Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Itsinda rya Gisaka Empire riyobowe na bPack Rugamba rije guhoza amarira Tuff Gangs yateye abakunzi ba Hip Hop

Nyuma y’uko bamwe mu baraperi bo mu Rwanda bagiye bacika intege mu njyana ya Hip hop bamwe bari baranibumbuye mu itsinda ngo barusheho kuyizamura bagatandukana,itsinda rya Gisaka Empire label music ryiyemeje kuza kuziba icyuho ngo cyari kimaze kugaragara hashyirwaho ingamba shya.

JPEG - 47.4 kb
bPack Rugamba na D Polly

Iri tsinda ubusanzwe rikorera mu ntara y’Uburasirazuba ahanini ngo ryashinzwe ikigamijwe ari ukuzamura impano z’abahanzi batandukanye mu rwego rwo guhuza imbaraga,gusa ngo rikimara kubona ko injyana ya Hip Hop irimo kugenda icyendera ryahisemo kuyishyiramo ingufu kugirango irusheho kongera gushinga imizi.

Aha bagaruka ku marira n’agahinda Tuff Gangs yataye abakunzi b’iyo njyana nyuma yo gutandukana, aho bizeza abashenguwe no kubura uwo mwimere, ko badakwiye kugira impungenge bityo ko abagize iri tsinda rya Gisaka Empire bagiye kubakura mu bwigunge bakabibutsa Hop Hop yo hambere.

Tuganira na bPack Rugamba umuyobozi w’iri tsinda akaba n’umurezi mu rwunge rw’amashuri rwa Gahima, yashimangiye ko ikibaraje ishinga ari ugushakira hamwe uburyo impano z’abahanzi zikomeza gushinga imizi mu Rwanda ariko by’umwihariko Hip Hop.

Yagize ati”Itsinda rya Gisaka Empire ikiriraje ishinga ni ukuzamura impano zitandukanye ziganjemo abaririmbyi,ababyinnyi,abasizi,abavuga amazina y’Inka..,ariko sinabura kuvuga ko by’umwihariko dushaka kwibanda cyane ku kuzamura injyana ya Hip hop isa n’iyazimye nyuma yo gusenyuka kwa Tuff Gangs.”

Yakomeje agira ati” Ivuka rya Gisaka Empire soldiers rije guhindura ishusho ya Hop Hop mu Rwanda, rije guhoza amarira abakunzi ba hip hop batewe n’andi matsinda yatubanjirije nka Tough gangs n’abandi benshi. Gahunda ni uguhindura duhereye ku byo abantu bashaka.”

Aha yatanze urugero rw’indirimbo aherutse gukorana n’undi musore ubarizwa muri iri tsinda witwa D Polly,iyo ndirimbo bise “Manuka gato” ikaba iri mu bigaragaza ireme ry’izo mpinduka bategerejweho.

JPEG - 23.9 kb
D Polly umwe mu bagize Gisaka Empire

Uyu D Polly akaba ari n’umusizi ndetse ngo yanagiye yegukana ibihembo bitandukanye (awards) harimo ikomeye yahawe mu kwimakaza ubumwe n’ubwiyunge umwaka ushize.

Gusa n’ubwo ari itsinda rigari ,ngo ntibikuyeho ko buri muhanzi ashobora gukora ku giti cye mu rwego rwo kurushaho kwiteza imbere mu buryo bumwe cyangwa ubundi.

Ndacyayisenga Fred

Kanda hano udukurikire kuri Facebook na Twitter

Ibitekerezo

schadrack - 25/04/2017 saa 03:09

Mukomerezaho basaza
Kanda hano umusubize

Jackson - 24/04/2017 saa 04:19

Aho ni sawa bavandi try your best turabashyigikiye ,murashoboye
Kanda hano umusubize

Nsabimana cyprien - 22/04/2017 saa 18:04

Iryo tsinda ndaryemera cyane cyane Dpoly we ararenze.courage kbsa
Kanda hano umusubize

isimbi Gloria - 22/04/2017 saa 03:46

Wooow nice song kbsa, uyu d. Poly we ndamuzi nimubi cyane njya mbona posts kuri instagram niba utabyemera mufollowinge kuri instagram:d.poly official wirebere njye yaranyemeje Sana. A real rapper d. Polyyyyyy keep it up
Kanda hano umusubize

Pato - 21/04/2017 saa 17:40

Courage kbc m boi D Poly...with ur crew.kp it up!!!
Kanda hano umusubize

Jackson - 24/04/2017 saa 04:21

YES SO NICE GISAKA EMPIRE
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X