Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Ese abanyeshuri 1500 bigaga amashami atatu muri Kaminuza ya Gitwe yahagaritswe na MINEDUC barajya he?

Minisiteri y’uburezi yafashe icyemezo cyo guhagarika amashamo atatu yigishaga ibijyanye n’ubuvuzi muri kaminuza ya Gitwe. Ayo mashami akaba yazize ko atujuje ibisabwa kugira yigishe ibijyanye n’ubuvuzi. Ese abanyeshuri 1500 bigaga muri aya mashami barakora iki dore ko abenshi bari bageze mu mwaka wa kane ari nawo wa nyuma. Bishatse kuvuga ko ibyo mu myaka 4 bigiye kubabera imfabusa.

Mbere y’uko ihagarika aya mashami minisiteri y’Uburezi yashingiye kubyo yabonye mu igenzura yakoze mu mwaka w’amashuri 2016/2017 ku bipimo ngenderwaho byashyizweho na Guverinoma mu mashuri makuru hagamijwe gutanga ireme ry’uburezi.

JPEG - 179.3 kb
Icyicaro gikuru cya Kaminuza ya Gitwe

Ibi byatumye ihagarika amwe mu mashami ya Kaminuza ya Gitwe. Aya niyo ahanini yari agize iyi kaminuza iherereye mu karere ka Ruhango. Iyi kaminuza ikaba yigisha amashami 5 ayahagaritswe akaba ari 3

Ministeri y’uburezi yamenyesheje ko yasanze hari ibipimo iyi kaminuza itagejejeho mu bijyanye n’abarimu , Laboratoire, isomero n’ibikoresho nkenerwa mu kwigisha mu mashami ya “Bachelor of Medicine & surgery”, “Bachelor of science in Medical Laboratory and Technology”, hamwe na “Bachelor of Nursing programs”.

Basabwa guhita bafunga ariya mashami abiri abanza no gutegura ibyangombwa by’abanyeshuri bayigagamo. Ndetse no guhagarika kwandika abanyeshuri bashya muri ishami rya “Nursing programs” bagakurikiza inama bagiriwe n’abakoze igenzura, ngo byabananira n’iryo shami naryo rigafunga.

Aya mashami yafunzwe yigagamo abanyeshuri bagera ku 1 500 harimo n’abari bari muri ‘stage’ ahanyuranye mu gihugu.

Umuyobozi wa Kaminuza ya Gitwe yabwiye abanyamakuru ko koko Minisiteri yabamenyesheje iki cyemezo kuri uyu wa gatatu,avuga ko ari butange amakuru arambuye ku ruhande rwabo nyuma y’inama bari gukorana n’abanyeshuri babamenyesha iby’iki cyemezo.

JPEG - 159.5 kb
Ese abarangije muri aya mashami yahagaritswe n’abahagaritswe ejo bose barajya he ? Barakora iki?

Umwe mu banyeshuri wiga kuri iyi Kaminuza utifuje gutangazwa yabwiye abanyamakuru ko ari inkuru ibabaje cyane kuri bo.

Avuga ko yiga muri Bac4 ya Medicine, ko bafite Laboratoire ibakwiriye, ko bafite ibitaro iruhande rw’ishuri bakoreramo ‘pratique’ bakanigiramo ibindi, ko kuri bo batunguwe cyane no guhagarika ishami ryabo kuko bo babonaga bahabwa uburezi bukwiriye.

Undi mugenzi we wiga mu ishami rya Laboratoire avuga ko bitangaje kuba Kaminuza yabo yarahawe uburenganzira bwo gukora yitwa Kaminuza n’iteka rya Minisitiri ryo mu 2015 hamaze kubaho igenzura, nyuma y’umwaka umwe ya Minisiteri igahagarika amashami atatu muri atanu y’iyo kaminuza.

Iyi kaminuza yemejwe nka “University of Gitwe” n’iteka rya Minisitiri ryo mu kwezi kwa mbere 2015.

Mu mpera z’icyumweru gishize Minisiteri y’uburezi yahagaritse by’agateganyo Kaminuza eshatu; Nile Source Polytechniques of Applied Arts iri i Butare, Sinhgad Technical Education Society iherereye ku Kicukiro na Rusizi International University iri i Kamembe mu Karere ka Rusizi. Izi ngo zagaragayemo ibibazo bikomeye bibangamiye ireme ry’uburezi.

Ese abanyeshuri bigaga muri aya makaminuza bose barajya he? Ese ibyatanzwe biga yaba ku barangije kwiga n’abari kwiga barabyitwaramo gute? Ese bazasubizwa ayo batanze cyangwa hari icyo Minisiteri y’uburezi yabahagaritse izagikosoraho?

Nkindi Alpha

Kanda hano udukurikire kuri Facebook na Twitter

Ibitekerezo

Basabose modeste - 28/04/2017 saa 02:20

Ese ministir yararebye asanga abakoze ijyenzura batarabanga miye izi kaminuza? azijyerere kuritere arebe koko niba aribyo . aduteje inzara hano igitwe
Kanda hano umusubize

vuguziga - 6/04/2017 saa 10:10

ese za kaminuza zakoraga hec na ministries batabizi nkinshingano zabo? nibareke abanyarwanda twiyigire ahubwo badufashe mubundi buryo butari kuduhombya amafaranga yacu.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X