Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Ikinamico mu kwimika Umwami uzasimbura Kigeli V.

Mu gihe umugogo w’umwami Kigeli V Ndahindurwa wagezwaga mu Rwanda aho azatabarizwa, abahindiro barangajwe imbere n’uwari umunyamabanga we, Boniface Benzige bari bahugiye mu kwimika undi mwami ugomba kumusimbura kuri ubu akaba yamaze no gutangazwa n’ubwo aba bahindiro bavuga ko hari ubwiru bugikurikizwa.

Murumuna wa Kigeli V Ndahindurwa witwa Bushayija Emmanuel niwe watangajwe ko yagizwe umwami w’u Rwanda, akaba azitwaYuhi VI nk’izina ry’ubwami gusa Benzige yirinze kuvuga aho uyu mwami yimikiwe bitewe mu byo yise umutekano w’abiru.

PNG - 471.9 kb
Boniface Benzige wahoze ari umunyamabanga wa Kigeli V

Benzige yagize ati “Ndabashimiye, mutubwirire Abanyarwanda ko himye undi mwami kandi akazaba ari umwami wemewe n’amategeko, niturangiza imihango ya ngombwa tuzamutanga agire icyo abwira abantu gusa kwari ukugirango mutabona ko Abanyarwanda basigaye nta mwami”

Uyu mugabo wimitswe yavutse mu mwaka wa 1960, ni mwene Bushayija wa Yuhi Musinga, azitwa izina ry’ubwami rya Yuhi VI kuko akomoka kuri Yuhi wa gatanu, ni murumuna w’umwami uherutse gutanga (Kigeli V)

Benzige kandi yirinze gutangaza umubare w’Abiru bimitse Yuhi VI mu rwego rwo kwanga kumena amabanga y’Abiru, ati “Kuva mu mihango ya kera ibyo ni ibintu byo mu mabanga y’Abiru”

Ese ibi bikurikije amabwiriza y’Ubwiru?
1. Kuva kuri kigeli V Rwabugiri ubwiru bwategetse ko nta Mwami w’urwanda uzosngera kwimikwa cg se gutabarizwa hakurya ya Nyabarongo( Nyabarongo ivugwa n’iyi itandukanaya umujyi wa Kigali n’amajyepfo). Iri bwiriza ryahise rinemeza ko umwami azajya yimikirwa i Mwima ndetse akaba ari naho atabarizwa.

2. Ikindi kandi Benzige Boniface nta kimenyetso na kimwe kigaragaza ko ari mu bimika umwami dore ko bamaze n’igihe badacana uwaka.

3. Ubwiru nibwo bwamenyeshaga Umwami wimitswe kuri uwo munsi ntago yateguzwaga.

Kigeli v yatangiye mu mahanga, uyu wimitswe nawe yimikiwe ahantu hatazwi ariko hatari mu Rwanda, ibintu bisa nk’ikinamico kuri aba bami bavuga ko baba ari ab’u Rwanda mu gihe iki gihugu kizwi ku isi yose no mu muryango w’Abibumbye ko kiyoborwa mu buryo bwa Repubulika aho kuba mu buryo bwa cyami.

JPEG - 30.3 kb
Itangazo ryasinyweho na Boniface Benzige

Amateka agaragaza ko iyo umwami yabaga yatanze mu Rwanda hari imihango ikomeye yagombaga gukorwa.

Igihugu cyagombaga kujya mu cyunamo bigaragara ko cyacitse umugongo. Icyo gihe ntawashoboraga gukora ubukwe, imfizi n’imbyeyi byaratandukanywaga.

Abagore n’abagabo bogoshaga imisatsi yose bakamaraho.

Umugogo w’umwami Kigeli wa Gatanu Ndahindurwa uzanywe mu Rwanda nyuma y’iminsi ine gusa urukiko rutegetse ko azatabarizwa I Mwima ya Nyanza yimikiwe

Uwo mwanzuro umucamanza yawufashe nyuma y’iminsi ibiri yumva ubuhamya bw’abagize umuryango w’umwami bafashe icyemezo cyo kwitabaza inkiko, nyuma yuko bananiwe kumvikana aho umugogo w’umwami watabarizwa.

Umwami wimye, Yuhi VI Bushayija, ari mu batifuzaga ko umwami Kigeli atabarizwa mu Rwanda.

Bruce MUSHUMBA

Kanda hano udukurikire kuri Facebook na Twitter

Ibitekerezo

Emmanuel Nkurikiyinka - 11/01/2017 saa 08:55

nakomeje kureba ibyo mwanditse mwese gusa nabonye bamwe mudasobanukiwe umwami icyo aricyo nuwo watangaje ibyiburayi ntarasobanukirwa ibyibwami bwuburayi ! umwami wikigihe! abami bacyera baribafite imbaraganyinshi zogufata umwanzuro kuberako ntazindi rta zariziriho muricyo gihe niyo mamvu umwami yarikintu gikomeye ! gusa muri kinogihe umwami ntategeko afata ntanumwanzura afata ngo wemezwe umwami ashinzwe kugirinama agahabwa nagaciro gakomeye agatuzwa ahantuheza ! uwari perezida wa repuburika ahita ahindurwa minisitiri wintebe ntiyongerakuba perezida warepuburika gusa igihugu kiba kiri mumaboko ya minisitiri wintebe! umwami ntategeko atanga ntanuburenganzira afite bwokuvugurura ijambo , umwami ntiyivanga muri politiki cyane.
Kanda hano umusubize

Narumiwe - 10/01/2017 saa 20:21

Ibi in into kwisekera gusa ubwo Murata igihe NGO Umwami Umwami, mureke gushyushya abantu imitwe. Nta mwami utagira Kalinga, ese ra komutatubwiye umwamikazi. Ibi ni imitwe y'inda yabahiseho. Ubwo n'abahindiro Bari guhinda NGO bagiye gushyiraho Umwami mwiryana mupfa ubusa turi muri repubulika. Ariko ubundi ibyo murimo ninde wabibasabye. Umwami Yari uwabanyarwanda bose, mwigeze mwumva Umwami wagatsiko?
Kanda hano umusubize

Bagabo - 10/01/2017 saa 18:57

Ubutegetsi bwa cyami buruta ubwiyita ubwa repubulika ariko perezida agategeka ubuzima bwe bwose kandi afite ububasha nk,ubw,umwami!
Kanda hano umusubize

umwami aganze - 10/01/2017 saa 14:45

icyonzi inyuma harahinda!umwami azasimburwa rwose.ibyo kuvuga ko ari abahindiro bamwimitse!!!gusa aracyenewe.ese germany&uk&espagne.holande&belge etc mubarusha gukomera?!harakavuyo muhumva?turamukeneye rwosee aze ahe amahirwe abantu angana ntawumva ko aruta undi
Kanda hano umusubize

dis - 10/01/2017 saa 13:52

Ntabihanga bibiri bitekwa munkono imwe .dufite umwami ntibyashoboka ko twayoborwa nabami 2 . si republica nubwami bwahinduye ukobwakorwaga mbere 1.
Kanda hano umusubize

Emmanuel - 10/01/2017 saa 12:49

Ariko bavuze Umwami w'umuco kandi bari henshi mubihugu bitegekwa muri Repubulika kandi ubwo buryo buri henshi na hano kubaturanyi bacu muri Congo no muri Nigeria ntibagiwe muri Uganda aho ubu hari Abami bane abo n'Umwami Toro,Bunyiro,Buganda,na Busoga hari n'abandi bami b'uduhugu duto mu bihugu bigize UGANDA abo bami Bose ariko amategeko ya Uganda ntabemerera kwivanga muri politike ahubwo bareba umuco gusa.
Kanda hano umusubize

muti - 10/01/2017 saa 12:28

ariko birasekeje.abantu bibera hariya hanze baba bameze nkabo byacanze kuko ntabwo dufite imyuakina mvire imwe, abenshi muri bariya barimo gukoreshwa na babandi ngo bakina politique, ntakndi kazi baba bafite, iyorero babonye case nkiyo baba babonye icyo bakiniraho.rero ibi rwose ntimwongere kubiha amaso kuko biraturangaza,.ese ko bavuga umwami ningoma ntibagaragaze icyo byamarira abanyarwanda?? uwo musaza ngo ni benzige ibye birazwi ni mumureke yabuze uwo yariragaho niko gahinda
Kanda hano umusubize

imfura - 10/01/2017 saa 12:18

Ni nde wakubwiye ko uyu Bushayija yimitswe n'Abahindiro? Waba se ahubwo warakurikiranye impaka z'urudaca zari ziri muri uyu muryango cyangwa urivugira ibikuje mu bwonko gusa?
Kanda hano umusubize

MUSERUKA JEAN BAPTISTE - 10/01/2017 saa 10:28

ariko se ibi byo bizagarukira he ? ubuse abahindiro ntibyabacanze, iki gihe baracyatekereza ko u Rwanda rwayoborwa cyami. nzabandeba icyo aya makinamico ahatse kbs,.
Kanda hano umusubize

Emmanuel - 10/01/2017 saa 13:48

Ariko Jye kubwanjye ndumva bashyizeho Umwami w'umuco utivanga muri politike ntacyo byaba bitwaye apfa kutagira aho ahurira n'imisoro yacu naho abami mubihugu bitegekwa kuburyo bwa Repubulika bifite abami b'umuco byo birahari mu baturanyi Congo na Uganda barahari iyo bativamze muri politike ntakibazo bagirana na leta iyo bivanze mu bya politike bibamerera nk'ibyuriya mwami wa Ruwenzori ho muri Uganda yihaye kugira umutwe wabitwaje intwaro atabyemerewe none arafunze!.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X