Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Indirimbo The Ben yasize akoranye n’abahanzi zimwe zatangiye kujya ahagaragara

Umuhanzi w’umunyarwanda ukorera umuziki we muri Leta zunze ubumwe z’Amerika ubwo aheruka mu Rwanda ubwo yari yaje mu gitaramo cya East African Party gisanzwe kiba buri mwaka kikitabirwa n’ibyamamare mu muziki ku isi ndetse no mu karere, mbere y’uko asubira muri amerika yasize akoranye indirimbo n’abahanzi batandukanye none izo ndirimbo zatangiye kumvikana.

Mu ntangiriro z’iki cyumweru habanje kumvikana indirimbo bise "Champion"irimo abaraperi nka Pacson, Bull Dogg ndetse na murumuna we Green P iyi ndirimbo ikaba yarakorewe muri Unlimetted Records na producer Holly Beat.

Uyu muhanzi ubwo yari mu Rwanda mu bitaramo hafi ya byose yahakoreye abaraperi Green P na Bull Dogg bagaragaraga bafasha uyu muhanzi aho baririmbanaga indirimbo za kera ntibirangire The Ben atavuze ko aba basore aribo bayoboye HipHop nyarwanda.

Nyuma y’umunsi umwe iyi ndirimbo isohotse hahise humvikana indi ndirimbo The Ben yakoranye na Kid Gaju bise ‘Kami’ ndetse n’amashusho yayo akaba yageze hanze.

Byose bikaba byarakorewe muri Uganda mbere yo gusubira muri Amerika.
Amakuru agera ku Imirasire avuga ko uretse Kid Gaju The Ben yaba yarasize akoranye n’abandi bahanzi barimo Yvan Buravan na Uncle Austin.

Uku gushyirwa hanze kw’izi ndirimbo icya rimwe, The Ben avuga ko nta kintu bishobora guhungabanya imenyekana ryazo.

Yagize ati: “ Abanyarwanda bafite imyumvire yabo ku byerekeranye n’umuziki, buri umwe ahitamo ikintu yumva kimushimishije kuruta ikindi.”

Kid Gaju wakoranye na The Ben yamenyekanye mu ndirimbo nka “Mama bebe”, “Agatabi”, “Gahunda” yakoranye na Cindy wo muri Uganda n’izindi dore ko uyu muhanzi akenshi akunze gukorera ibikorwa bye bya muzika muri Uganda ariko byagera mu Rwanda bigakundwa.

Kurikirana izi ndirimbo hano

"Champion" ya Green P, Bull Dogg , Pacson ft The Ben

"Kami" ya Kid Gaju ft The Ben

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X