Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Ishimwe J.Luc yongeye gushyira hanze indi ndirimbo yise “Narahindutse” yumve umenye na byinshi ku bimwerekeyeho

Nyuma y’uko umuhanzi Ishimwe Jean Luc ashyize hanze ndirimbo zitandukanye nka uri uwanjye, uze njye nkomora, nimpagera n’izindi zigakundwa, kuri ubu yamaze gushyira ahagaragara indi ndirimbo yise ‘Narahindutse" ikubiyemo ubuhanga haba mu micurangire,imiririmbire n’ubutumwa atangamo.


Uyu musore izina rye ryamenyekanye nyuma y’imikoranire ye n’umuhanzi King James wamufashije kuzamuka muri muzika nyarwanda, aho yabashije gutsinda irushanwa yari yateguye bimuhesha gutangira kumvikana mu matwi y’Abanyarwanda.

Aganira na Imirasire.com, Jean Luc yasobanuye ko iyi ndirimbo ayishyize hanze ahanini agendeye ku butumwa sosiyete yifuza bityo akaboneraho kububasangiza atibagiwe n’injyana iryoheye amatwi bakeneye.

Abajijwe aho inganzo ayikura ku buryo asohora indirimbo akenshi agahita ahabwa inyito yayo,yagize byinshi asobanura maze bituma aboneraho kudusangiza bimwe mu byo yanyuzemo kugirango abashe kugenda arushaho kugana ku nzozi ze bikazanamuhesha gusingira urundi rwego yifuza kwibonaho mu minsi iri imbere.

Yagize ati” Ubundi niga mu wa mbere w’amashuri yisumbuye (Secondary )nibwo natangiye kujya mbyina nka Solo Dancer nigaga muri Group Scolaire Officielle de Butare,Tronc Commun yose nitabira amarushanwa (Competition) atandukanye nka Fespad 2010 nkakuramo imyanya myiza, ndakomeza kugeza muri 2013 aho nitabiriye irushanwa rya DundaStar Talent Search mba uwa mbere kubyina Modern Dance ku rwego rw’igihugu.

Yakomeje agira ati”Mbere ho gato ngeze mu cyiciro cya nyuma cy’amashuri yisumbuye (A-Level) nagiye kwiga muri Uganda mu kigo kitwa St Lawrence,baza kuntorera kuba Dirigeant(Conductor) wa Choir y’ikigo tuza kwitabira amarushanwa ya MDD(Music Dance and Drama) tuba abakabiri mu bigo byose twarushanwaga nabyo bituma nkomeza gukunda Music cyane, ndangije kwiga nafashe umwanya nitekerezaho ngo ndebe icyo nifuza kuzaba.

Yunzemo ati”Hagati aho twari twarashinze Band njye na bagenzi banjye harimo Yvan Buravan,Andy Bumuntu tuyita OXYMORON,urebye nayo ikaba yaramfashije cyane mu kwiyubaka nk’umuhanzi.

Jean Luc yashimangiye ko mu 2015,yafashe icyemezo cyo kwinjira muri ShowBizz aza kwitabira amarushanwa King James yari yateguye aratsinda amwemerera kumwishyurira indirimbo muri Studio.

Yagize ati”Mu 2015 nibwo nafashe umwanzuro wo kujya mu irushanwa King James yari yateguye ndatsinda anyemerera kunkoreshereza indirimbo muri studio ndayikora, nkaba nawe mushimira kuri urwo ruhare rwe.”

Ubu indirimbo amaze gukora ni eshanu yakorewe na Bob Pro ,eshatu muri zo zikaba zifite amashusho (Video) zakozwe na OSKADOS OSKAR kuva muri AFRICAMILE,izo ni ; Uri uwanjye, Uze njye nkomora, Nimpagera, Izindi ni urumuri, n’iyi yise "Narahindutse” zitarakorerwa amashusho ariko ngo mu minsi iri imbere akazayazikorera.

Icyerekezo cya J.Luc muri muzika ngo ni ukuba umuhanzi ufite icyo amariye sosiyete atari uwifitiye akamaro gusa,ibi bishatse kuvuga ko ngo ubutumwa buri mu bihangano bye bigomba guhindura benshii mu buryo bwiza.Aboneraho gusaba abakunzi be kumuhora hafi ndetse bakajya banasaba ibihangano bye ku bitangazamakuru bitandukanye batibagiwe no kumugira inama.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X