Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Karongi: Umuyobozi yicishije umuturage inkoni


Umuyobozi w’umudugudu wa Nyabusage mu kagari ka Nyarusazi mu murenge wa Bwishyura aravugwaho kwicisha inkoni uwitwa Casimiry Ngendahayo nyuma yo kumumuregera ko yibye telefoni mu kabari

Casmiry yakubiswe saa sita z’ijoro mu mpera z’iki cyumweru n’umuyobozi w’Umudugudu wabo bamushinja kwiba telephone aho yari ari mu kabari nk’uko byemezwa n’umuyobozi w’aka kagari.

JPEG - 23 kb
Ibiro by’akarere ka Karongi

Casimir yariho anywera mu kabari maze habura telephone bamwe mu bari bahari bavuga ko ari we uyibye ndetse bahamagaza umukuru w’Umudugudu.

Uyu yahageze hamwe n’ushinzwe umutekano mu mudugudu bafata uyu mugabo maze uyu muyobozi aramwikubitira bikomeye.

Umwe mu bari muri aka kabari ibi biba witwa Jean Pierre Mugemana abanyamakuru ko uyu muyobozi yamukubise bikomeye cyane maze imvura ihita igwa bamurekera aho bamukubitiraga hanze iramunyagira kuko yari yanegekaye.

Imvura ihise bamufashe ngo bamujyane kuri station ya Police maze apfira mu nzira.
Bonaventure Manirareba Umunyamabanga nshingwabikorwa w’Akagari ka Nyarusazi yabwiye abanyamakuru ko iki gikorwa kibabaje cyabaye koko kandi uyu muyobozi yahise atabwa muri yombi.

Uyu muyobozi w’Umudugudu ntabwo yafunzwe wenyine kuko yafungwanywe n’ushinzwe umutekano mu mudugudu n’undi muntu umwe bashinjwa kwica.

Abaturage b’aha bavuga ko uyu muyobozi ngo yari asanzwe ‘ahana’ akubita abantu.
Casimir bishe bakubise bikomeye yashyinguwe kuri iki cyumweru, asize abana batatu.

Hamwe na hamwe mu gihugu hakunze kumvikana aho abantu bakora ibikorwa byo kwihanira ukekwaho icyaha bikavamo kwica.

Kwica ubigambiriye bihanishwa igifungo cya burundu mu mategeko y’u Rwanda.

Nkindi Alpha

Kanda hano udukurikire kuri Facebook na Twitter

Ibitekerezo

- 18/05/2017 saa 04:09

uyu mukuru wumudugudu ubutabera bumukanire urumukwiye murwanda kwihanira nibyemewe namategeko
Kanda hano umusubize

- 16/06/2017 saa 12:11

MBEGA INKURU ITEYE AGANDA ABAYOBOZI NKABO BAGE BAHANWA BIKOMEYE
Kanda hano umusubize

FIACRE - 17/05/2017 saa 14:57

Bibaj kwicw ahubw uwomuyoz,niyinc kuk birarenz muburund,turatuje hasigay urwanda .
Kanda hano umusubize

- 18/05/2017 saa 05:28

umuyoabozi yabikoze
Kanda hano umusubize

- 17/05/2017 saa 14:52

Abanyarwanda barushe, kwinc nkimbeb zakera. muburundi kuv nkurunziza atwara turashima.
Kanda hano umusubize

kiki - 17/05/2017 saa 10:47

ariko umuyobozi wankubita kugezamfuye ninde.keretse mbona afite imbunda naho ubundi nareba ukuntu namuruma namabyayenkayahinguraho
Kanda hano umusubize

- 17/05/2017 saa 08:22

birababaje.kwica.umuntu.
Kanda hano umusubize

nyirishema davide - 16/05/2017 saa 05:31

uwomugabo imana imwakiremubayo
Kanda hano umusubize

Kagabo - 16/05/2017 saa 04:57

Wibye telefone y'abandi , nkaba umuyobozi "nakwica"!!!
Kanda hano umusubize

musabyimana pascal - 15/05/2017 saa 17:32

birababaje kbs ,uwo muyobozi nahamwa n"icyaha ahanwe bihagije kwihanira ni icyaha
Kanda hano umusubize

Fataki - 15/05/2017 saa 10:36

Numuvuduko Mwiterambere. Turi Muri Vision. ariko nkanongeraho ko uwiba ahetse aba abwiriza uwo mumugongo. none niba aribyo babona uragirango bakore bate?harucyanga icyo adafite?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X