatsi we(Dreadlocks) ngo arusheho kumenyekana birenze uko byari bimeze.


Mu minsi mike ishize nibwo uyu muhanzi wari usanzwe afite umusatsi we karemano yaharaye uwo yari yishumitseho mu rwego rwo guhindura uburyo yarasanzwe agaragaramo, none bidateye kabiri yayogoshe.

Ikinyamakuru Ghafla cyatangaje aya makuru,kivuga ko uyu mugabo ufite abana babiri yayogoshe,ngo ni album ye ashaka gusunika kugirango imenyekane itijwe umurindi n’imigaragarire ye dore ko ngo hari serivise yari kubona bimugoye mu gihe adakuyeho iyi misatsi.

Diamond ubusanzwe imisatsi yari afite yayikoraga uko ashatse bitewe n’uko yari imaze kuba miremire igatendera bitewe naho ashatse kuyiganisha, gusa ariko nanone ngo yari itangiye kumutera icyugazi kuko ngo iyo yabaga atayihambiriye yamutwikiraga isura,ibintu yafataga nk’ibimubangamira.

Uyu muhanzi ufite indirimbo nyinshi zakunzwe zirimo n’iyo aherutse gukorana na Ne Yo ubarizwa muri Leta Zunze Ubumwe za Amerika(Marry You), avuga ko kuri ubu akomeje gukora album ye akayisakaza hose kuburyo rubanda bose bamwiyumvamo bikagenda uko yumva abyifuza batamurebeye mu ndererwamo ishobora gutuma atitabwaho.

Naseeb Abdul Juma, umuhanzi wo mugihugu cya Tanzania wamenyekanye nka Diamond Platnumz, uyu mugabo w’imyaka 27 y’amavuko, aherutse gutangaza ko yashyize umukono ku masezerano n’abazamufasha gutangira gufasha abahanzi bo mu Rwanda kugurisha umuziki wabo binyuze ku rubuga rukorera kuri internet yashinze.

Ndacyayisenga Fred

Kanda hano udukurikire kuri Facebook na Twitter

Ibitekerezo

BOSCO - 29/04/2017 saa 15:04

DIAMOND SINABONA UKO MBIVUGA NAHUBUNDI NIYO URIHO URIRIMBA MBANUMVA TURIKUME NAWE
Kanda hano umusubize

BOSCO - 29/04/2017 saa 14:59

NAGUPENA SANA
Kanda hano umusubize

Hayimuso joseph - 29/04/2017 saa 07:09

Nibyiza kabisa ndamukunda icyamangahura nawe gusa byaba bihagije
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X