Monaco cosmetics
Ahabanza  >>  Nkore iki? >> 

Inkuru y’umusomyi: Ese nizere nde ko njye mbona byanyobeye

Ese nzizere uwuhe mukobwa/ mugore, ko bose bahemuka kimwe?
Nitwa Claude Umwizerwa, muri iki gitangazamakuru nabonye hari abahasaba inama, none
nanjye ndatekereza ku byambayeho, nkumva ngomba gufata ingamba aliko na none
ngakenera n’ibitekerezo by’abandi aliko byubaka, n’ubwo nabonye rimwe na rimwe
hataburamo n’ibiba bidahwitse, bivuga ko nabyo bigomba gusomanwa ubushishozi igihe
byakugezeho.

Ese nzizere uwuhe mukobwa/ mugore, ko bose bahemuka kimwe?
Nitwa Claude Umwizerwa, muri iki gitangazamakuru nabonye hari abahasaba inama, none
nanjye ndatekereza ku byambayeho, nkumva ngomba gufata ingamba aliko na none
ngakenera n’ibitekerezo by’abandi aliko byubaka, n’ubwo nabonye rimwe na rimwe
hataburamo n’ibiba bidahwitse, bivuga ko nabyo bigomba gusomanwa ubushishozi igihe
byakugezeho.

Muri make ngeze mu myaka 38, nari nigeze umugore mu bihe bya vuba, mu nzira zose
ziteganyijwe aribyo gufata irembo, gusaba no gukwa kimwe n’imbere y’Imana.
Aliko ntibyamaze igihe kinini kuko uwo mugore twari dushakanye, mu by’ukuri atari
aje kubaka, ahubwo yari ikirara kimwe cyo ku rwego rwo hejuru, yishakira address
gusa yo kugira ngo yikomereze ibikorwa bye bigayitse afite aho aturuka. Ikindi kandi
no kugira ngo agire icyo amvanaho kijyanye n’umutungo wagombaga kugenda umufasha mu
yindi mishinga yari afite harimo no gukomeza ajya i Burayi. Kandi na none ngo
ahindure status kuko rimwe na rimwe bifasha mu kubona visa mu bihugu bimwe na bimwe
by’i Burayi, ibyo byose kandi kubyara akaba atarabikozwaga na mba!

Muri rusange akaba nta ndangagaciro nimwe iranga umunyarwandakazi yari yibitseho, ko
ahubwo ibikorwa bye byari ku rwego/ ntaho byari bitaniye ni bya shitani.
Byaramungabanyije mu buryo bwose, haba mu by’umwuka, moral kimwe no mu buryo
bw’ubukungu. Gusa ndashima Imana ko byansize amahoro, kandi ngenda niyubaka gahoro
gahoro, ko kandi magingo aya inkiko zemeye/ zigiye kuduha gatanya.

Ku bijyanye no kwizera igitsinagore byo ntibiraza rwose kandi mbikeneye kugira ngo
ubuzima bukomeze, kuko muri rusange nari natinze no gushaka kubera kwita kuri
barumuna banjye nasigaranye, kandi nyuma nange mbashe gukomeza amashuri ku rwego rwa
university.
Bivuga ko aho nashakiraga mu mwaka washize, gahunda yari iyo kubaka urugo ruhamye,
gusa kubw’amahirwe make ntibyampira. Nshobora kuba narahubutse, sinihangane ngo
Imana indambagirize nk’uko abizera babivuga.

Akaba ariyo mpamvu nsaba inama zanyu nziza, kuko bivuye mu mutima wanjye nkeneye
umukunzi w’ukuri, noneho unyikundiye kurushaho, kurusha uko natwarwa n’ikimero.
Aliko na none ngakomeza nibaza ese bizanshobokera gute, ko mu mutima nkifitemo
gushidikanya kuba nabona noneho umugeni muzima, wuje urukundo n’impuhwe, warenzwe,
ujijutse, uzi ubuzima, wubaha agatinya Imana, wiyubaha akarangwa n’isuku kimwe
n’umuco.

Ese abo byahiriye ni irihe banga mwamishurira? Ubu nashyize ingufu mu gusaba Imana
ngo inkorere igitangaza, kandi nanjye ndagenda mvugurura umushyikirano wanjye nayo,
ngo wenda igire uko yibuka umugaragu wayo, kimwe no kugira ngo ntore agatotsi, kuko
biba ingorabahizi kugoheka iyo ntangiye gutekereza ibyo byose!

Ese mbigenze nte rwose kugira ngo mbone umugore muzima kandi vuba, nubwo bwose
nagiye mungabanywa n’ibyo byose nanyuzemo? Email nkoresha ni clumwi@gmail.com igihe
haba hari uwubashije kuyikoresha, murakoze, amahoro y’Imana!

Kanda hano udukurikire kuri Facebook na Twitter

Ibitekerezo

clarisse - 25/04/2017 saa 10:14

ihangane uzamubona najye byabyayeho birananira kwiyakira ariko ubumaze imyaka2murugo;gusa birasaba kwitonda ugashishoza ndetse ukanasenga kuki imana ishobora byose izaguha undi
Kanda hano umusubize

clarisse - 25/04/2017 saa 07:33

ihangane uzamubona najye byabyayeho birananira kwiyakira ariko ubumaze imyaka2murugo;gusa birasaba kwitonda ugashishoza ndetse ukanasenga kuki imana ishobora byose izaguha undi
Kanda hano umusubize

Soso - 15/04/2017 saa 17:19

IMANA IZAGUSHUMBUSHA UNDI.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X