Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Dore abahanzi nyarwanda 10 bafite impano ariko bakaba baraheze ku ishyiga rya muzika

Mu gisata cy’umuziki nyarwanda hari abahanzi benshi bamaze gukirigita ifaranga babikesha impano yabo yo kuririmba nyamara harimo abo bigaragara ko impano bayishakamo itabarimo,mu gihe hari n’abandi baheze ku ishyiga bakananirwa kugera ku rwego rushimishije nyamara bafite impano igaragarira buri wese.

Iyo ubajije bamwe impamvu impano yabo yo kuririmba itarenga umutaru ngo bagaragare mu ruhando rw’abigaruriye isoko,usanga batunga agatoki kenshi itangazamakuru ko ritabitaho ngo ribageze ku rwego bagakwiye kugeraho mu gihe abandi usanga badindira ku mpamvu zabo bwite bitewe n’uko umuziki basanga nta mafaranga arimo kimwe n’uko hari abawureka bafite indi mirimo bagiyemo cyangwa ngo ugasanga babuze amikoro bigatuma bahera ku ishyiga.

Aba ni bamwe mu bahanzi nyarwanda batangiye umuziki hambere ariko kurenga umutaru bikaba ari ingume.

10.Ganza

Ineza Ganza Dieudonne, ni umuhanzi mu njyana ya R&B yamenyekanye mu ndirimbo nka Agnes,Cana Radio n’izindi.Uyu musore uwavuga ko ari mu bahanzi nyarwanda bafite amajwi meza ntiyaba abeshye ,ariko ku rundi ruhande ni gacye uzasanga yatumiwe mu bitaramo cyangwa indirimbo ze zicurangwa ku maradiyo.Ibi rero bituma abantu benshi bavuga ko yaheze ku ishyiga rya muzika kuko atarenga umutaru.

9.Niyorick

Niyonsenga Eric benshi bamenye ku izina ry’ubuhanzi rya Niyorick, ni umwe mu bahanzi u Rwanda rufite bashoboye mu njyana ya R&B bitewe n’indirimbo ze zikora ku mitima ya benshi, yamenyekanye mu ndirimbo nka Urutoki, Uramfite, Byemere n’izindi nyinshi,gusa ariko uyu musore izina rye rihora riri hasi ugereranyije n’igihe yatangiriye umuziki we.

8.Jack B

Umuhanzi Rugamba Jacque uzwi nka jack B wamenyekanye cyane mu ndirimbo nka mumparire n’izindi zakunzwe hano mu Rwanda ndetse usanzwe umenyerewe cyane ku mpano yo kubyina dore ko akenshi akunda kugaragara mu mashusho ye yibyinira.

Uyu mugabo ubwo yatangiraga umuziki we mu myaka itari myinshi ishize,yari umwe mu basore bari batangiye kwamamara , gusa uko umuziki nyarwanda wagiye ukura ninako Jack B yagiye yibagirana bituma benshi bamwibagirwa nyamara abantu bari batangiye kumubonamo icyizere.

Gusa ahanini amakuru avuga ko imvano yo guhera ku ishyiga kwe ari ukuba afite inshingano z’urugo dore ko mu myaka micye ishize aherutse kurushinga.

7.Gabiro Guitar

Umuhanzi Gabiro Gilbert wamenyekaniye mu irushanwa ry’umuziki rya Tusker Project Fame yaserukiyemo u Rwanda ku nshuro yaryo ya gatanu ndetse nyuma aza no gushyira indirimbo ye hanze yise byakubera byiza,ni umwe mu basore bafite impano yo kuririmba, ariko nanone uzamwumva gacye yatumiwe mu bitaramo cyangwa indirimbo ze zicurangwa ku maradiyo.

Akenshi usanga izina rye rihora hagati atazamuka cyangwa ngo amanuke, ibi bikaba bituma abantu bibaza icyabuze ngo abe yaba icyamamare nk’abandi bahanzi bamaze kugera ku rwego rushimishije.

6. Audy Kelly

Umuhanzi Mugemangango Audace uzwi nka Auddy Kelly yamenyekanye mu ndirimbo “Ndakwitegereza, “Sinzagutererana” iyi akaba yarayikoranye na Jody Phibi ndetse nyuma bikaza kuvugwa ko bari mu rukundo,ni umwe mu bahanzi nyarwanda bagaragaza impano idasanzwe yo kuririmba,ariko icyo benshi bagarukaho ni uko atarenga umutaru akaguma mu mwanya umwe.

Uyu muhanzi ni umwe mu bakunze kumenyekanisha ibihangano bye haba ku bitangazamakuru no ku mbuga nkoranyambaga,ariko igitangaje ni uko ahora mu mwanya umwe nyamara ntako aba atagize ariko izina Audy Kelly rikaba ritabarirwa mu mazina y’abahanzi nyarwanda bamaze kuba ba kizigenza muri muzika.

5.Peace

Umuhanzi Peace Jolis uzwi nka Peace yamenyekanye mu myaka ya za 2011, ubwo yasohoraga indirimbo zitandukanye nka “Mpamagara” ndetse no mu myaka ya vuba akaba yarasohoye izindi ndirimbo nka Turi beza….

Uyu musore uzwiho ubuhanga mu miririmbire, usanga agerageza kwegera itangazamakuru arishyikiriza ibihangano bye,ariko nihahandi Peace ahora ari wawundi uwamwumvise hambere n’ubu niko akimwumva nta gihinduka ngo abe yagera ku yindi ntera.

4.Kalimba Jackson

Jackson Kalimba ni umwe mu bahanzi bafite impano n’ubuhanga mu muziki buzira amakemwa, ariko iyo urebye urwego ariho n’aho impano ye yakagombye kuba yaramugejeje usanga harimo itandukaniro rikomeye ndetse bigatuma benshi bibaza impamvu yabyo.

Uyu musore wigeze kwitabira irushanwa rya Tusker Project Fame ku nshuro ya VI, yagaragaje ubuhanga ndetse na nyuma yaho ubwo yashyiraga hanze indirimbo “Mbikubwire “yakoranye na Danny Nanone, yewe na Nyuma yaho aza kujya mu itsinda rya Three Hills,ariko bikaza kuvugwa ko yarivuyemo, kugeza ubu rero impano ye ibarwa nk’iyagwingiye kuko atajya arenga umutaru kandi ashoboye.

3.Naason

Umuhanzi Nshimiyimana Naason wamenyekanye mu ndirimbo “Mfite amatsiko,Inkuru ibabaje” n’izindi, ni umwe mu bahanzi bazwiho ubuhanga mu kuririmba no gucuranga, ariko muri iyi myaka ni gacye uzumva izina rye rivugwa nko hambere kuko akenshi wumva uyu munsi yasohoye indirimbo imwe hagashira igihe agasohora indi bityo bikaba kimwe mu bishingirwaho ko bimuheza ku ishyiga.

2.G.Bruce

Mfuranzima Bruce ukoresha izina ry’ubuhanzi rya G-Bruce, ni umwe mu bahanzi bafite ijwi riremereye mu njyana ya R&B yatangiye mu myaka ya za 2011, ariko benshi bibaza icyo uyu musore azira ngo izina rye ribe ryakwamamara nk’abagenzi be batangiranye umuziki.

Uyu muhanzi wamenyekanye mu ndirimbo nka Ni nde,Karyamyenda,Nguhaye urukundo n’izindi, ndetse n’izindi nyinshi yagiye afashamo abaraperi mu nyikirizo(Chorus) ni kenshi yagiye yigaragaza ahantu henshi hatandukanye ngo izina rye rirusheho kumenyekana ariko ikibabaje usanga rihora hagati bigatuma abantu bibaza icyabuze ngo azamuke muntera bakakibura dore ko impano ye atayishakisha.

1.Elion Victory

Elion Victory wamenyekanye mu ndirimbo Marita, Amafaranga, Niko Ateye n’izindi, ni umwe mu bahanzi b’abahanga aho azwi cyane mu kuririmba inyumvankumve bamucurangira (Live), akaba akunze no kwitabira ibitara ibitaramo.

Gusa igitera benshi kumutekerezaho ni uko ngo uko azwi hambere ari nako bakimubona ntacyo yiyongeraho, gusa ku rundi ruhande ikigarukwaho ni uburyo akunda kujya mu bihugu by’abaturanyi gushakirayo ubuzima akagaruka asa n’uwongera gutangira bushya.Aha hatangwa urugero rw’igihe yigeze kumara mu gihugu cya Kenya.

Ndacyayisenga Fred

Kanda hano udukurikire kuri Facebook na Twitter

Ibitekerezo

- 18/04/2017 saa 10:10

Nasson. Ararengana arakora mn! Ahubwo musimbuze- Gisa cyingazo!! ntava ahar
Kanda hano umusubize

SINZAYIREKA - 18/04/2017 saa 06:11

BARAHO HOTERWA PEE! IMAMVU ABOBAHA NZI BAZIKURI RIMBA CYANE URUGERO NKA NASON NINDE UMURUSHA NKA BARI MURI GUMA GUMA
Kanda hano umusubize

Emmanuel hategekimana - 18/04/2017 saa 21:05

Mason ararenganawendawasanga afire ibindibikorwa arimo
Kanda hano umusubize

Emmanuel hategekimana - 18/04/2017 saa 21:07

Mason ararenganawendawasanga afire ibindibikorwa arimo
Kanda hano umusubize

Aimable - 17/04/2017 saa 21:13

iki kegeranyo nicyo kabsa birababaje kuko barabizi pe cyane G.bruce,Nasson na Niyorick gusa wibsgiwe na Puffg gusa ntago byabahira bose buriya igihe nikigera bazaka cg birangirire hariya
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X