Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Hon Bernard yongeye guhamya leta ya kera gutegura no gushyira mu bikorwa umugambi wa Jenoside

Hon Bernard Makuza Perezida wa Sena y’u Rwanda,arahamya ko Jenoside yakorewe Abatutsi yateguwe na leta zabanjirije guverinoma y’ubumwe ko atari ibyagwiririye abanyarwanda.

Ibi yabitangaje kuri uyu wa kane tariki ya 13 Mata 2017 ubwo hasozwaga ku rwego rw’igihugu icyumweru cyo kwibuka Jenoside yakorewe abatutsi mu 1994.

JPEG - 63.9 kb
Hon Bernard Makuza yunamira inzirakarengane zazize Jenoside yakorewe abatutsi mu 1994

Uyu muhango ukaba wabereye ku musozi wa Rebero mu mujyi wa Kigali ahashyinguwe imibiri ya bamwe mu banyepolitiki bazize Jenoside yakorewe abatutsi mu 1994.

Bernard Makuza avuga ko jenoside yakorewe abatutsi mu 1994 atari impanuka cyangwa ikiiza ahubwo itegurwa ryayo yari umurongo wa Politiki muri icyo gihe.

Ati ‘’Ukuri kurazwi Jenoside yakorewe Abatutsi ntabwo yabaye impanuka cyangwa se ikiiza cyagwiririre abanyarwanda kuko yateguwe imyaka myinshi higishwa amacakubiri guhera mu gihe cy’Ubukoronoi abanyarwanda bacibwamo ibice bitari binafite icyo bishingiyeho’’

Perezida wa Sena agaruka kuri Potiki mbi yagize ati’’Ubutegetsi bwa Repubulika ya Mbere n’iya kabiri bwimakaje imitegekere mibi ishingiye ku ivangura,itonesha irandabwoko , ironda karere n’umuco wo kudahana’’

Yakomeje avuga ko Jenoside yashakiwe ibyangombwa byose abaturage barabishishikarizwa biba umurongo wa Politiki ati’’Jenoside nyirizina irageragezwa nk’uko tubizi mu bice bitandukanye by’igihugu no mu bihe bitandukanye kugeza ku mugambi wari waragenwe nk’imperuka y’Abatutsi mu 1994’’

Hon Makuza ashimangira ko uku ariko kuri ndetse ko Jenoside yakorewe Abatutsi yateguwe kandi ishoboka kubera politiki n’abanyapolitiki babi

Uyu muyobozi kandi yavuze ko abagerageje cyangwa abakigerageza gupfobya Jenoside bidashoboka ahubwo bariguta igihe kubera ko ibimenyetso birahari haba ku rwego rw’umurongo wa Politiki wari uriho no ku mugambi w’ibikorwa byo kwica ubwabyo byose bigaragaza ko umurongo wa Politiki y’u Rwanda n’amacakubiri ariwo wagejeje u Rwanda muri Jenoside yakorewe Abatutsi mu 1994.

JPEG - 38.2 kb
Hon Bernard Makuza Perezida wa Sena y’u Rwanda

Yibukije abayobozi ko bagomba guhora bazirikana ishingano bafite yo kudatatira politikiki nziza bafite ubu barangwa no gushyira imbere ubumwe muri byose bityo ko impambu kwibuka ari umwanya wo kuzirikana inshingano nk’abanyapolitiki.

Ati’’Iyo politiki niyo yaharaniwe mu rugamba rwo kwibohora no guhagarika Jenoside yakorerwaga Abatutsi .Bityo rero muri uyu mwanya tukaba tunazirikana ko Jenoside itihagaritse byari ngombwa ko ihagarikwa.

Tuzahora dushimira ubutwari bw’abana b’u Rwanda bitanze bahara ubuzima bwabo bafata icyemezo gishyirwa mu bikorwa barayihagarika ari nabyo byabaye umusingi koko w’impinduramatwara mu miyoborere ‘’

Asoza yashimangiye ko intambwe y’imiyoborere imaze guterwa igaragarira buri wese ndetse ko urugamba rwo kwibohora rwari rufite icyerekezo kigari cyo kubaka u Rwanda buri wese afitemo agaciro n’uburenganzira kuko umusaruro uvamo ugaragarira mu bikorwa na gahunda zitandukanye zifitiye abanyarwanda akamaro mu buryo bumwe na vangura baha mu mibereho , baha mu iterambere ryabo n’iry’igihugu by’umwihariko bikaba bishimnagira kandi bishingira ku mutekano u Rwanda rufite.

Yakomeje avuga ko abanyarwanda bakomeye ku bumwe ko ntawakongera gutotezwa cyangwa se kuvutswa ubuzima bwe kubera uko yavutse cyangwa indi mpamvu iyo ariyo yose.

Ku musozi wa Rebero hari urwibutso rushyinguyemo abantu bagera ku 14 000 bishwe muri Jenoside yakorewe Abatutsi mu bice bya Nyamirambo, Gikondo, Cyahafi, Gitega n’ahandi.

Hashyiguye kandi abanyapolitiki 12 bazize kurwanya politiki mbi y’urwango yaganishaga kuri Jenoside.

Icyumweru cyo kwibuka ku rwego rw’igihugu gishojwe uyu munsi ariko ibikorwa byo kwibuka Jenoside yakorewe Abatusi ku nshuro ya 23 muri rusange bikaba bikomeza mu gihe cy’iminsi 100 abatutsi bamaze bicwa.

Nkindi Alpha

Kanda hano udukurikire kuri Facebook na Twitter

Ibitekerezo

Kibilira - 14/04/2017 saa 18:12

Uyu Makuza harya afite imyaka ingahe?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X