Monaco cosmetics
Ahabanza  >>  Amakuru yose >> Iyobokamana >> 

Kuki havuka impaka iyo abantu batangiye gushaka kumenya umwirondoro wa Yesu?Soma usobanukirwe

Twanakwibaza mu bundi buryo tuti "Mbese Imana ibaho ?" Abantu bake cyane nibo bajya bibaza niba Yesu Kristo yarabayeho. Muri rusange usanga abantu bemera ko rwose Yesu Kristo yabayeho muri Isiraheli hakaba hashize imyaka 2000. Impaka zivuka iyo batangiye gushaka kumenya umwirondoro we wuzuye.

Hafi buri torero ryose rikomeye usanga ryigisha ko Yesu yari umuhanuzi cyangwa umwigisha mwiza cyangwa umuntu witangiye Imana. Ikibazo rero ni uko Bibiliya itubwira ko Yesu yari arenze kure kuba umuhanuzi, akarenga kuba umwigisha mwiza akanarenga kuba n’umuntu witangiye Imana.

C.S Lewis mu gitabo cye Mere Christianity yandika ibi bikurikira : "Aha ndimo ndagerageza kubuza uwo ari we wese ibinyabasazi abantu bakunze kuvuga kuri Yesu Kristo : ’Niteguye kwemera Yesu nk’umwigisha ku byerekeye imyitwarire y’abantu, ariko sinemera ibyo yavuze ko ari Imana. Icyo ni ikintu tutagomba kuvuga.

Umugabo wari umuntu usanzwe kandi akavuga bimwe mu byo Yesu yavuze ntabwo yaba ari umwigisha w’umuhanga mu bijyanye n’imyitwarire. Yaba ari umuntu utagira ubwenge -ku rugero rw’umuntu wakwiyita igi ritogosheje-cyangwa se akaba yagereranywa na shetani yo mu muriro.

Ugomba guhitamo. Niba se uyu muntu yari, na n’ubu akaba akiri Umwana w’Imana, bitaba ibyo akaba umusazi cyangwa ikindi kirenze umusazi. Wamucecekesha umwita umusazi, ushobora kumucira amacandwe cyangwa ukamwica nk’umudayimoni ; cyangwa se ukamupfukamira ukamwita Nyagasani Imana. Ariko reka tureke kumupfobya yari koko umwigisha w’umuhanga. Ntiyigeze Abitwemerera. Nta n’ibyo agamije kutwemerera."

None se, Yesu yavugaga ko ari nde ? Bibiliya itubwira ko ari nde ? Reka mbere na mbere turebe amagambo Yesu yavuze muri Yohana 10:30, "Jye na Data turi umwe."

Ubisomye rimwe ntiwahita ubyumva asa nk’aho atavuze ko ari Imana. Nyamara urebe uko Abayuda babyakiriye, "Ku bw’imirimo myiza ntitugutera amabuye, ahubwo tuguhora kwigereranya, kuko uri umuntu ukigira Imana’" (Yohana 10:33).

Abayuda bumvise ko amagambo Yesu avuze yiyise Imana. Mu bice bikurikiyeho, Yesu ntiyakosoye ngo yisobanure ati, "Sinigeze mvuga ko ndi Imana." Ibyo birerekana ku mugaragaro ko Yesu yavuze ko ari Imana igihe yagiraga ati "Jye na Data turi umwe" (Yohana 10:30). Yohana 8:58 aduha urundi rugero aho Yesu asubiza ati : ’"Ni ukuri, ni ukuri, ndababwira yuko Abrahamu ataravuka, ndiho.’"

None aho kumusubiza Abayuda batora amabuye ngo bamutere (Yohana 8:59). Amagambo ya Yesu yivuga ubwe ati "Ndi" twayasanisha ku buryo bwa hafi n’ayo mu Isezerano rya Kera aho baba bavuga izina ry’Imana (Kuva 3:14). Kuki Abayuda bari gushaka kongera kumutera amabuye niba nta kintu yari avuze bafata nk’igitutsi, tubivuze uko biteye, gutangaza ko ari Imana ?

Yohana 1:1 agira ati "Jambo yari Imana." Yohana 1:14 arongera ati "Jambo uwo yabaye umuntu abana natwe" Ibi biratwereka ku buryo bugaragara ko Yesu ari Imana yigize umuntu. Toma intumwa ya Yesu yaravuze ati, "Mwami wanjye, kandi Mana Yanjye" (Yohana 20:28). Yesu ntamukosora. Pawulo intumwa abwira Yesu ati, "...We Mana yacu y’Igihangange akaba n’Umukiza wacu." Petero intumwa na we yavuze ibisa na byo, "...Yesu Kristo, ari we Mana yacu n’Umukiza wacu " (2 Petero 1:1). Imana Data na yo ni yo muhamya w’inkomoko ya Yesu yuzuye,"Naho umwana wayo iramubwira iti, ’Mana, intebe yawe y’ubwami ihoraho iteka umuryango wawe uwuyoborana ubutabera.

Mu Isezerano rya kera bahanura ko Yesu ari Imana, "Nuko umwana yatuvukiye, duhawe umwana w’umuhungu, ubutware buzaba ku bitugu bye. Azitwa igitangaza, Umujyanama, Imana ikomeye, Data wa twese Uhoraho, Umwami w’amahoro" (Yesaya 9:5).

None rero, nk’uko C.S Lewis abihamya, kwemera Yesu ko ari umwigisha mwiza ntabwo ari ibyo guhitamo. Yesu ku buryo bugaragara kandi ntawabihakana yavuze ko ari Imana. Niba atari Imana, ubwo rero yaba ari umushukanyi, na mbere hose ntabe umuhanuzi, ntabe umwigisha mwiza, ntabe n’umuntu wihebeye Imana. Mu kugerageza gusobanura amagambo ya Yesu, "abahanga" bo mu bihe tugezemo bavuga "amateka y’ukuri ya Yesu" Ntacyo bavuga ku byo Bibiliya imuvugaho.

Twumva se turi bande byatuma dutinyuka kujya impaka n’Imana ku byerekeye ibyo Yesu yavuze n’ibyo atavuze ? Ni gute uwo "muhanga "hagati ye na Yesu hakaba hari imyaka ibihumbi bibiri yamenya neza ibyo Yesu yavuze n’ibyo atavuze kurusha ababanye na we, bamuyobotse kandi Yesu ubwe yiyigishirije” (Yohana 14:26) ?

Ni kuki ikibazo cy’inkomoko nyakuri ya Yesu ari ingenzi ? Kuki ari ngombwa kumenya niba Yesu yari Imana cyangwa niba atari yo. Impamvu y’ingenzi iruta izindi yemeza ko Yesu ari Imana nuko iyo ataba Imana urupfu rwe ntirwari kuba ruhagije rwonyine ngo rube ikiguzi cy’ibyaha by’isi nzima (1 Yohana 2:2). Imana yonyine niyo ifite ubushobozi bwo kwishyura kiriya cyaha gihoraho (Abaroma 5:8 ; 2 Abakorinto 5:21).

Yesu iyo ataza kuba Imana ntiyari kutwishyurira umwenda. Yesu yagombaga kuba umuntu kugira ngo abashe gupfa. Agakiza kaboneka gusa mu kwemera Yesu Kristo. Yesu kuba Imana ni byo bituma ari we nzira yonyine itugeza ku gakiza. Yesu kuba ari Imana ni yo mpamvu atubwira ati, "Ni jye Nzira n’Ukuri n’Ubugingo : nta wujya kwa Data ntamujyanyeyo” (Yohana 14:6).

Ndacyayisenga Fred

Kanda hano udukurikire kuri Facebook na Twitter

Ibitekerezo

Ndashaka gurushaho kubaka ubwoko bw'Imana, mbakomeza kugirango mudateraganwa n'imiraba y'aba bigisha b'ibinyoma bahanuwe ko bazaza BAPFOBYA YESU KRISTO, ( 2Pet.2:1 / Yuda.1:4 ) none bakaba bamaze kuba benshi cyane. Ndabahugura nka benedata mbamenyesha ko Yesu ATIRARIRAGA, atashakaga KWIGIRA IGIHANGANGE, ubwo ubwe yavugaga ko NTAWE UZI UMWIRONDORO WE keretse Data, ko nta uzi isano afitanye na SE, uretse ABIHISHURIWE NA YESU wenyine. (Luka.10:22) Bityo rero aba bigisha bahakana ku mugaragaro ko Umwirondoro wa Yesu UHISHWE, kandi ubwe yarabyivugiye mu magambo yumvikana neza, NI IGIHAMYA SIMUSIGA KO BATAZI YESU UWO ARI WE BY'UKURI, kuko Yesu atabahishuriye umwirondoro we. Ese yawubahishurira gute BATANEMERA KO UHISHWE?! Bityo rero umwirondoro wa Yesu basobanura SI WO, kuko atari Yesu wawubahishuriye nk'uko n'abo babyemeza. Bagerageje kugerekeranya imirongo ya Bibiliya, bakeka ko bamenya Yesu bamumenyeshejwe N'INYUGUTI GUSA, ariko NTIBISHOBOKA. Yesu ubwe atagufashije, ngo aguhishurire UBUSOBANURO NYABWO BW'IZO NYUGUTI , uzumva nabi ukayoba, ugatangira GUPFOBYA YESU, bityo ukaba ugiye mu bigisha b'ibinyoma bahanuwe muri 2Pet.2:1 na Yuda.1:4 Impamvu umwirondoro wa Yesu ugoye cyane gusobanura n'uko Ibyanditswe bivugaho Yesu IBINTU 3, kandi byose tukaba tugomba kubyemera: UTEMERA KIMWE MURI BYO ABA ATEYE ISHOTI IJAMBO RY'IMANA, bityo akaba agiye MU BIGISHA B'IBINYOMA. Ibyanditswe byera bivuga ko Yesu: .1. Ari UMWANA W'UMUNTU: (Mat.16:13) .2.Ari UMWANA W'IMANA. ( Mat.16:16) .3. Ari IMANA. ( Yesaya.9:5 / Mat.1:23 / Yoh.1:1 / Yoh.14:7-9 / Yoh.20:28-29 / Abaroma.9:5 / Abaheb.1:8 / Abaheb.1:10-12 / Abaheb.3:3-4 / Ibyahishuwe.22:13-16,20 ...) Iyo ufashe Yesu nk'Umwana w'umuntu GUSA, ibye biba byoroshye cyane kubisobanura. Nta bwiru buba burimo. Iyo ufashe Yesu nk'Umwana w'Imana GUSA, ibye nanone biba byoroshye cyane gusobanura. Iyo ufashe Yesu nk'Imana, ibya Yesu niho noneho bigorera gusobanura bikaba ubwiru buhishwe, BUHISHURWA NA YESU wenyine. Mu Abaheb.5:11, Pawulo avuga kuri Yesu yagize ati : « Tumufiteho byinshi byo kuvuga kandi BIRUHIJE GUSOBANURWA...» Nibyo, ibya Yesu BIRUHIJE rwose Gusobanurwa, kuko bitoroshye gusobanura ukuntu Yesu ari Umwana W'umuntu, akaba n'Umwana w'Imana akaba n'Imana! NTA MUHANGA n'umwe wo kw'isi washobora gusobanura ibi bintu, ariko ABO YESU YABIHISHURIYE BARABIZI RWOSE. Dore icyo Yesu yabivuzeho : Luka.10:21-22:(Bibiliya y'Abahamya) « Muri ako kanya agira ibyishimo bisaze biturutse k'umwuka wera, maze aravuga ati: ndagusingiriza mu ruhame data Mwami w'ijuru n'Isi kuko ibi bintu WABIHISHE ABANYABWENGE n'abahanga ubyitondeye UKABIHISHURIRA abana bato... Kandi NTA WUZI Uwo Umwana ari we keretse Data wenyine, nta n'uzi uwo Data ari we keretse Umwana wenyine n'uwo Umwana ashatse KUMUHISHURIRA.» Niba utanabisobanukiwe nyamuneka NTUKABIPINGE. Ahubwo vuga uti Amen. Yesu ni Umwana w'Umuntu: AMEN. Yesu ni Umwana w'Imana : AMEN. Yesu ni Imana : AMEN. Niba Ibyanditswe bivuga ko Yesu ari Imana mu mirongo myinshi cyane naberetse, ukanga kubyemera ngo n'uko utabisobanukiwe, UKANABIRWANYA n'imbaraga zawe zose: URATERA IMIGERI KU MIHUNDA, KU NCINGE, KU MPINDU. Yesu uwo urwanya, uhakana, UPFOBYA, uzabona uwo ari we utagishoboye kwihana.
Kanda hano umusubize

Ndagira inama umuntu wese udashaka kuzarimbuka, ko yakwirinda iyi nyigisho IPFOBYA YESU. Imana kuko izi byose, ( mu itangiriro IBONA IHEREZO: Yesaya.46:10) Yabonye UBUYOBE bwose bwari kuzaza MU ITORERO ryayo, maze itanga UBUHANUZI buburira ubwoko bwayo, kugira ngo buzirinde ABO BIGISHA B'IBINYOMA. Ese hari ubuhanuzi bwatanzwe buvuga ko hari Abigisha bari kuyoba Bagaha YESU Icyubahiro KIRENZE? Ntabwo rwose. Ese hari UBUHANUZI Imana yatanze buvuga ko hari kuza Abigisha BAPFOBYA YESU, BAMUHA AGACIRO GAKE, BAMUHAKANA? YEGO RWOSE abo bigisha bapfobya Yesu, barahanuwe KO BARI KUZAZA. Dusome: 2Petero.2:1: « Ariko nk'uko hariho Abahanuzi b'ibinyoma badutse mu bwoko bw'abisiraheli, ni ko no muri mwe HAZABAHO ABIGISHA B'IBINYOMA, bazazana rwihereranwa inyigisho zirema ibice,... Ndetse BAZIHAKANA NA SHEBUJA WABACUNGUYE bizanire kurimbuka gutebutse.» Yuda.1:4: «...ni abantu batubaha Imana, bahindura ubuntu bw'Imana yacu isoni nke BAKIHAKANA YESU KRISTO, ari we wenyine Databuja n'Umwami wacu.» >> KWIHAKANA muri Bibiliya z'icyongereza handitse TO DENY. Ubusobanuro nyakuri bwa TO DENY ni GUPFOBYA,bisobanura GUHA IKINTU AGACIRO GAKE CYANE. ESE ABO BIGISHA BAPFOBYA YESU BARAJE NK'UKO BYARI BYARAHANUWE? cga Ubuhanuzi bw'Imana bwabaye Ikinyoma? >> Imana ntiyatubeshye abo bigisha b'ibinyoma BAPFOBYA YESU BARAJE RWOSE, ngaba turababona ku Imirasire.com. Uwo bazayobya nawe akayoboka inyigisho ZIPFOBYA YESU ntazarenganye Imana, kuko yatanze UBUHANUZI BWUMVIKANA NEZA, butuburira ngo tuzirinde Abo BIGISHA B'IBINYOMA bari kuzaza BAHAKANA (BAPFOBYA) Yesu Kristo , bifashishije Ibyanditswe. ESE NIBA BURIYA BUHANUZI ABO BUVUGA ATARI ABA TUBONA HANO KU IMIRASIRE.COM, NONE ABO BUVUGA NI BANDE?
Kanda hano umusubize

Gd - 29/03/2017 saa 14:33

abantu mwanze ukuri muzakomeza kurindagirira mumwijima niba bibiriya imwita Imana ntakindi gikwiye kongerwaho akanwa kose gakwiye kuzibwa kd uwongeraho cg akagabanyaho bibiriya ubwayo yavuze ko ntamugabane ateze kubugingo buhoraho.kd abantu bikigihe nabo ntaho bataniye nabayuda bakera bamubambye bavugango yiyita Imana kd ari umuntu. namwe muvuga ibi ngo si Imana abaye ari mwisi akabisubiramo nkuko yagiye abyivugaho kenshi nkuko uwatanze isomo yabigaragaje mumirongo myinshi yabibiriya namwe mwamutera amabuye cg mukamubamba nkuko abakera babignje
Kanda hano umusubize

UBUNTU - 11/09/2017 saa 07:20

wow !!!ibyo ni ukuri rwose bamwihakana
Kanda hano umusubize

REKA MBAZE MWESE ABASOMA IZI COMMENTS: Dusome: Luka.10:22: Muri Bibiliya Ntagatifu : «...kandi NTAWE UZI MWANA UWO ARI WE, keretse Data, nta n'uzi Data uwo ari we keretse Mwana, n'Uwo Mwana ashatse KUMUHISHURIRA.» Muri Bibiliya y'Abahamya: «...kandi NTA WUZI UWO UMWANA ARI WE, keretse Data, Kandi nta wuzi Data uwo ari we, keretse Umwana, N’Uwo Umwana ashatse KUMUHISHURIRA.» >> Ese ibi byanditswe byerekana KO UMWIRONDORO W'UMWANA UHISHWE ? Ese ibi byanditswe byerekana ko ISANO IRI HAGATI y'Umwana w'Imana na Data IHISHWE ? Ese ko Yesu ubwe yivugira ko NTAWAMENYA UMWANA UWO ARI WE, URETSE ABIHISHURIWE N'UMWANA, ubwo koko ntiyerekanaga y'uko UMWIRONDORO WE URIMO IBANGA RIKOMEYE ? Ese ubundi GUHISHURWA bisobanuye iki ? Ese IGIHISHURWA S'uko KIBA GIHISHWE ? Ese WAHISHURA IKINTU KIDAHISHWE ? Ese ku batemera ko Umwirondoro w'Umwana UHISHWE, buriya Yesu avuga ariya magambo yo muri Luka.10:22 YASHAKAGA KUVUGA IKI ? Ese koko niba Umwirondoro w'Umwana UHISHWE, nk'uko twabisomye, ubwo abakurikira IYI MYUMVIRE Y'ABASILAMU, N'ABAHAMYA ntibayoba ? Ese Abasilamu n'Abahamya nibo Yesu YAHISHURIYE UMWIRONDORO WE ? ( Ku bashaka kumenya neza UWO UMWANA ARI WE BY'UKURI, mfite inyigisho ndende Isobanura neza UMWIRONDORO NYAKURI WA YESU. Iyo nyigisho isubiza biriya bibazo byose Abasilamu n'Abahamya babaza Ndetse n'ibisobanuro nyakuri by'iriya mirongo batanga : Yoh.14:28 / Abakolos.1:14-15 , .... Uyishaka nayimwoherereza kuri WhatsApp. Nimero yanjye ni 0727222925 )
Kanda hano umusubize

mahoro - 29/03/2017 saa 11:06

Ndabashimiye mwese abatanze ibisobanuro kuri iyi nkuru,nshimira numunyamakuru wayiteguye.mubyukuri nemera imana .nishimiye cyane ubusobanuro butandukanye hifashishijwe imirongo ya bible,ubusanzwe ntabwo nsobanukiwe bible,ariko nku rikije ibyo mwanditse menye neza yuko hari imana fether hakaba na yesu umwana wayo kandi ntibareshya. Nkunda impaka zigamije gusibanura bible kuko nibura zituma haricyo nkuramo.imana ibahe umugisha,murakoze
Kanda hano umusubize

UBUNTU - 11/09/2017 saa 07:22

Kristo na Data wa twese nta wuruta undi bose barangana kandi baranareshya kuko kristo ubwe yivugiye ko we na Data ari umwe rero ntabwo baba umwe batareshya
Kanda hano umusubize

Jimmy - 29/03/2017 saa 00:33

slt a tous les monde. haricyo nashobora gushyikiriza gatoyi" nkubitiyeho nimpanuro. Ni mureke twemer ibyo bible itubwira hama tubiķre nkuko ibidusaba naho ibindi mubirekeraho. bible ubimeñye neza n'Ijambo, kdi ijambo ry'Imana muri Yohani6:44. cg 6:40. ibyo bindi musubize Amaso inyuma
Kanda hano umusubize

GAGA - 29/03/2017 saa 17:40

ARIKO KUKI MUVUGA KO BIBLE ARI IJAMBO RYIMANA MUKABISHIMANGIRA MUKORESHEJE UMURONGO URI MURI BIBLE UBWAYO NONESE NKUBAZE URUMVA BIBLE YANDIKWA HARIHAGAMIJWE KWUMVISHA ISI KO ARI IJAMBO RYIMANA HANYUMA IGAHAKANA KO ATARIRYO NKENEYE UWANYEMEZA KO ARIJAMBO RYIMANA AKORESHEJE NIBURA IBINDI BITABO BITANDUKANYE NAYO
Kanda hano umusubize

Jms Batwenga - 28/03/2017 saa 22:06

Muzovuga,Mwandike Ariko Yesu Ntabwo Ari Imana; Akarorero Harumwigishwa Wa Yesu yamubwiye Ati: Mwigisha Mwiza Nkoriki Ngoze Ndagwe Ubwami Budahe, Yesu Yamwishuye Ngo : Unyitiriki Mwiza ; Ntamwiza Abaho Atari Imana
Kanda hano umusubize

ibyo uvuze ndabyemeye yesu ntabwo angana na YEHOVA.
Kanda hano umusubize

Wilson - 28/03/2017 saa 14:43

Yesu n IMANA kuko kuva nambere yariho bisome muri jean 1:1 knd muvyaremwe vyose ntakintu nakimw kitaremwe nawe
Kanda hano umusubize

SEBAGANJI Emmanuel - 28/03/2017 saa 18:02

Yego nibyo YESU yitwa imana.Ariko ntabwo areshya na se (his father).YESU yivugiye ko Imana imuruta (Yohana 14:28).Ubu se ko MUSA yitwa imana muli KUVA 7:1,tujye tumusenga?Bakubwiye ko hari igihe Bible ikoresha ijambo imana ishaka kuvuga umuntu ukora ibitangaza bikomeye. Nibyo koko YESU yaremye ibintu byose abitegetswe na SE,his father.Bisome muli Abaheburayo 1:1-3.Ariko na YESU ni ikiremwa cya mbere cy'imana (the first born of all creatures) nkuko tubisoma muli Abakolosayi 1:15.SE wa YESU witwa YEHOVA,niwe wenyine utararemwe. Kuki musoma Bible igice kimwe gusa?Mujye musoma n'indi mirongo,noneho muyihuze.
Kanda hano umusubize

BOSCO - 29/03/2017 saa 20:02

MUVYEMERA MWAREKA AZOGUMARIMANA NTACOMUZOHINDURA
Kanda hano umusubize

said - 30/03/2017 saa 09:51

Bavandimwe iyo ushakakumenya ukuri urakumenya,ntangazwa nuko bakemubantu batunvaneza amagambo yesuyavuze Akura urujijohagatiye n'Imana,ahoyabisobanuye,muri yohana 17:3,ati ubunibwobugingobuhoraho kobakumenyakwariwowemanayukuriyonyine, bakamenyan'uwowatumye ariweyesukiristu.none ariwowenayesu twemerende?
Kanda hano umusubize

KURI BWANA NKOMATI GEORGE. Wasobanuye bihagije rwose. Ariko reka nkubaze ibibazo 2 gusa. Kandi ntunsubize NK'ABANYAPOLITIKI (nibo, aho gusubiza, bakwepa ibibazo). Ahubwo Unsubize udatandukiriye, ngo ukwepe ikibazo. * Dusome Luka.10:22: (Bibiliya y'Abahamya) «...kandi NTA WUZI UWO UMWANA ARI WE, keretse Data, Kandi nta wuzi Data uwo ari we, keretse Umwana, N'Uwo Umwana ashatse KUMUHISHURIRA.» IKIBAZO-1-: .Mbese UMWIRONDORO w'Umwana URAHISHWE, yego cg oya ? Mbese ISANO iri hagati y'Umwana na Data IRAHISHWE ? * Dusome: Abaheburayo.9:22: «...kandi amaraso atavuye, ntihabaho kubabarirwa ibyaha» Abaheburayo.9:16-17: «Iyo isezerano ryo kuraga ribonetse, hakwiriye kuboneka ibihamya ko UWARISEZERANIJE YAPFUYE. Isezerano ryo kuraga RISOHOZWA N'URUPFU RWA NYIRARYO RWONYINE, Kuko ritagira icyo rimara rwose, uwarisezeranije akiriho» IKIBAZO-2-: .Dukurikije ibi byanditswe tumaze gusoma, NI URUPFU RWANDE RWARI GUTANGIZA ISEZERANO ryo gucungurwa kwacu ? Ntegereje ibisubizo nihanganye.
Kanda hano umusubize

NKOMATO Georges - 28/03/2017 saa 18:22

Umwigishwa wa Yesu Kristo urambaza ibyo nawe uzi.IGISUBIZO CYA MBERE:Ntabwo ririya somo rivuga ko imana yitwa YEHOVA yaduhishe UMWIRONDORA w'umwana we,YESU.Nubwo ubyirengagiza nkana,uzi neza ko IMANA yaduhaye Bible kugirango tumenye ibintu byinshi tutari kumenya.Urugero,tuzi ko YESU ari "Ikiremwa cya mbere cy'imana" (the firts born of all creatures) nkuko tubisoma muli Colosians 1:15.Iyo imana itabitubwira,ntabwo twari kumenya ko YESU yaremwe.Nubwo aho musengera banga kubyemera.Uribuka ko ABAGATOLIKA baririmba ngo YESU yarabyawe ntiyaremwe!!! IGISUBIZO CYA KABIRI: Ni urupfu rwa YESU nkuko Bible ivuga.Yewe mucuti wanjye we,kuki buri gihe ushaka Philosophy gusa?Bible ivuga ko abantu baheranwa na philosophy,bakirengagiza UKURI nkana,itabemera.Ese hari icyo nakubwiye kitanditse muli Bible?
Kanda hano umusubize

ESE LUKA10:22 NI FILOZOFIYA ? ESE ABAHEB.9:16-17 NI FILOZOFIYA ? Ibyo utemera mu ijambo ry'Imana UBYITA FILOZOFIYA ? Njye sinyoborwa na filozofiya, nyoborwa gusa n'ibyanditswe byera, BIDASOBANUWE N'UBWENGE BW'ABANTU, AHUBWO BISOBANUWE N'UMWUKA WERA uwo naherewe ubuntu, nywuheshejwe no kwizera Yesu Kristo.
Kanda hano umusubize

GAGA - 28/03/2017 saa 11:59

NKUNDA IBITEKEREZO BIVUGA KUMANA CYANE NO KURI BIBILIYA REKA NKOMEZE NIBARIZE ESE KO MURI BIBILIYA HAROMO AHANDITSE NGO MANA YA ISAKA NA YAKOBO BISOBANUYE IKI? ESE KO HARI AHANDITSE NGO MANA YA ISRAHELI BYO BISOBANUYE IYIHE MANA? KUKI IBITABO BIMWE BYO MURI BIBILIYA BYEGEKA IMANA KUBANTU BAMWE CG KUBIHUGU BIMWE MANA YA ISAKA NA YAKOBO MANA YA ISRAEL!!! UBWO ABABANTU CG IBIBITABO BYO MURI BIBILIYA IMANA BYAVUGAGA NIMANA ISUMBA BYOSE CG NIMANAYABARIYA BANTU BWITE
Kanda hano umusubize

NKOMATO Georges - 28/03/2017 saa 18:45

Urakoze cyane GAGA we.Imana yabanje kwiyereka ABAYISIRAYERI,mbere yuko itwiyereka binyuze kuli YESU.Ni kimwe mu byamuzanye ku isi.Iyo ataza ntabwo twari kumenya imana.Imana yiretse ABAKURAMBERE ba ISRAEL aribo ABRAHAMU n'abahungu be ISAKA na YAKOBO (umwuzukuru wa Abrahamu).Menya ko ABAYAHUDI bose bakomoka kuri ABRAHAMU.Imana y'ABAYAHUDI yitwa YEHOVA.Ntabwo yitwa UWITEKA cyangwa NYAGASANI nkuko amadini menshi yigisha.Amazina dusanga muli Bible,urugero YESU,YOHANA,YOZEFU,MATAYO,etc...hafi ya yose ni amazina y'IGIHEBURAYO,ikirimi cy'abayahudi.Ndetse ntabwo YEHOVA bisobanura UWITEKA.Bisobanura ngo "Imana ikora icyo ishatse cyose,ituma bibaho".UWITEKA ni Title yerekana ko imana yahozeho,nta muntu wayiremye.Ntabwo ari izina bwite (proper name).Ariko YEHOVA ni izina bwite.
Kanda hano umusubize

GAGA - 28/03/2017 saa 11:44

HARI IBINTU BINYOBERA KANDI BIKAMBABAZA KUBONA ABANTU IMANA YAHAYE UBWENGE BEMERA IBINTU BATABANJE GUTEKEREZA!!!!!!! MUNYUMVE NEZA NEMERA IMANA KANDI NDAYUBAHA MBERE YUKO NTANGA IGITEKEREZO CYANGE. REKA NIBARIZE, USIBYE ABANDITSI BANDITSE AMAGAMBO ARI MURI BIBILIYA HARI UNDI WATUBWIRA CG AKATWEMEZA UBURYO YESU ARI IMANA? ESE KO IBYO MURI BIBILIYA BYANDITSWE NABANTU MUSHINGIRA KUKI MUBYEMEZA KO ARI UKURI? ESE KO BIBILIYA IGIZWE NIBITABO BITANDUKANYE KANDI BYINSHI SI IKIMENYETSO KEREKANA KO ATARI IJAMBO RYIMANA AHUBWO ARI IKUSANYIRIZO CG IKUSANYA RYAKOZKUBITABO BYANDITSE NABAHANGA BENSHI BAGERAGEJE KUVUGA CG KWANDIKA KUMANA ESE NIBA YESU YARAJE MWISHUSHO YIMANA CG YARAJE NKIMANA KUKI NTAGITABO WE UBWE YANDITSE NKUMUNTU WIGITANGAZA WARI UJE KWISI IKINDI MBAZA KO MUVUGA NGO YESU YAPFIRIYE IBYAHA BYACU MBEGA YADUCUNGUYE KUKI TURIMO KUBONA IBYAHA BYINSHI NDETSE NDENGA KAMERE, IMPFU NYINSHI, GUSONZA INTAMBARA ,UBUSUMBANE, INZANGANO NIBINDI NTARONDOYE UBWO URUPFU RWE RWABA RWARAMARIYE IKI ABANTU NI ISI IKINDI MBAZA KO MUVUGA NGO YESU NI IMANA CG UMWANA WIMANA NKUKO BAMWE BABIVUGA UBWO MOHAMADI ISLAM YEMERA KANDI WEMERWA NUMUBARE MUNINI KWISI WA BA ISLAM WE YABA AHURIYEHE NIMANA UBWO NAWE NIMANA NONEHO IKINDI MBAZA KO TUZI KANDI TWEMERA KO IMANA ARIMWE RUKUMBI ABANTU MUVUGA KO YESU ARI IMANA MUBIKURAHE CG UBWO BUTATU BUTAGATIFU BUVAHE? AHA NDASHINGIRA KO IMANA IJYA KUREMA NTAHANTU YAVUZE NGO REKA TUREME IKINDI NIBARIZA KO HASHIZE IMYAKA MYINSHI CYANE ISI IBAYEHO CG DUTEGEREJE UWO YESU KO AZAZA KANDI TUKABA TUZI KO IMANA IDASUMBANYA URUKUNDO IKUNDA ABANA BAYO ABANTU BATEGEREJE YESU BUMVA KO UMUNTU WAVUTSE BWAMBERE MUMYAKA IBIHUMBI WAPFUYE UTEGEREJE KUZUKA YAZAZUKIRA RIMWE NINTUNGANE YAPFUYE EJO. ICYO NSHAKA KUVUGA NUKO TWEBWE ABANTU BANONE TWITEGE KUZUKIRA RIMWE NABANTU BAKERA CYANE? HABA HARIMO KWIKUNDA CYANE TUBYIFUZA GUTYO IKINDI MBAZA CYANYUMA GITUMA NIBAZA BYINSHI KO IMANA YAREMYE ISI NIJURU NIBIYIRIMO BYOSE IYI MIBUMBE TWUMVA YINDI YO YAREMWE NANDE CG IREMWA NANDE KUKO HARI IVUMBURWA NYUMA, CG KO IMANA ITAKORA IKIBI KUMUNTU KUKI YEMERA GUTSINDWA TUKABONA IBIBI BITUBAHO. MUMBABARIRE NTAGO NSOBANUKIWE IBINTU BYIMANA ARIKO UWAGIRA ICYO AVUGA KUGITEKEREZO CG KUBIBAZO BYANGE BYABA BYIZA AKORESHEJE UKO ABYUMVA PANA KUMBWIRA IBYANDITSWE NABANTU MURI BIBILIYA KUKO SINYEMERA NKIJAMBO RYIMANA
Kanda hano umusubize

JP - 28/03/2017 saa 13:20

Nonese Gaga, wemera iki nk'Ijambo ry'Imana? Ese ubundi Imana yo urayemera? Ubwirwa n'iki se ko ibyo wibwira cyangwa ko uko ubitekereza ari ko kuri; cyane cyane ko kwibeshya ari ibintu byagera kuri buri wese?
Kanda hano umusubize

GAGA - 28/03/2017 saa 16:12

NTANAKIMWE NEMERA NKARYO KEREKA IRINYIBWIRIYE, IMANA YO NDAYEMERA CYANE ARIKO SINYIZI KANDI NKEMERA KO NTANUMUNTU UYIZI IBYO NIBWIRA BYO SINEMEZA KO ARI UKURI CG ATARI UKURI KANDI KWEMERA IBIVUYE MUKANWA KUNDI MUNTU NKANGE BYANGORA NABYO KUBYEMERA(IBYEREKEYE IMANA) NEMERA KO UKURI KUMANA NTAWE UKUZI NTANUTEZE KUKUMENYA NDETSE NTANUWIGEZE KUKUMENYA
Kanda hano umusubize

NKOMATO Georges - 28/03/2017 saa 19:29

GAGA we,wabajije ibintu bigera ku icumi.Reka ngusubize muli make.Jye ndi Umuhamya wa Yehova.Nazengurutse amadini menshi nshakisha UKURI.Naje kwigana Bible n'abahamya,menya neza Bible.Reka mpere aho ushidikanya niba Bible yaranditswe n'imana.1.Reka nguhe urugero ruhagije rwerekana ko Bible ituruka ku Mana.Kugeza ejobundi,abahanga (scientists) bakekaga ko ISI ishashe (plate) kandi ko hari ikintu kiyifashe.Nyamara YESAYA na MUSA,banditse kera cyane science itari yaza,bavuga ko ISI imeze nk'umupira (spherical) kandi ko nta kintu kiyifashe.Nta wundi wabibabwiye uretse imana yacu YEHOVA.Ntabwo bari kubimenya kuko batize science kandi nta Telescope bagiraga.2.YESU nubwo yitwa imana,nkuko n'abandi bantu nka MUSA na PAWULO bitwa imana muli Bible,YESU ubwe yivugiye ko imana,his father,imuruta (Yohana 14:28).Bible ivuga ko YESU yaremwe.He is "the first born of all creatures" (Abakolosayi 1:15).Hali igihe Bible ikoresha ijambo imana ishaka kuvuga umuntu ukora ibitangaza bikomeye.3.Urabaza uti kuki YESU atanditse Bible.Menya ko YESU yavuze kandi agakora ibintu byinshi.Abantu babanye nawe,nibo bahamya kandi banditse ibyo yavuze.Ibyo birahagije.Ubu se ntiwemera president Habyarimana cyangwa Umwami RUDAHIGWA?Nyamara nta bitabo yanditse.4.Uti YESU yaducunguye gute?Yaradupfiriye kandi atwereka INZIRA tugomba kunyuramo kugirango dushimishe imana.Nibyo koko Billions/Miliyari nyinshi z'abantu bakora ibyo imana yanga.Abo banga kumvira imana,imana izabica ku Munsi w'Imperuka (Yeremiya 25:33),kugirango isi ihinduke Paradizo (2 Peter 3:13).Abapfuye bubaha imana,bazazuka ku Munsi w'imperuka (Yohana 6:40). 5.Uribaza kuli MUHAMADI wo muli ISLAM.Menya ko amadini menshi afite ABAHANUZI batavugwa muli Bible,kuko imana itabazi kandi itabemera.Nubwo utemera Bible,menya ko Bible yigisha ko "nta wundi muntu imana yaduhaye kugirango tuzabone agakiza (ubuzima bw'iteka).YESU yabyerekanye ubwo yazuraga abantu benshi,akagaburira abantu ibihumbi byinshi akoresheje utugati duke yatubuye,akagenda hejuru y'amazi,agahindura amazi VINO,etc...Ariko nujya kuri internet (Google),urasanga MUHAMADI yarakoze ibintu byinshi bibi,byerekana ko atatumwe n'imana.Yari umurwanyi (Warmonger) kandi agakunda abagore cyane.Mu gihe yapfaga,yari atunze abagore 9,udashyizemo abo baryamanaga bandi (concubines).Niba hari ikindi ukibaza,mbaza ndagusubiza.
Kanda hano umusubize

GAGA - 29/03/2017 saa 17:50

URAKOZE CYANE GEORGE KANDI NDAGUSHIMIYE KUBISUBIZO UMPAYE GUSA SINYUZWE NAGATO KUKO UKORESHEJE IMIRONGO YO MURI BIBILIYA KANDI SINYEMERA!!!!!!! NONESE KANKUBAZE AKABAZO KAMWE KONYINE KUKO MFITE UMWANYA MUTO CYANE WO KWANDIKA HANO MWEBWE ABEMERA MWUMVA IMPERUKA IZABA RYARI KO YAVUZWE KUVA KERA KUGEZA NUBU MUKIYITUBWIRA, ESE UVUGA IKI KUBANTU BAGARAGAZA KO BASHOBOYE GUKORA IBITANGAZA NKIMANA KANDI ARI ABA PASITORO BIYITA ABA PROFET, APOSTLE, NIBINDI, URAKOZE NZONGERA NKUBAZE CG MBABAZE NUNSUBIZA
Kanda hano umusubize

shaffi - 28/03/2017 saa 10:45

,ariko abantu barite ubwenge baratinyuka bakavuga NGO yesu n imana? Yohani 17'3 niho yesu yabwiyi abantu ati.,ubu nibwo bugingo buhiraho ko bakumenya ko ari wowe mana yonyine ,bakanamenya nuwo watumye ariwe yesu, none haba imana zigahe? Ikindi kibazo n igute abo bazungu batwigisha yesu ,atarigeze akadagirayo,na rimwe ko yesu yavukiye I Jerusalem muri Palestine y ikigihe,jye mbona Bible nyayo yarahindiwe, hagokorwa indi igamije kuyobya abantu.
Kanda hano umusubize

NKOMATO Georges - 28/03/2017 saa 19:42

Reka nawe ngusubize SHAFI we.Ni amadini y'ikinyoma yigisha ka hari imana data,imana mwana n'imana mwuka wera.Ngo imana ni UBUTATU.Ntabwo ari Bible ibyigisha.Nkuko nawe wabivuze,muli Yohana 17:3,YESU yavuze ko his father ariwe mana y'ukuri yonyine.Naho muli Yohana 14:28,YESU yigisha ko imana,his father imuruta.Nubwo hari aho Bible ivuga ko YESU yitwa imana,ni kimwe nuko muli KUVA 7:1 havuga ko MUSA yitwa imana.Hombi haba hashaka kuvuga "umuntu ukora ibitangaza bikomeye".Ariko yaba YESU cyangwa MUSA,ntabwo bareshya n'imana yacu,YEHOVA.YESU yarapfuye kandi nta mana ipfa.Ntabwo YESU yizuye,ahubwo ni YEHOVA wamuzuye (Ibyakozwe 2:32).Abigisha ko YESU angana na SE,nabo bazi ko babeshya,nubwo biyita abakozi b'imana.FReka ngukosore.Ntabwo YESU yavukiye i Yerusalemu ahubwo yavukiye i Bethlehem.Ntabwo Bible yahinduwe.Ushatse BIBLE ya kera cyane yo mu gihe cya YESU wayibona kandi ivuga kimwe n'iyo dufite. Ntabwo ari ABAZUNGU bigisha YESU.Jye nabanye nabo,abenshi ntibamwemera.Ni Bible itwigisha ibya YESU,nubwo aribo bayigejeje mu Rwanda.Yanditswe n'ABAYAHUDI.
Kanda hano umusubize

kkk - 28/03/2017 saa 07:27

hari ukubagikanya, ntabwo yesu ari Imana rwose. uriya mwanditsi yabivuze neza
Kanda hano umusubize

camille majambere - 28/03/2017 saa 11:47

arikowibukeko yavuze ati:uwuzonyihakana imbereyabantu nanjenzomwihakana imbere yadata ,mbega kohamaze kuvuka abantubenshi kwatawundi aravuka asanawe?
Kanda hano umusubize

jean pierre - 27/03/2017 saa 22:56

ni byo yesu kristo ni Imana ntakubishidikanyaho rwose.
Kanda hano umusubize

muby'ukuri dukurikije ibyo yesu yivugiye si Imana ahubwo ni umwana w'Imana.
Kanda hano umusubize

NKOMATO Georges - 28/03/2017 saa 19:50

Ndasubiza wowe Jean Pierre.Nubwo YESU yitwa imana,ubwe yigishaga ko imana,son pere/his father amuruta (Yohana 14:28).Dore abandi bitwa imana muli Bible.MUSA (Kuva 7:1),PAWULO (Ibyakozwe 28:6),SATANI (2 Abakorinto 4:3,4),etc...Ndetse natwe abantu twitwa imana (Zaburi 82:6).Hari igihe Bible ikoresha ijambo imana ishaka kuvuga ubushobozi bukomeye dufite.Mujye musoma n'andi masomo avuga ko YESU atareshya n'imana.Ntimugasome Yohana 1:1 gusa.Ariya masomo mbahaye,ntabwo muba muyazi.Mujye mubanza mwige neza Bible.
Kanda hano umusubize

Mwenedata NDACYAYISENGA FRED wanditse iki cyigisho, Imana iguhe umugisha wayo utagabanyije, kuko Kristo niwe tugomba kwamamaza. Nashimye ko mu cyigisho kigufi washoboye rwose gusobanura ibintu neza cyane. Ubutumwa butamamaza Kristo, ntabwo aba ari Ubutumwa bwa Gikristo. Kristo kandi ntitumwamamaza nk'Umwigisha mwiza gusa,ahubwo tumwamamaza NK'UKO YAHANUWE. Ese Yesu yahanuwe ko azaba ari nde? Yes.9:5: « N'uko umwana yatuvukiye duhawe umwana w'umuhungu, ubutware buzaba ku bitugu bye. Azitwa Igitangaza, umujyanama, IMANA IKOMEYE, DATA WA TWESE UHORAHO, Umwami w'amahoro. » Utemera ko Yesu ari IMANA IKOMEYE, DATA WA TWESE UHORAHO, kandi akavuga ko amwizera, aba abeshya. cga se yizera Yesu WUNDI utandukanye n'uwo Yesaya yahanuye.
Kanda hano umusubize

NKOMATO Georges - 28/03/2017 saa 20:05

Wowe witwa Umwigishwa wa Yesu Kristo.Aya masomo utanze,jya uyahuza n'andi menshi yerekana YESU uwo ariwe.Ntugashake amasomo wemera gusa,hanyuma ngo usige ayo utemera.Kuki utavuga ko YESU ubwe yivugiye ko imana imuruta (Yohana 14:28),kuki utavuze ko YESU ari umugaragu w'imana (Ibyakozwe 3:13),kuki utavuze ko YESU yigishaga ko SE/his father ariwe umubeshejeho (Yohana 6:57),kuki utavuze ko YESU atinya YEHOVA (Yesaya 11:1-3),kuki utavuze ko YESU yasengaga SE amwinginga (Abaheburayo 5:7),kuki utavuze ko YESU ari IMFURA MU BYAREMWE (Abakolosayi 1:15),kuki utavuze ko YESU yapfuye nyamara imana idashobora gupfa (Habakuk 1:12).kuki... kuki... kuki...,etc... Ntimukayobye abantu nimurangiza ngo mwiyita "abakozi b'imana".Ni gute wanyonga aya masomo 7 yose nguhaye?Mubikora mubishaka kandi Yehova azabibabaza ku Munsi w'Imperuka wegereje.
Kanda hano umusubize

Bgenge - 27/03/2017 saa 22:08

Iyi nyamdiko irimo ama contradictions menshi: niba hari abavuga ko Yesu ari Imana, none se, Imana iricwa? Ikabambwa ku musaraba? Ikajya ikuzimu ikahamara iminsi 3 ikazuka? Petero yarahamije ati: "Imana yazuye Yesu uwo, na twe twese turi abagabo bo guhamya ibyo." (Ibyakozwe 2:32). None se, Petero uwo uvuga ko Yesu ari Imana, kandi iyo Mana ikaba yari imaze kuzurwa nkuko uwo Petero akomeza abihamya (Ibyakozwe 2:36), iyo Mana iri mu ijuru yazuye iyo yindi yari imaze iminsi 3 ikuzimu, ibyo bintu byasobanuka bite? Muri iri somo kandi harimo amagambo Yesu avugamo "...Data...Data ..." None se niba Yesu ari Imana, Imana kandi irasubira ikagira na SE? Ikindi kandi, hariho ibindi byanditswe byinshi bitubwira ko hari ijwi ryagiye ryumvikana rivugira mu Ijuru riti: "uyu ni Umwana wanjye nkunda nkamwishimira, mumwumvire" (Matayo 3:17 na Matayo 17:5); None niba Yesu ari Imana, iryo jwi iryo, ryari irya nde? None se Imana ni ebyiri? Kenshi cyane, Yesu yarasengaga, akavuga ati: "...Data, ..." None se, niba Yesu ari Imana, uwo we yajyaga asenga buri munsi ni nde? Ni Imana ya 2? Yesu (Imana) yabaga ahamagara nde kandi mu masengesho ye ya buri munsi (Data)? Mu isyhamba rya Getsemani baza kumufata, Petero yararwanye ndetse aca ugutwi k'umusirikari. Mu magambo Yesu yamubwiye amwiyama cyane, harimo nk'aya ati: "...mbese wibwira ko ntashobora gusaba Data akanyoherereza Abamalayika..." (Matayo 26:53). None se, uwo washoboraga kohereza Abamalayika bo kurwanirira Yesu ni nde? None se niba Yesu ari Imana, Imana iri ku isi ikenera gute abayirwanirira kandi boherejwe n'indi Mana iri mu ijuru? Hanyuma mu Byahishuwe havugwamo ko Yesu yahagurutse, agatambuka agana aho Imana yari yicaye, agakura igitabo cyari gifatanishijwe ibimenyetso 7 by'ubushishi mu maboko y'Imana, agatangira kumena ibyo bimenyetso 7 (Ibyahishuwe 5:6-7). None se niba Yesu ari Imana, hakaba hari n'iyindi Mana yari ifite igitabo mu ntoki, bivuze ko mu ijuru hariyo Imana ebyiri? Basomyi, turabasaba kongera gukora ubushakashatsi bwuzuye neza, mutubwire YESU NI NDE? Murakoze.
Kanda hano umusubize

NKOMATO Georges - 28/03/2017 saa 20:17

Urakoze cyane wowe witwa BDENGE,Reka ngukosore gato.Ntabwo uwo PETERO yatemye ugutwi yali umusirikare.Ahubwo yari umugaragu w'umutambyi mukuru.Yitagwa MALCUS (Yohana 18:10).
Kanda hano umusubize

NKOMATI George - 27/03/2017 saa 19:28

Abantu benshi bigisha ko imana ari UBUTATU bugizwe n'imana data,imana mwana n'imana mwuka wera.Ngo kandi izo mana zose zirareshya.Bakongeraho ko atari eshatu,ahubwo ari imana imwe!!!Aka ni AKUMIRO.Ijambo UBUTATU ntariba muli Bible.Ryahimbwe n'umugatolika witwaga TERTULLIEN muli second century.Ntabwo Bible yigisha ko YESU ari imana ireshya na se.Nubwo yitwa imana,ntabwo ashobora byose nka se,his father witwa YEHOVA.Impamvu abantu bavuga ko YESU ari imana ireshya na se,nuko basoma imirongo mike ya Bible.Ijambo imana,hari iyo Bible irikoresha ishaka kuvuga umuntu ukora ibitangaza bikomeye.Urugero,MUSA yitwa imana ya FARAWO kubera ko yakoze ibitangaza imbere ya FARAWO (KUVA/EXODUS 7:1).SATAN nayo yitwa imana kubera ko nawe akora ibitangaza bikomeye (2 Corinthians 4:3,4).Impamvu YESU yitwa imana,nuko ari uwa kabiri kuli YEHOVA,his father.Ariko ntabwo areshya na se.Dore amasomo menshi cyane yerekana ko YESU atareshya n'imana,his father. YESU ubwe yigishaga ko atareshya na se,his father (Yohana 14:28).YESU yigishaga ko ariho kubera se,his father.Yaravuze ati:"I live because of my father" (Yohana 6:57).PETERO n'abandi bigishwa,bigishaga ko YESU ari UMUGARAGU W'IMANA (Ibyakozwe 3:13).Bigishaga kandi ko YESU ari IKIREMWA cya mbere cy'imana (the first born of all creatures).Byisomere muli Colossians 1:15.Bible yigisha ko imana idapfa (Habakuk 1:12).Nyamara YESU yarapfuye,YEHOVA aramuzura.Namwe mujye mwibaza muti:Iyo YEHOVA atahaba,YESU yari kwizura?Igisubizo ni OYA.YESU yasengaga se,his father,amwinginga (Abaheburayo 5:7).Nta na rimwe YEHOVA yasenze YESU kuko batareshya.Rwose mujye mwiga kandi mwigishe Bible neza. YESU akimara kuvuga ati :jyewe na data turi umwe",yahise asaba ABAKRISTU nabo "kuba umwe" (Yohana 17:11).KUBA UMWE,bisobanura "kugira umugambi umwe".Ntabwo bivuga kureshya.Ndasaba abanyamadini kujya bigisha aya masomo yose,aho gutoranya amasomo amwe gusa,nayo basobanura uko bishakiye.Babyita "Bible twisting".Mbisubireo,nubwo YESU yitwa imana,ntabwo areshya na se.Niyo mpamvu YESU yadusabye "gusenga se wenyine" muli Matayo 4:10.Ntimugasenge YESU kuko yabitubujije kandi akaba atareshya na se.Ntabwo bareshya nkuko na YESU yabyivugiye inshuro nyinshi.Kwigisha no kwemera ibinyoma,bizatuma abantu benshi batabona Ubuzima bw'iteka muli Paradizo,nyamara biyita ABAKOZI B'IMANA.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X