Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Ese Just Family gukorana indirimbo na Dream boyz ntibyaba ari amayeri yo kongera gushaka amaramuko?

Itsinda rya Just Family rimaze iminsi rigarutse muri muzika nyuma y’igihe kitari gito ryari rimaze ryarasenyutse ndetse abafana babo barabakuyeho amaboko bazi ko batazagaruka muri muzika, kuri ubu bamaze gukorana indirimbo n’itsinda rya Dream Boyz rikunzwe mu Rwanda.


Iyi ndirimbo bise “Mureke agende” yakozwe na producer Junior ishobora gutuma Just Family yongera kumvikana ndetse ikongera kwigarurira abakunzi bayo nkuko byahoze mbere ubwo yabicaga bigacika mu ndirimbo zabo zakanyujijeho nka Bareke, Bindimo n’izindi.

Ku rundi ruhande abakurikiranira hafi ibya muzika nyarwanda bakaba batangiye kuvuga ko kuva Just Family yagaruka muri muzika indirimbo bakoze ntizagiye zikundwa zirimo “Harabura iki”, Hummer bakoranye na Bull Dogg, bakibaza niba kuba batangiye kwiyegereza abahanzi bakunzwe byaba atari amayeri yo gushaka kongera kumvikana mu bafana babo.

Iri tsinda rya Just Family ryagiye rigira ibibazo byinshi bijyanye n’ubwumvikane buke bwagiye bubaranga rimwe na rimwe bagashwana bikajya mu itanganzamakuru kugeza aho ubwo umwe muri bo ariwe Kim Kizito asezereye bagasigara ari batatu Croidja, Bahati na jimmy nyuma gato Bahati nawe aba arasezeye basigara ari babiri nabo baba baraburanye kuko Croidja yahise yigendera Jimmy asigara wenyine biba birarangiye ntibongera kumwikana muri muzika ahanini bikavugwa ko igenda rya Croidja bishobora kuba ariryo ryatumye Just Family izimira kuko wasangaga ariwe wumvikana cyane mu ndirimbo zabo kubera ubuhanga yakoreshaga no mu ijwi rye ryakundwaga cyane n’igitsinagore.

Kuri ubu barongeye barasubirana ariko bashyiramo amaraso mashya kuko bongera kumvikana bwa mbere batangaje ko iri tsinda hiyongereyemo undi muhanzi mushya witwa Chris akaba ari no muri iyi ndirimbo bakoranye na Dream Boyz Bise “Mureke agende” ese abafana babo barongera kubakunda nkuko byari bisanzwe? Abakunzi bamuzika nyarwanda aha ni ahanyu ngo mugaragaze ibitekerezo byanyu kuko bigaragaza uko muzika yacu ihagaze n’icyakosorwa.

Umva hano indirimbo “Mureke agende” ya Just Family ft Dream Boyz


Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X