Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Imyiteguro y’ubukwe bw’Umutare Gaby intandaro yo guhungira kure itangazamakuru

Umusore ukunze kuririmba mu njyana zitandukanye ziganjemo Afro Beat,Umutare Gaby, nyuma yo kuvugwa ko agiye kurushinga n’umukunzi we ubarizwa mu gihugu cya Australia, kuri ubu imyeteguro yatumye atavugana n’itangazamakuru.

Mu minsi ishize ubwo ibitangazamakuru byavugaga ku by’ubukwe uyu musore yitegura, ubwo yabazwaga ibijyanye n’uwo mushinga ntiyabyemeye cyangwa ngo abihakane, gusa inshuti ze za hafi zakomeje zishimangira ko Gaby rwose agiye gusezera ubusiribateri akaba umugabo ufite urugo.

Mu gushaka kumenya inkuru mpamo y’aho imyetuguro yaba igeze, Imirasire.com yaganiriye n’uyu muhanzi ariko yanga kugira ibyo atangaza kuri iyo ngingo ahubwo avuga ko muri iyi minsi atarimo kwiyegereza itangazamakuru kuko ngo afite ibye ahugiyemo adashaka ko bimenyekana.

Yagize ati”Umva rwose mbabarira muri iyi minsi nta makuru ndigutanga hari ibyo nibereyemo byerekeye ubuzima bwanjye bwite ntashaka gutangaza . Ubu ndi muntara mfite byinshi bimpugije ndigutunganya.”

Kuba akomeje guhungira kure itangazamakuru mu gihe bikomeje kuvugwa ko n’umukunzi we ari hafi kuza mu Rwanda ngo basezerane kubana akaramata, ni kimwe mu bishimangira ko uyu musore atarimo kubona umwanya uhagije wo kwigaragaza mu bikorwa bindi bityo bigatuma ntawe ugipfa kumuca iryera.

Gusa ku rundi ruhande mu mpera z’ukwezi gushize ubwo aya makuru yakomezaga gucaracara hirya no hino mu bitangazamakuru, Gaby yavuze ko impamvu yo gusakara kw’ayo makuru, ngo ari uko abantu benshi bakunze kumubona yatashye amakwe atandukanye bityo bakabishingiraho.

Yagize ati”Narabuze ubu nibereye mu makwe [Ubukwe], MfIte akaririmbo kitwa ka ’Ntawundi’ na ka ’True Love’ biragenda bikora akazi ndagenda ndirimba mu makwe hirya no hino ngaho za Cyangungu, Gitarama ngaho Kigali ng’ibyo ibintu nibereyemo.”

Yakomeje agira ati”ndi gupanga n’ibindi by’ubuzima bwanjye, urabona umuntu aba amaze kugenda anakura ntabwo mba nyiri umwana mutoya ubwo nibyo ndimo abanyarwanda tujyenda duhurira muri ayo makwe, duhurira mu tuntu twudutaramo nkutwo tw’abantu bakuze kuri ka acoustique nkirwana no gutegura ubuzima bw’ejo hazaza.

Twagerageje gushaka kuvugisha uyu mukobwa bivugwa ko ariwe ugiye gukora ubukwe n’Umutare Gaby ariko ntibyadukundira tukaba dukomeje gukurikirana iby’aya makuru.

Nikuze Gabriel(Gaby) yamenyekanye cyane ubwo yashyiraga hanze indirimbo yise Mesa kamwe,Ntankagure,Ntawundi n’izindi,byanamuhesheje no kujya mu irushanwa rya PGGSS ku nshuro yaryo ya VI.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X