Monaco cosmetics

Dore ibyamamare 10 ku isi byangiwe gukandagiza ikirenge mu bindi bihugu bitewe n’imyitwarire yabo

Ibyamamare bitandukanye byiganjemo bamwe mu bahanzi ni kenshi humvikana imyitwarire itari myiza ibarangwaho cyangwa bimwe mu bihugu bidahuza n’imikorere yabo bigatuma batabemerera gukandagiza ibirenge byabo muri ibyo bihugu.

Ibi rero byatumye tubakusanyiriza ibyamamare 10 n’ibihugu bangiwe kujyamo bigatuma basubika ibyo bari bagiye kuhakora gusa hari abagiye bakomorerwa bagahabwa uburenganzira bw’inzira nyuma yo gushyira mu bikorwa ibyo basabwaga cyangwa bahinduye imikorere.

10.50 Cent

Uyu ni umuhanzi w’icyamamare wamenyekanye mu myaka yo hambere mu ndirimbo nka in the club, Candy shop, PMP,uyu mu nawe yangiwe gukandagiza ibirenge bye muri Canada nyuma y’uko mu 2005 yashinjijwe icyaha cyo gukoresha imbunda bitemewe n’amategeko agahohotera rubanda.

9. Alec Baldwin

Alec Baldwin,ni umunyarwenya,umukinnyi wa Filme n’umwanditsi ukomoka muri Amerika,uyu mugabo yangiwe kujya mu gihugu cya Philippine nyuma yo gutera urwenya ko yifuza umuturage waho azagurisha mu gukora ubucakara.

8. Brad Pitt

Uyu umugabo wa Angelina Jolie yagiye amenyekana muri filme zitandukanye z’uruhererekane,nawe yangiwe kugera mu gihugu cy’Ubushinwa nyuma yo gusohoka kwa filme yiswe (Seven Years in Tibet) byavugwa ko yuzuyemo ubushotoranyi bugamije gusenya icyo gihugu.

7. Snoop Dogg

Uyu ni umuhanzi umenyerewe cyane mu njyana ya Hip Hop muri Leta Zunze Ubumwe za Amerika,yangiwe gukandagiza ibirenge bye mu gihugu cya Norvege nyuma yo gufatanwa urumogi (Marjuana)Ubwo yari ageze ku kibuga cy’indege.Icyakora ntiyangiwe burundu kuko yahanishijwe imyaka ibiri.

6. Akon

Uyu ni umuhanzi ubarizwa muri Amerika ariko uvuka muri Senegal,nyuma yo gushyira hanze amashusho y’indirimbo “Sexy Chick” byavuzwe ko harimo ubushotoranyi bwibasira igishushanyo cya Buddah bityo bituma ihabwa akato mu gihugu cya Sri Lanka anangirwa kujyayo.

6. Beyonce

Umuhanzikazi Beyonce, ubusanzwe akaba ari umugore w’umuraperi Jay z, nawe yangiwe kujya gukorera ibitaramo mu gihugu cya Malesia yewe kimwe no kuba yakandagira ku mupaka waho bitewe n’amategeko ya kisilamu akakaye aba muri icyo gihugu.

5. Miley Cyrus

Uyu ni umuhanzikazi usanzwe uzwiho udushya twinshi turimo kugaragaza ubwambure bwe aho aba afite ibitaramo cyangwa no kumbuga za internet, ibi rero byatumye yangirwa kujya gukorera ibitaramo mu gihugu cy’Ubushinwa.

4.Lily Allen

Alen ni umuhanzikazi mu njyana ya Pop ukomoka mu gihugu cy’Ubwongereza,mu mwaka wa 2007 yangiwe kujya muri Leta Zunze Ubumwe za Amerika bitewe n’uko yari aherutse gukubita umufotozi wari umufotoye.

3. Paris Hilton

Paris Hilton ni umunyamideli akaba n’umuhanzi muri Amerika,kuba yarigeze guhamwa n’icyaha cyo kwibasirwa n’ibiyobyabwenge bituma yangirwa kujya mu Buyapani bitewe n’icyo cyasha.

2.Boy George

George Alan O’Dowd uzwi nka Boy George,ni umuhanzi,umwanditsi,umu Dj,, ukomoka mu Bwongereza,uyu yangiwe kujya muri Amerika nyuma yo guteza akavuyo yanga ko icyegera cye gifungwa bitewe n’ibyaha yari akurikiranyweho,gusa nyuma yaje gukomorerwa ahabwa uburenganzira bwo kujyayo mu 2014.

1. Chris Brown

Uyu ni umuhanzi wamamaye mu njyana zitandukanye zirimo R&B yagiye agaragara mu bitaramo itandukanye hirya no hino ku isi bitewe no gukundwa akigarurira imitima ya benshi,ariko nyuma yo gutandukana na Rihanna wahoze ari umukunzi nyuma yo kumukubita,uyu musore yatangiye gukomanyirizwa gukorera ibitaramo mu bihugu bimwe, ku ikubitiro akaba yarangiwe kujya mu bwami bw’abongereza (Uk) Canada,,,.

Ndacyayisenga Fred

Kanda hano udukurikire kuri Facebook na Twitter

Ibitekerezo

danielndayizeye - 14/05/2017 saa 00:45

RESPECT TO CBROWN
Kanda hano umusubize

danielndayizeye - 14/05/2017 saa 00:44

CB ndamwemera kabisa
Kanda hano umusubize

Nelly kwizera - 13/05/2017 saa 21:02

eheee ntibyoroshye ark ninabyo ibyobihugu ndabishigikiye kubafatira umwanzuro ark nokubabarira bibaho basabe imbabazi bazababarirwa murakoze
Kanda hano umusubize

SYLVIE - 11/05/2017 saa 15:47

NIBYIZ KUBAHAGARIKA
Kanda hano umusubize

danielndayizeye - 14/05/2017 saa 00:46

WAPI ,nibabareke.
Kanda hano umusubize

- 17/05/2017 saa 10:46

k mutashyizemo wa mukongoman wakubise umubyinnyi we
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X