Monaco cosmetics
Ahabanza  >>  Amakuru yose >> Iyobokamana >> 

Dore bimwe mubyagufasha kuva mu bwigunge mu gihe wumva uri wenyine

Ni iby’igiciro cyinshi kandi ni byiza ko tubona abantu benshi batuzengurutse kandi badukunda, agaciro dufite ndetse nako baduha n’ingenzi mu buzima kandi buri wese yifuza kubaho no kubana n’abandi mu buzima bwiza kandi bwishimye, ariko buri muntu agira igihe cye cyo kumva yaba wenyine akaba yitaje bagenzi be kugirango afate igihe abashe kwiyumvisha neza ibihe arimo.

Abantu bamwe na bamwe bashobora gukenera kumva baba bonyine mu gihe bafite ibibazo bibakomereye, babuze inshuti n’abavandimwe,ku buryo bibasaba kuba ahantu hiherereye kugirango babashe kwiyumvisha neza ibyo bihe biri gutambuka mu buzima bwabo.

Ibi bikabasaba kuba baba bitaruye inshuti n’abavandimwe kabone n’ubwo babafasha ndetse bakaba banabagira inama.

Gufata igihe ukaba ubaye wenyine ni byiza kuko na Yesu yafashe igihe cyo kuba ari wenyine mugihe yasengaga.ku rundi ruhande ariko ntibikwiriye k’umuntu aba wenyine, Si umugambi w’Imana ku muntu yaba wenyine ,uretse no mu gihe cya Adamu.(itang2:18) na n’ubu si byiza
nkuko mu gitabo cy’Itangiriro 2:18 habivuga.

Mu gihe, wigunze cyangwa wumva uri wenyine, dore inama nziza:

1. Iyegereze Imana cyane.

Hari igihe kigera ukumva ko uri wenyine bitewe nibihe urimo cyangwa se uri mu bihe bikomeye ukumva nta muntu ukwitayeho,ariko wiguma kwigunga ngo ujye kure cyane ahubwo iyegereze Imana ufate umwanya wo gusenga cyane kandi utekereze cyane ku Imana kuko itubwira ko nituyegera nayo izatwegera. Mu gitabo cya Yakobo 4:8 hatubwira hati” Mwegere Imana nayo izabegera.Yemwe banyabyaha,ni mukarabe.Namwe ab’imitima ibiri,nimwiyeze imitima.”

2. Ba witaje abandi.

Uretse kuba Imana ituri iruhande,igira impuhwe zo kuturengera hamwe n’imiryango n’inshuti zacu .Ni byiza kuba kumwe n’abawe mwishimanye ariko mu gihe wumva ufite ibibabazo ukeneye gufata igihe runaka ugatuza ukaba witaje inshuti zawe , ukajya kure yabo kugirango ubashe kwitekerezaho neza.

3. Iyumvishe neza ko Imana ikumva.

Tekereza cyane ko Imana ikumva mubyo urimo byose kandi ko ikuri hafi kuko umwana w’Imana nawe yabaye wenyine igihe yari mu bihe bimugoye ariko yibutse ko Imana imuri hafi yirengagiza byose niyo mpamvu nawe mu gihe wumva ko ubabaye cyangwawigunze ugomba kumva ko Imana ikuri hafi.

Yesu azi uku kuba wenyine kurusha uko undi wese yabimenya kandi agerageza kutwumva muri ibyo bihe biba bitatworoheye byo kumva twihebye.

4.Menya ko ibyo bizarangira.

Ikiza cyo kumva waba wenyine n’ uko bidahoraho. Dushobora kubibamo uyu munsi ariko ibihe urimo bituma wigunga ejo bikarangira. Tabaza Imana kandi ugire ibyiringiro ko atari iherezo ku buzima bwawe,unazirikane ko umunsi umwe tuzaba mu bugingo buhoraho aho hatazongera kubaho kubabara cyangwa kwigunga.

5. Ibuka amasezerano ari muri Bibiliya.

Ibuka ko buri muntu Imana iba imufiteho imigambi myiza, nawe rero ntago uba udakwiye kuba wenyine ahubwo ugomba kugira ibyiringiro by’uko nawe Imana igukunda kandi ko igufiteho umugambi mwiza.

Mu gitabo cy’ibyanditswe byera ,Imana yaduhaye amasezerano ko itazadusiga twenyine, ko izabana natwe. Ntidukwiye kugira ubwoba kuko Imana irikumwe natwe kandi ntizigera idutererana mu makuba no mu byago.

Alphonsine MUKESHIMANA

Kanda hano udukurikire kuri Facebook na Twitter

Ibitekerezo

july - 23/03/2017 saa 22:44

nukuri Imana iguhe umugisha utaye kungingo yesu akongerere ubwenge.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X