Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Ibyo kujya mu bapfumu kw’abahanzi nyarwanda kwigeze kuvuza ubuhuha kwahereyehe?Dore icyo Edouce na Muyoboke babivugaho

Mu myaka ishize ubwo umuziki Nyarwanda ugezweho watangiraga gushinga imizi mu Rwanda, abahanzi batandukanye bagiye bavugwaho kujya mu bapfumu gushaka amarozi mu rwego rwo kugirango bamenyekane kurushaho, nyamara kuri ubu ntabwo uko kujya guraguza bikivugwa,ibyo bikaba byatumye Muyoboke Alex abigererenya n’uko bagirango bavugwe cyane naho Edouce we akavuga ko bikoreshwa kuko no mu mupira w’amaguru biracyakoreshwa ariko ngo ubusanzwe ibikorwa by’umuntu nibyo bituma akundwa.

Mbere na nyuma gato y’uko The Ben na Meddy berekeza muri Leta Zunze Ubumwe za Amerika, abahanzi wasangaga baryana isataburenge mu bikorwa byabo byamuzika harimo no guhangana gukomeye, icyo gihe havuzwe cyane ko hari abahanzi bajya kuraguza ngo bahiganwe mu gukundwa,ndetse haduka n’umupfumu wemeje koko ko afite abahanzi bamugana.


Mu gushaka kumenya irengero ry’ayo marozo yigeze kuvuza ubuhuha avugwa cyane mu bahanzi, imirasire.com yiyambaje Muyoboke Alex umwe mu bakurikiranye ibikorwa by’umuziki nyarwanda kuva mbere kugeza n’ubu, avuga ko we ibyo kuraguza kwavuzwe ku bahanzi cyane ariko agasanga byari ukugirango bavugwe cyane, ibyo muri iyi minsi bizwi nka Hit ndetse atanga n’ingero za bamwe mu bahanzi.

Yagize ati”Njyewe nemera Imana,kandi muri Bibiliya havuga ko Imana ifasha uwifashije, ndabyemera koko mu minsi ishize amarozi yaravuzwe cyane ndetse hari n’uwitwa Bahati wahoze muri Just Family wabyemeje ko bagiyeyo, gusa njye mbona byari ugushaka kuvugwa.”

JPEG - 22.4 kb
Muyoboke Alex umwe mu bakurikiranye ibikorwa by’abahanzi Nyarwanda kugeza n’ubu

Yakomeje agira ati”Njye sinyura ku ruhande ndaguha urugero, Bahati yavuze ko bajyaga kuraguza ariko nyuma ngo bakaza kubireka agapfukama bakamusengera,ariko igitangaje yaje kuvayo ubu yagarutse mu ndirimbo zisanzwe, ibyo rero bisobanura ko ari ugushaka HitBamvuge bamvuge.

Muyoboke avuga ko igiteza umuhanzi imbere ari ugukora akagira Discipline ubundi agakundwa, naho iyo biza kuba iby’amarozi hari benshi baba baramaze kurenga imipaka kandi nta kintu gifatika bakoze.

Ku ruhande rw’abahanzi, Edouce Softman nawe wigeze gutungwa agatoki ko yifashishije abapfumu, avuga ko ubupfumu mu bahanzi bwavuzwe ndetse akanitangaho urugero ko ari mu bashyizwe mu majwi, ariko agahamya ko umuntu akundwa bitewe n’uko yakoze.

JPEG - 20.2 kb
Edouce Softman wiyemerera ko yavuzweho kujya mu bapfumu

Yagize ati”Sinatunga agatoki umuhanzi runaka ngo yagiye mu bapfumu, ariko sinirengagiza ko byavuzwe koko, kuko nubu biravugwa no mu mupira w’amaguru gusa umuntu akundwa bitewe n’uko yakoze.”

Teta Diana, Ama G The Black, Dj Zizu, King James.. ni bamwe mu bahanzi bavuzweho kujya mu bapfumu, gusa babyamaganiye kure bavuga ko ari ukubaharabika.

Mu mpera z’umwaka wa 2015 nibwo i Kigali hagaragaye umupfumu witwa Dusabimana Emmanuel, ubwo yaganiraga n’itangazamakuru yavuze ko yakiraga abahanzi benshi bamuganaga bamusaba intsinzi yo gukundwa akabibafashamo bakagera ku ntego zabo.

Mu gushaka kumenya niba uyu mupfumu hari abahanzi bakimugana nkuko yari yabitangaje mbere, Imirasire.com yagerageje kumuvugisha,ariko telephone ye igendanwa ntiyacamo.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X