Monaco cosmetics
Ahabanza  >>  Amakuru yose >> Iyobokamana >> 

Intiti mu by’ubumenyi bw’isi no mu mwuka zigiye guhugura urubyiruko muri Bethesda Holy Church

Urubyiruko rubarizwa ku rusengero rwa Bethesda Holy Church ruherereye mu mujyi wa Kigali ku Gisozi ruributsa abasore n’inkumi kimwe n’abandi banyotowe n’ijambo ry’Imana ko kuva kuri uyu wa Kabiri taliki 16 kugeza 19 Gicurasi hari inzobere mu by’ubumenyi bw’isi n’ubwo mu mwuka zizaba zambariye kubahugura no kubagura mu bitekerezo.

Ni amahugurwa azajya aba buri mugoroba uhereye ku itariki yavuzwe haruguru,ikigamijwe muri izi nyigisho ni uburyo ki urubyiruko rwamenya uko rukwiye kwitwara muri ibi bihe bagakomeza indangagaciro za gikiristu.

Aganira n’itangazamakuru umuyobozi w’urubyiruko rwa Bethesda bwana Olivier Rwandenzi akaba n’umwe mu bari gutegura iyi gahunda,yashimangiye ko uyu ari umwanya buri wese abonye ngo aze yivomere amazi agomba kumutunga dore ko hazigirwa amasomo akomeye haba mu buryo bw’ubumenyi rusange n’ubw’umwuka.

JPEG - 35.2 kb
Olivier Rwandenzi umuyobozi w’urubyiruko muri Bethesda Holy Church

Yagize ati”Ni uburyo bwiza twateguye bwo buri umwe wese aba abohotseho,muri macye nicyo gihe ngo urubyiruko ruturutse imahanda yose ngo ruze ruvome ubumenyi runahabwe umurongo mushya w’ubuzima bwabo haba mu bumenyi rusange ndetse no mu ijambo ry’Imana.”

Bamwe muri aba bakozi b’Imana bazatanga amahugurwa, bazwiho kuba ari abahanga kandi basizwe amavuta.Bamwe muri abo twavuga nka,,

Pastor Nsenga Emmanuel ni impunguke muri Mass communation and journalism akaba yarasanze umuhamagaro we ari uwo gukorera Imana,akunda cyane kubona urubyiruko by’umwihariko ruhinduka.
Ni Pastor muri Eglise Vivante/Kimihurura....

Pastor Jimmy Muyango ni Senior Pastor wa _Rwanda for Jesus,Umuyobozi wa The Potter’s Hand Ministries
Ni impuguke mubijyanye no kubaka(Ingeneer)
Yahagaritse iyi mirimo yiyemeza gukorera Imana.Afite amagambo y’ubwenge nifuza ko wazakurikira muri Seminaire

Ev.Lambert BARIHO ni imwe muba disciple ba Antoine RUTAYISIRE
Nyuma yo kurangiza amasomo ye i London mu bwongereza yagarutse mu Rwanda ahatangiza umuryango w’ivugabutumwa uzwi nka Ellel Ministries. mbibutse ko uyu muryango wavutse muri za 80 mu bwongereza. Uyu muryango umaze gufasha benshi mu bashumba ndetse na abayobozi b’amatorero mu Rwanda.

Uretse abo bavugabutumwa bwiza,hazaba hari kandi amakorali nka Bethesida Choir, Light Gospel Choir ,Sauti Hewani Choir,Worship Team ,Boanergers Group nayo ntazajya abura gutaramira abazitabira aya mahugurwa .

Ndacyayisenga Fred

Kanda hano udukurikire kuri Facebook na Twitter

Ibitekerezo

Gogo - 17/05/2017 saa 13:47

Israel kuba bava mumadini Basanzwemo bagashinga ayabo bose siko baba bagamije indamu ahubwo ni ukwagura ubwami bw'IMANA.ikibazo si ugushinga amadini ahubwo tujye tureba intego nuko bubaka umurimo w'IMANA. kko Bible iratubwirango muzabamenyera ku mbuto zabo
Kanda hano umusubize

Gogo - 17/05/2017 saa 13:45

Israel kuba bava mumadini Basanzwemo bagashinga ayabo bose siko baba bagamije indamu ahubwo ni ukwagura ubwami bw'IMANA.ikibazo si ugushinga amadini ahubwo tujye tureba intego nuko bubaka umurimo w'IMANA. kko Bible iratubwirango muzabamenyera ku mbuto zabo
Kanda hano umusubize

emy - 15/05/2017 saa 20:42

nkerabingwi wowe wabateribuye ko ntaho wiba cyangwa nuko ntaho ufite wiba? witonde yego sishyigikiye umuntu wiba ariko niba uri ukristo byukuri bibiriya iravuga ngo urukundo ntirwishimira gukiranirwa kwabandi wagirango wageze aho ujya uwambara umwambaro wintambara atabara ntakirate nkuwambara atabarutse
Kanda hano umusubize

NKERABIGWI Israel - 12/05/2017 saa 15:55

Ngo basizwe AMAVUTA?Ni nde wayabasize?Na baliya bo muli ADEPR bafunzwe bazira kwiba amafranga,bavugaga ko "basizwe kandi buzuye umwuka".Muli Matayo 15:8,YESU yavuze ko "bubahisha imana amagambo gusa,ariko imitima yabo iri ahandi".Bisobanura ko bishakira ubutunzi bakoresheje Bible.YESU kandi yavuze ko baza bambaye uruhu rw'intama,ariko imbere ari ibirura (wolves).Ikindi bahuriraho,ni kwiyita ama Titles (engineer,doctor,professor,etc...).Intumwa PAWULO yali yarize cyane.Ariko nta na rimwe yarase amashuli ye.Ni ubwibone kandi ni icyaha,kugirango abantu babemere ko bize cyane.Abanyamadini,bakoresha akarimi keza,ukagirango ni abantu b'imana.Ariko target iba ari ifaranga nkuko Pastor MPYISI yavuze.Nubwo biyita abakozi b'imana,Bible ibita abakozi b'inda zabo (Abaroma 16:18).Nicyo gituma bahora bashwana.Namwe mujye mwibaza impamvu aba bashinga amadini yabo,bagata aho basengeraga.Ni uburyo bwo "kwihangira imirimo,bitwaje Bible".Ariko bajye bamenya ikibategereje ku Munsi w'imperuka.Imana nibo izaheraho ubwo izaba yica abantu bose bayiryarya (Hypocrisy). ISI yose izaba yuzuye intumbi nkuko tubisoma muli Yeremiya 25:33.Hazarokoka abantu bake bumvira imana nkuko tubisoma muli Imigani 2:21,22.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X