Monaco cosmetics
Ahabanza  >>  Amakuru yose >> Iyobokamana >> 

Gatorika: Amezi atandatu yo kwiga ku bagiye kubana, icyemezo cyafashwe nk’akaje kagomba kwemerwa

Nta gihe kinini gishize kiriziya Gatorika igaragaje ko ihangayikishijwe n’ikibazo cy’umuryango wa none , ibi byagaragajwe no mu ibaruwa ya gitumwa “Amoris Laetitia” yatangajwe na Papa Fransisko ku wa 08 mata 2016.

Nta gihe kinini gishize kiriziya Gatorika igaragaje ko ihangayikishijwe n’ikibazo cy’umuryango wa none , ibi byagaragajwe no mu ibaruwa ya gitumwa “Amoris Laetitia” yatangajwe na Papa Fransisko ku wa 08 mata 2016.

JPEG - 58.2 kb
Musenyeri Antoni-Kambanda wa Diyosezi Gatolika ya Kibungo ashishikajwe no gukemuka kw’amakimbirane ahora mu ngo.

Inama nkuru y’abepisikopi gatorika mu Rwanda yo kuwa 14-17 werurwe 2017 ndetse n’inama y’inteko rusange y’Ihuriro ry’Abepiskopi Gatolika bo mu Rwanda no mu Burundi yabereye mu iseminari nkuru yitiriwe mutagatifu Yohani Pahulo II y’i Gitega mu Burundi ku wa 20- 23 werurwe 2017 zose zahurije ko hagomba gushyirwaho ingamba zikaze zo gutegura abagiye kurushinga.

Muri kiriziya Gatorika bisanzwe bizwi ko inyigisho ku bitegura kubana zimara amezi atandatu, gusa kubera imirimo itandukanye ituma benshi bataboneka ahenshi ntibyahabwaga agaciro ku buryo hari n’abatagezaga ku mezi ane. Kuri ubu noneho ngo izo nyigisho zigiye gusubirwamo kandi zijye zimara ayo mezi yagenwe kugira ngo abagiye gushyingirwa bategurwe neza.

Ngo ni mu buryo bwo gushakira umuti urambye amakimbirane ya hato na hato yugarije ingo z’iki gihe, koko rero ishingiro ry’ubukiristu ni mu muryango dore ko kiriziya yemera ko umuryango ari wo ntangiriro ya kiriziya.

Ashimangira iby’uyu mwanzuro Musenyeri Antoine Kambanda, Umwepiskopi wa Kibungo, akaba na Perezida wa Komisiyo y’umuryango mu Nama y’Abepiskopi Gatolika bo mu Rwanda, yatangarije ikinyamakuru cya kiriziya Gatorika Kinyamateka ko ngo kubaka umuryango ukomeye bisaba guhera mu ntangiriro zawo.
Bityo ngo kuri we, abagiye kubana bagomba kugira igihe gihagije cyo kubitegurirwa kuko baba bagiye kwiyemeza ibintu bikomeye kandi by’ingirakamaro. Ati “Niba umuryango udahawe intango nziza, biroroshye cyane ko wasenyuka isaha iyo ari yo yose”.

Bamwe mu rubyiruko rubifata nk’akaje kagomba kwemerwa
Mu gushaka kumenya uko urubyiruko rwakira uyu mwanzuro ,Iyobokamana.com yegereye bamwe mu rubyiruko rukuze rwo muri paruwasi yitiriwe Mutagatifu Karori Lwanga maze rutangaza uko rubyumva, gusa benshi muri bo ngo babifata nk’akaje kagomba kwemerwa ngo kuko rusanga bigoye kumara amezi atandatu ukurikirina inyigisho ngo bitewe n’imirimo myinshi iba irutegereje.

Dusenge Justin, kuri we ngo asanga bishobora kuzagira ingaruka nyinshi haba ku rubyiruko rushaka kubana ndetse no kuri kiriziya, aha ashingira ko ngo benshi bashobora kuzarambirwa bityo kiriziya nayo ntibahe iryo sakaramentu bityo ingo zibana zitarasezeranye zikiyongera bityo intego ya kiriziya nayo ntigerweho.

Agira ati:” Koko byakabaye byo, ariko bisa n’ibigoye kuba wamara amezi atandatu wigira umubano, benshi usanga bari muri shuguri zitandukanye bityo no kuboneka bikaba bike, nibigirwa nk’itegeko rero hari abo bizahanda ndetse bafate imyanzuro itari myiza. Gusa ku mukiristu wumva ibyo arimo we ntakizamugora.’’

JPEG - 53.3 kb
Ku bakiristu nyabo ngo iki cyemezo nta mpungenge giteye.

Uyu kandi impungenge azihuje na mugenzi we Uwiringira Mary Rose nawe ugaruka ku migoranire y’uyu mwanzuro , kuri we ngo asanga hagashyizwe ingufu mu kwegera imiryaqngo ibana ngo ikomeze gusigasira urukundo bashyingiwe bafite ngo kuko n’ubundi abajyan kubana bo baba bakundana nyuma bikaza kuzamba bageze mu ngo.

Kuri iki kibazo musenyeri Kambanda avuga ko ntawe amezi atandatu yakagombye gutera ikibazo ngo kuko ari inyungu kuri bo ndetse no kuri kiriziya. Ati “Ni ku nyungu zacu twese kuko bizafasha mu kubaka imiryango ikomeye no mu gumekura bimwe mu bibazo bijya bigaragara mu miryango. Nimwibuke iby’inzu yubatse ku rutare.”

Christian N.

Kanda hano udukurikire kuri Facebook na Twitter

Ibitekerezo

iganze - 24/05/2017 saa 14:20

Mwiriwe nshuti? Andrew na Epa ko mushenye ibyavuzwe ntimutange umuti ku bibazo biriho namwe mudahakana? Baravuga rero ngo iyihuse ibyara ibihumye. Ari ukwiruka ngo ni ko isi ibidusaba tukubakira gusenya ,guhemukirana no kwicana, ntibirutwa no kwitonda tukubaka twumvise neza inshingano z'abubatse kandi twabyiyemeje, tukubaka ku rutare, tukaremya ingo,tukanarera abahamye, bazubaka bakaremya, bakwiha Imana bakera imbuto nyinshi kandi nziza?. Mubitekerezeho neza, kuko byose bipfira mu miryango twubaka idafashije.
Kanda hano umusubize

dushimire jean - 11/05/2017 saa 16:57

Ntabwo aribyo.kuko abagirana amakimbirane si uko batigishijwe,kdi ntabwo ari abagaturika gusa.Ikibabaje ni uko kurambagiza no kwitegura bitakibaho,ahubwo ayo mezi azatuma bava muri gaturika kdi bazabana.kongera kubigisha bizatwara igihe.Murebe kure.mugishye n'inama.
Kanda hano umusubize

dushimire jean - 11/05/2017 saa 16:57

Ntabwo aribyo.kuko abagirana amakimbirane si uko batigishijwe,kdi ntabwo ari abagaturika gusa.Ikibabaje ni uko kurambagiza no kwitegura bitakibaho,ahubwo ayo mezi azatuma bava muri gaturika kdi bazabana.kongera kubigisha bizatwara igihe.Murebe kure.mugishye n'inama.
Kanda hano umusubize

dushimire jean - 11/05/2017 saa 16:57

Ntabwo aribyo.kuko abagirana amakimbirane si uko batigishijwe,kdi ntabwo ari abagaturika gusa.Ikibabaje ni uko kurambagiza no kwitegura bitakibaho,ahubwo ayo mezi azatuma bava muri gaturika kdi bazabana.kongera kubigisha bizatwara igihe.Murebe kure.mugishye n'inama.
Kanda hano umusubize

AHA NI DANGER - 2/05/2017 saa 14:12

NJYE NDI UMUKATORIKE WEMERA KANDI UKUNDA KIRIZIYA GATOLIKE ARIKO KUBERA AMATEGEKO AKOMEYE MUGENDA BAGENDA BASHYIRAHO AKOMEREZA URUBYIRUKO KD ISI YA NONE ITEMERA KURUSHYWA KUKO NAYO UBWAYO IRUHISHYE MUGUSHAKA IMIBEREHO MBONA URUBYIRUKO RWINSHI RUZIYOMORA KURI KILIZIYA GATOLIKA KUKO UBU ISI YA NONE YUZUYEMO INSENGERO NYINSHI ZEMERA GUSHYINGIRANA MU BURYO BUTAGOYE ABABISHAKA. ABENSHI BAZAYOBOKA AMADINI ATANDUKANYE KUGIRANGO BARUSHEHO GUSHAKA IMIBEREHO. NANJYE ABAKATOLIKE BYE NI MURAMUKA MUSHYIZE MU NGIRO IBI MUVUGA.NUMVA UKWEZI KUMWE GUHAGIJE.MWISUBIREHO RERO BA MONSEIGNEURS KURI IBYO BYEMEZO KUKO KWIGA IGIHE KIREKIRE SIBYO BYUBAKA HUBAKA UMUTIMA W'UMUNTU
Kanda hano umusubize

Iradukunda - 1/05/2017 saa 08:56

Kiriziya nikomereze aho kandi itange inyigisho zimbitse,naho ubundi bimeze nabi pe!
Kanda hano umusubize

MAZIMPAKA Andrew - 30/04/2017 saa 13:21

Ikibazo ntabwo ari abantu bashaka gushyingirwa.Ikibazo ni amadini basengeramo atigisha neza ibyo Bible ivuga kandi nayo akica amategeko y'imana.Ndatanga ingero 2.Abantu bose bazi ko amadini menshi asezeranya abakobwa batwite.Ibyo bituma abayoboke babo badafatana uburemere icyaha cyo gusambana.Bityo niyo bamaze kubana,bacana inyuma,bagasambana,bakarwana,bakicana,etc...Ikindi kandi,Kiliziya itanga urugero rubi.Kuko abapadiri basambana ni benshi cyane.Mulibuka ko PAPA yagombye gusaba imbabazi kubera abapadiri ibihumbi n'ibihumbi byasambanye,cyane cyane abo muli Amerika.Amadini akwiye kwemera ko nta musaruro agira,baba biyita ko ari abakozi b'imana gusa.YESU yavuze ko abakristu nyakuri uzababwirwa n'imbuto nziza bera.Ariko amadini kuva na kera,yera imbuto mbi gusa.Urugero,muli 1994,abayobozi b'u Rwanda bose bali abakristu (president,ministers,prefets,mayors,executives of sectors,army officers,etc...) bose bari abakristu.Nyamara bose,uretse nka 0.5%,bakoze Genocide.Byerekana ko amadini ntacyo amaze.Abapadiri na Pastors ni abantu bishakira imibereho n'ibyubahiro bitwaje Bible.YESU yavuze ko "nta giti kibi cyera imbuto nziza" (Matayo 7:18).Ibyo bashaka kwigisha aba Fiyanse amezi 6,ni uguta igihe.It is a waste of time.Muli Europe nibo batuzaniye amadini.Ariko ubu baretse ibintu byo kujya gusenga.Insengero bazihinduyemo amaduka,utubari,hotels,amazu y'indaya,etc...Abakijya gusenga ni abakecuru n'abasaza barengeje imyaka 70.Nta mujene ukijya mu kiliziya.Abantu basanze abanyamadni ari Hypocrits (indyarya).Usanga muli Europe batakijya mu Kiliziya GUSEZERANA.Balibanira badaciye kwa Padiri cyangwa Pastor.
Kanda hano umusubize

MUNYEMANA Epa - 1/05/2017 saa 07:19

Urakoze cyane MAZIMPAKA Andrew.Ibyo uvuga ni byo 100%.Niba Amadini koko yakoreraga imana aho gukorera inda zabo nkuko Bible ibivuga muli Abaroma 16:18,LETA ntabwo yajya ijyana abantu mu ITORERO kwiga Indangagaciro.Baliya bajya mu Itorero,bose bitwa Abakristu.Umukristu Nyakuri,ni inyangamugayo.Ariko kubera ko amadini nayo yica amategeko y'imana,bituma Human Society igira ibibazo.Urugero,iyo abasirikare bagiye kurwana,padiri na pastor babanza kubaha umugisha hamwe n'amashapule,ngo nibajye kurwana mu izina ry'imana!!!Nyamara imana itubuza kurwana,ndetse ikatubwira ko abantu bose barwana bakoresheje intwaro,bose bazicwa ku munsi w'imperuka nkuko tubisoma muli Matayo 26:52 na Yesaya 34:2,3.Umukristu nyakuri akurikiza amategeko y'imana:Ntuzice,ntuzasambane,ntuzibe,etc... Nyamara usanga Billions/Miliyari z'abantu bica ayo mategeko imana yaduhaye.N'abanyamadini ugasanga bishakira inyungu zabo bwite (amafranga,ibyubahiro,etc...).Bityo isi ikagira ibibazo.Gatulika nisigeho guta igihe ngo irigisha amezi 6.Ibibazo u Rwanda rufite,byatewe ahanini na Gatolika,uhereye kuli Musenyeli PERRAUDIN na president Kayibanda warezwe na Kiliziya Gatulika.Utibagiwe na ba Musenyeri Nsengiyumva Vincent wari muli Central Committee y'ishyaka MRND rya president Habyarimana,uyu nawe yarezwe na Kiliziya Gatolika. Amadini atera ibibazo ku isi,yiyita ko akorera imana,akihisha inyuma ya Bible na CORAN.This is a pharisees'HYPOCRISY my friend (Uburyarya nk'ubw'ABAFARISAYO).
Kanda hano umusubize

Sibomana - 30/04/2017 saa 09:43

Twishimiye iki kemezo cyafashwe mu rwego rwo kurushaho kubaka umuryango.Ku rundi ruhande iki gihe cyo gutegura urugo cyakabaye ukwezi kumwe kuko iterambere rijyana no kuvugurura indangamuco.Ubuzima buragoye cyane ku rubyiruko.Ndabona tugeze kure habi kuko hirya no hino ku Isi ubukirisitu bwatakaje umwimerere kubera amategeko akarishye ya Kiliziya Gatolika.
Kanda hano umusubize

daddy - 3/05/2017 saa 10:51

nibagire ukwezi kumwe hanyuma andi mezi ahabwe abashakanye gikirisitu kuko nibo bamaze gusobanukirwa n'ikibazo umuryango ufite kdi nibo bafite inshingano zogufasha kilizaiya kurera abana bubaha Imana,none umwana azaba atararezwe n'ababyeyi neza amezi atandatu agire icyo amuhinduraho? byose ni mumuryango yaba leta yaba kiliziya nihange amaso icyafasha umuryango cyane ikiri mito.
Kanda hano umusubize

fifi - 22/05/2017 saa 23:03

Ahubwo amezi atandatu nimake . Abantu bikigihe beshi babana bataramenyane bamara kubana ugasanga uwo wasezeranye nawe nuwo mubana Ni two different people .Kdi disi it mwihangane igihe gikwiye harubwo wari kumenya uwariwe mbere bityo ntiwite muruzi cg se ukamujako umuzi ingeso nukuntu ushobora kuzihanganira if it's possible .Nawe see abantu bazabana ukwezi kumwe ukundi ngiyo divorce ...... Nzaba ndora
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X