Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Jules Sentore yitotombeye icyemezo cyo kwishyuriza abahanzi mu gihe indirimbo zabo zicuranzwe

Umuhanzi Jules Sentore wamenyekaniye mu ndirimbo zitandukanye zirimo ‘Udatsikira,Ngera,Kora akazi..,yifatiye ku gahanga abafashe icyemezo cyo kwishyuriza abahanzi mu gihe ibihangano byabo bicuranzwe ahantu hatandukanye.

Agaruka kuri iki cyemezo ishyirahamwe ry’abahanzi nyarwanda (RSAU) baherutse gufata ko buri gitangazamakuru cyose kifashishije ibihangano by’umuhanzi kigomba kumwishyura,ibi uyu musore yabyamaganiye kure avuga ko ayo mafaranga atayakeneye.

Ibi abigarutseho nyuma y’uko Ikigo cy’Igihugu gishinzwe Iterambere RDB cyavuze ko guhera muri Nyakanga 2017, amaradiyo n’abandi bakoresha umuziki w’abahanzi nyarwanda bazatangira kwishyuzwa hagendewe ku mategeko mpuzamahanga yo kwishyura nyir’igihangano cyakoreshejwe.

Impamvu nyirizina uyu musore adashaka ko amaradiyo yishyuzwa, ngo ni uko hari byinshi we n’abandi bahanzi bagenzi be bayakeneyeho ku ruta kuyishyuza bityo ngo akabona icyo cyemezo kiramutse gishyizwe mu bikorwa hari byinshi byakononekara mu mwuga wabo.

Yagize ati “Njye nkubwije ukuri ariya mafaranga ntayo nkeneye, ntabwo nyakeneye rwose. [Azunguza umutwe] ayo mafaranga ntabwo nyakeneye, sinzi n’ukuntu azaba angana ariko uko yaza angana kose ayo mafaranga ntabwo nyakeneye.”

Gusa ku rundi ruhande ngo yumva gutekereza ku bahanzi Atari bibi ariko kandi ngo bagomba no kureba ingaruka byagira mu gihe iyo gahunda iramutse ishyizwe mu bikorwa.Aha yatanze ingero avuga ko mu gihe amaradiyo cyangwa amatereviziyo yishyujwe nayo yahita iza ikishyuza abahanzi.

Atangaje ibi, mu gihe ubuyobozi bw’Inama Nkuru y’Igihugu y’Abahanzi bwasohoye itangazo risaba impande zose zirimo RDB, Sosiete Nyarwanda y’Abahanzi (RSAU), abahanzi n’abafatanyabikorwa babo, kubanza kwicara hamwe bakajya inama ku ishyirwa mu bikorwa ry’iyi gahunda mbere y’uko ishyirwa mu bikorwa mu rwego rwo gukuraho urujijo no gushyiraho uburyo buboneye bworohereza buri wese.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X