Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Icyo uwahoze ari Min. wa MINISPOC Habineza Joseph avuga ku gitaramo The Ben yakoreye i Kigali

Nyuma y’igitaramo umuhanzi Mugisha Benjamin The Ben yakoreye i Kigali kikitabirwa ku buryo bukomeye, uwahoze ari Minisitiri(Minister) w’Umuco na Sport mu Rwanda”MINISPOC” Ambassador Habineza Joseph wamenyekanye cyane ku izina rya Joe,yavuze ko uyu muhanzi aho yagiriye muri Leta Zunze Ubumwe za Amerika umuziki we umaze gufata indi ntera.

Mu kiganiro Joe yagiranye na Imirasire.com,yavuze ko igitaramo The Ben aherutse gukorera i Kigali taliki 01 Mutarama 2017, cyagaragaje uburyo uyu musore yazamutse mu ntera nyuma yo gukorera umuziki we muri Amerika byagaragaje impinduka zidasanzwe.


Abajijwe icyo abona cyatumye uyu muhanzi azamuka ku buryo Abanyarwanda barenga ibihumbi 10 bitabira nk’uko byagaragaye ugereranyije na bagenzi be babarizwa mu Rwanda yagize ati” The Ben amaze kugira uburambe mu muziki we(Experience).

Yakomeje agira ati”Nakomeje kumugira inama y’uko we na mugenzi we banakomeza kuririmba mu ndimi zo hanze ndizera neza ko hari icyo byabongereye kuko banabonye ama Studio akomeye.”

Ku bijyanye n’izindi mpinduka The Ben yaba yaragize nyuma y’uko ava mu Rwanda akerekeza muri Amerika, Mr Joe yavuze ko ubwo yari akiri mu gihugu wasangaga imiririmbire ye isa no kwishimisha,ariko kuri ubu ngo amaze kumenya icyo ashaka yarakuze(Mature).

JPEG - 43.2 kb
Amb.Habineza Joseph wahoze ari Minister w’Umuco na Sport

Joe yasobanuye ko yakurikiranye icyo gitaramo cyari cyiza cyane kandi ubwitabire bwacyo bwaramushimishije ariko icyamushimishije kurushaho by’umwihariko ni uko yacurangiwe n’abana banyuze mu ishuri ryigisha umuziki ryo ku Nyundo.

Abajijwe uwo abona ufite abakunzi benshi cyangwa uwo abona ushoboye hagati ya The Ben na mugenzi we Meddy bagendeye rimwe muri Amerika, yasubije n’ibitwenge agira ati” hhhhhh ibyo byo rwose ngiye kubivugaho nta bushakashatsi nakoze naba nshyizemo amarangamutima, bombi barakunzwe ni cyo nzi.”

Yakomeje agira ati” Mbona bakunda u Rwanda kandi bagerageza guteza imbere imyidagaduro yaho Abanyarwanda bakabakunda, ubwo icyo gihe hari byinshi umuntu yakwifashisha nka za You tube akareba ababashize kureba indirimbo zabo, gusa nanone ntabwo byagaragaza ishusho nyayo kuko Abanyarwanda bose siko bakoresha ikoranabuhanga.”

Abahanzi bakorera umuziki wabo imbere mu gihugu, Joe yabasabye ko bagerageza bakazamura umuziki wabo bakirinda kuba ba Sagihobe bakagerageza no kuririmba mu zindi ndimi zitari ikinyarwanda kuko isi yabaye umudugudu,akaboneraho gusaba inzego bireba gutegura kenshi ibihembo mu rwego rwo guha agaciro ibihangano by’abahanzi Nyarwanda.

Ambassador Habineza Joe wavuye ku mirimo yo kuyobora Minisiteri y’Umuco na Sport mu ntangiro za 2015 asimbuwe na Uwacu Julienne yagize uruhare rukomeye mu guteza imbere umuziki Nyarwanda ndetse by’umwihariko akiri ku mirimo ye yagiye agaragara mu ngendo zitandukanye arikumwe n’abahanzi batandukanye barimo aba basore mu bikorwa bya Leta.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X