Monaco cosmetics

Kayumba Nyamwasa, Safari Stanley, Frank Ntwari n’abandi icyifuzo cyabo cyatewe utwatsi n’urukiko

Gen Kayumba Faustin , Alfred Kennedy Gihana, Frank Ntwali, Safari Stanley, Dr Etienne Mutabazi, Epimaque Ntamushobora na Bamporiki Abdallah bareze u Rwanda mu rukiko rw’uburenganzira bwa muntu basaba ko itegeko nshinga ridahindurwa kugira ngo Perezida Kagame atongera kwiyamamaza. Uru rukiko rukaba rwaraye rubashubije ko ibyo baregera byataye igihe

Kuri uyu wa gatanu tariki ya 24 Werurwe 2017 nibwo urukiko rwasomye Umwanzuro rutangaza ko ibyo baregera byabaye imfabusa kuko batinze itegeko rikemezwa bityo ibyifuzo byabo bigata igihe.

JPEG - 44.4 kb
Gen Kayumba Nyamwasa ikirego cye cyatewe ishoti

Uyu mwanzuro wasomwe ba nyiri ugutanga ibirego nta n’umwe uhari cyangwa se ngo leta y’u Rwanda yarezwe ibe ihari.

Iki kirego cyatanzwe ku itariki ya 22 Nyakanga 2015 kikaba cyaratanzwe na Faustin Kayumba Nyamwasa na bagenzi be batandatu , barega Leta y’u Rwanda aho basabaga ko urukiko nyafurika bw’Uburenganzira bwa muntu guhagarika umugambi wo guhindura Itegeko Nshinga ry’u Rwanda cyane cyane mu ngingo y’101.

Bagaragazaga ko batifuza ko Perezida Kagame yakongererwa kwiyamamariza indi manda.

Urukiko rwavuze ko rwakiriye ibirego kandi ko na Leta y’u Rwanda yarezwe yagize icyo ibivugaho. Urukiko rwatangaje ko u Rwanda rwasabye ko ibyo birego bitakwakirwa kuko ababitanze harimo abakurikiranyweho ibyaha bikomeye birimo ibya Jenoside yakorewe abatutsi, hakabamo abahamijwe ibyaha n’urukiko rwa gisirikare ndetse n’abandi bahamijwe ibyaha n’inkiko Gacaca.

JPEG - 18.6 kb
Senateri Safari Stanley nawe yari yareze

Nyuma abari batanze ibirego basabye urukiko ko urubanza rwaba rusubitswe kuko bamwe muri bo bari batarabona ibyangombwa bibajyana i Arusha muri Tanzania aho uru rukiko rukorera, nyuma itariki yo guhindura Itegeko Nshinga irinda igera nta kindi gihe basabye ko urubanza rwabera, ubu ibyo basaba bikaba bimaze igihe byararangiye kuko Itegeko Nshinga ryahinduwe mu kwezi k’Ukuboza 2015.

Lt Gen Kayumba Faustin Nyamasa yigeze kuba umugaba mukuru w’ingabo z’u Rwanda, nyuma aza guhagararira u Rwanda mu Buhinde ku mwanya wa ambasaderi, aho yavuye afata iy’ubuhungiro akerekeza muri Afurika y’Epfo.

Muri 2011, Lieutenant General Kayumba Nyamwasa yahamwe n’ibyaha byo kurema umutwe w’abagizi ba nabi, gukurura amacakubiri n’ivangura; ibyaha bivutsa igihugu na Leta umudendezo no gusebanya. Yahamwe kandi n’icyaha cyo gutoroka igisirikare. Yaburanishijwe adahari, akatirwa imyaka 24 y’igifungo. Afatanyije na bagenzi be barwanya Perezida Kagame n’ubutegetsi bwe, bashinze ishyaka RNC rirwanya byeruye ubutegetsi bw’u Rwanda n’ubwo nyuma ryacitsemo ibice.

Nkindi Alpha

Kanda hano udukurikire kuri Facebook na Twitter

Ibitekerezo

Michel - 27/03/2017 saa 11:53

cwe! mwese cwe!!!
Kanda hano umusubize

Safari - 27/03/2017 saa 10:05

Safari Stanley wasetsa koko. Ese ubundi wahunze iki ra?? ndibuka wita abandi amazina adafashije ubatwerera ibyo badakora none uguye ruhabo kandi ushaje. hama hamwe wumve! "Inyombya bayirashe amatama yombi iti amagambo ashiriye aha"!
Kanda hano umusubize

- 28/03/2017 saa 10:37

Kayumba waratinze vayosha twiteguye kugufasha twese abanyarwanda na banyarwandakazi.
Kanda hano umusubize

kimenyi - 26/03/2017 saa 17:36

Hano iwacu nta muntu numwe ufite ubwenge bwo kuyobora abanyarwanda uretse HE MAJOR GENERAL PAUL KAGAME abandi bose wapi kdi nabo barabizi.KAYUMBA aramutse ayoboye Abega n'abahutu bahita basibangana burundu
Kanda hano umusubize

Jean - 25/03/2017 saa 23:21

Nonese ko ataco muvuze kurubanza rwa Victoire Ingabire kandi nagwo rwarunvirijwe ?
Kanda hano umusubize

byenda - 26/03/2017 saa 19:50

Victoire Ingabire niyigumire iwabo i Mageragere yasimbuye 1930.
Kanda hano umusubize

Rugangu - 25/03/2017 saa 14:35

Byenda gusetsa..ibirego biregwa kayumba bisa neza nibyaregwaga Lt Colonnel kanyarengwe kubutegetsi bwa Habyarimana.Tujye twibaza kandi twisubize.
Kanda hano umusubize

ngohano - 26/03/2017 saa 19:48

Nibigusetse wishime cyangwa ubabare, birangirire aho nta gaciro kandi bihawe.
Kanda hano umusubize

Nkusi - 26/03/2017 saa 23:10

Ni byenda gusetsa nyine, uri ikirigita ugaseka, ingoma ya Habyatimana itandukanye cyane niya HE Paul muribyose, itandukaniro ryambere "ubwenge" wabonye uko yakiriwe china, wumvise ikiganiro yatanze bwambere umunyafrica avugiye hariya! Murishuka ntabwo bizagenda nkibya Habyara
Kanda hano umusubize

Gakire - 27/03/2017 saa 16:37

Noneseko tutari abayahudi twarukujya muririya nama dushakayo iki? Abanyarwanda baratakinzara nawe ukarata unama zabayahudi?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X