Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Iminsi ibarirwa ku ntoki irushanwa rya Guma Guma rigatangira!Dore uko bimeze

Abanyarwanda benshi banyotewe no kongera kubona abahanzi babo bakunda babasanga mu turere batuyemo bakabasusurutsa bakishimana binyuze mu irushanwa rya Primus Guma Guma Super Star.

Ni muri urwo rwego rero kuri uyu wa Gatandatu taliki ya 20 Gicurasi ari bwo ku ikubitiro igitaramo kizabimburira ibindi kizatangira ari nabwo biteganyijwe Nsabimana Francois watsindiye imodoka yo muri Promotion ya "Babongere"azayihabwa.

JPEG - 93.6 kb
Imisi ibitaramo bya PGGSS bizakorerwaho

Bull Dogg, Danny Nanone, Christopher, Social Mula, Davis D, Mico The Best, Dream Boys, Active, Oda Paccy hamwe n’itsinda rya Charly na Nina ni bo bahanzi 10 byatangajwe ko ari bo bahanzi batoranyijwe nk’abazitabira irushanwa rya Primus Guma Guma Super Star 7, kuri uyu wa Gatatu tariki 8 Werurwe 2017.

Gusa nyuma y’uru rutonde nibwo itsinda "Charly na Nina" bikuye mu irushanwa ku bw’impamvu zabo bwite basimbuzwa Queen Cha n’ubundi wari wabariye isataburenge mu matora.

Uru rutonde rwatowe n’ibitangazamakuru byo mu Rwanda hamwe n’amashyirahamwe n’abatunganya umuziki (producers) mu Rwanda n’abavanga imiziki mu tubyiniro (Djs), rwemezwa n’abayobozi ba East African Promoters (EAP).

JPEG - 108.6 kb
Abahanzi bari muri PGGSS7

Kugeza ubu rero iyo uganiriye n’abakunzi b’umuziki nyarwanda ku by’ibi bitaramo bigiye gutangira mu turere dutandukanye,usanga babyinira ku rukoma kuko ngo abataba muri Kigali nibwo buryo bwiza bwo kubona abahanzi babo bakunda bakishimana nabo.

Guma Guma niryo rushanwa riyoboye ayandi mu Rwanda haba mu bihembo bitangwa ndetse no gukundwa iyo rigeze mugihe cyo kuba rivugisha abantu batari bacye bamwe bavuga uwo baha amahirwe haba ku bagendera ku marangamutima yabo ndetse nabasobanukiwe umuziki Nyarwanda muri rusange.

Bikaba biteganyijwe ko igihembo kizatangwa taliki 24 Kamena 2017, ku muhanzi uzaba witwaye neza kurusha abandi.

Ndacyayisenga Fred

Kanda hano udukurikire kuri Facebook na Twitter

Ibitekerezo

NYOMBAYIRE Michel - 18/05/2017 saa 11:41

Nubwo BRALIRWA igiye kwishimira ibyiza yagezeho mu mwaka ushize,imenye ko amadini menshi avuga ko ikorera SATANI.Abanyamadini bigisha ko kunywa INZOGA ari icyaha. Nubwo Abanyamadini biyita ko bakorera imana,bigisha ibinyoma,bityo bagakorera SATANI kubera kwishakira umugati.Nibyo koko,Bible ivuga ko VINO ari umukobanyi.GUKOBANA iba ishaka kuvuga,nuko unyoye VINO nyinshi arasinda,agakora ibintu bibi.Ariko ahantu henshi,Bible ivuga ko umukristu ashatse yanywa VINO nkeya.Byisomere muli 1 Timote 3:8 na Tito 2:3 .Muli 1 Timote 5:23,imana yategetse TIMOTE kunywa VINO nkeya kugirango adasinda.Ni gute imana yategeka umuntu kunywa VINO nkeya,noneho Pastor we akavuga ko kunywa VINO ari icyaha?Uwigisha avuguruza imana,aba akorera SATANI. Muli Yesya 25:6,havuga ko imana iha VINO abantu ikunda.Muli Matayo 11:19,havuga ko YESU nawe yaje ku isi akanywa Vino nkeya,ku buryo Abafarisayo bavuze ko ari umusinzi. Mulibuka ko YESU yatanze VINO mu bukwe bw'i KANA.Muzi impamvu yayitanze?Nuko Bible ivuga ko VINO ishimisha abantu (Zaburi 104:14,15). Ariko abantu basinda,imana izabarimbura ku munsi w'imperuka (1 Abakorinto 6:9,10).
Kanda hano umusubize

- 19/05/2017 saa 03:03

so ubwo wowe uhagaze hehe??? ninde uvuga ukuri muri izo mpande zose
Kanda hano umusubize

Jd - 19/05/2017 saa 06:30

Ibyo Uvuze Nukuri
Kanda hano umusubize

gisa - 20/05/2017 saa 13:33

gabanya ubuyehova shaa
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X