Monaco cosmetics
Ahabanza  >>  Amateka n’umuco >> 

Kuki umurambo wa Perezida Habyarimana utarashyingurwa mu Rwanda? Intandaro y’ihungishwa ryawo n’ubucuti bwe na Mobutu

Abantu bakomeje kwibaza aho umurambo wa Habyarimana wabaye Perezida w’u Rwanda. Ese umurambo we warashyinguwe, Nturashyingurwa se ? Ese uzashyingurwa mu Rwanda ? Ese ukuri kuriho ni ukuhe?

Nyuma y’iraswa ry’indege yari itwaye Juvena Habyarimana tariki ya 6 Mata 1994, umubiri we, ku mabwiriza y’umugore we, Agatha Kanziga woherejwe iwabo ku Gisenyi kugira ngo uzashyingurwe mu cyubahiro. Aha bakemeza ko byari ukugira ngo Kanziga n’abari basigaye bayoboye u Rwanda barebe ko bagira agahenge.

Ariko kandi ngo igitutu bashyirwagaho n’abasirikare b’Iinkotanyi bihutaga mu gufata ibice by’u Rwanda ngo nticyari gutuma babona uko bashyingura nyakwigendera uriya bitonze.

Amakuru yatangajwe nyuma n’abazi ibya Habyarimana nyuma y’urupfu rwe, ni uko Ibintu bikomeje gukomera, Agatha Kanziga n’agatsiko ke ngo baba barasabye Perezida wa Zaire (icyo gihe) Mobutu Sese Seko ko yaba abafashije umubiri wa Habyarimana (wari inshuti ye) bakabanza bagakemura ibyari bibagoye, iki gihe nibwo Kanziga n’agatsiko ke bari mu rugamba rwo gushishikariza Interahamwe n’abandi kwica inzirakarengane z’Abatutsi, umugambo wari warateguwe imyaka n’imyaka.

Kanziga yasabye Mobutu kuba yakiriye umurambo w’umugabo we, hanyuma bakazawuzana kuwushyingura mu Rwanda dore ko biyumvishaga ko bazasubiza Inkotanyi inyuma, ibi ngo Mobutu yarabyemeye.

Ubwo abasirikare ba Habyarimana bari bazengerejwe n’Inkotanyi, nta yindi nzira bafashe uretse kugana iya Congo by’umwihariko Perezida Mobutu arabareka binjirana intwaro bari bafite zose, bakambika mu biromtero bike uvuye ku mupaka w’u Rwanda dore ko biyumvishaga ko bazagaruka gufata igihugu.

Bagarutse inshuro irenze imwe ariko urugamba rurabananira, kugeza n’ubu bakaba bakiri mu mashyamba ya Congo, aribo FDLR na n’ubu ikomeje guhangayikisha Leta ya Kinshasa iyobowe na Joseph Kabila.

Amakuru amwe n’amwe avuga ko Mobutu nawe ubwo yari asumbirijwe uyu murambo wa Kinani yaba yarawutwitse aho yari yarahungiye muri Maroc naho andi makuru akavuga ko uyu murambo utegerejwe kuzashyingurwa umunsi ako gatsiko kagarutse mu Rwanda.

Ukuri kuriho n’uko ba nyiri ubwite ntacyo baravuga kuri uyu murambo ngo basobanure niba warashyinguwe, ubitse se cyangwa se niba uzagarurwa gushyingurwa mu Rwanda.

Intandaro y’ubucuti bwa Habyarimana na Perezida Mobutu

Mbere na nyuma y’urupfu rwa Perezida Juvenal Habyarimana wari uw’u Rwanda na Mobutu wari uwa Zayire (RDC), ibikorwa byabo byiza cyangwa bibi bibaranga byagiye bigaragara ko bari inshuti magara, biva muri politiki bigera mu gisirikare no mu miryango yabo.

Aba baperezida bose bari n’abasirikare bakomeye bavuzweho amateka mabi yo koreka imbaga, ibyagiye bibahuza byari byinshi nk’uko amateka yabo abigaragaza by’umwihariko ubucuti bwabo bukaba bwaratangiye ahagana mu myaka y’1962.

Tugarutse inyuma gato mu mateka ya Habyarimana, bigaragara ko Juvénal Habyarimana yinjiye mu ishuli rya gisirikare ry’aba Officiers ry’i Kigal tariki ya 10 Ugushyingo 1960 ari kumwe n’abandi basore b’abanyarwanda 6, aribo: Pierre Nyatanyi , Aloys Nsekalije, Sabin Benda, Epimaque Ruhashya, Alexis Kanyarengwe, na Bonaventure Ubalijoro.

Habyarimana niwe wasohotse muri iryo shuri ari uwa mbere afite nimero ya gisirikare imuranga (matricule 001), amaze kubona impamyabumenyi yo kumanukira mu mutaka (brevet parachutiste), Juvénal Habyarimana yabonye ipeti rya Sous-Lieutenant ku itariki ya 23 Ukuboza 1961, ubwo aba abaye umusirikare wa mbere w’Umunyarwanda wo mu rwego rwa officier.

Yabaye Lieutenant tariki ya 1 Nyakanga 1962, aba ariwe unahabwa ibyubahiro cyo gufata ibendera rya mbere rya Repubulika y’u Rwanda ku munsi mukuru w’ubwigenge tariki ya 1 Nyakanga 1962.

Akuriwe na Major François Vanderstraeten w’Umubiligi, wari umugaba w’Ingabo, Juvénal Habyarimana yoherejwe gukorera kuva tariki ya 31 Kanama 1962 kugera muri Werurwe 1963, i Cyangugu ashinzwe ako karere ka gisirikare.

Aka gace karebanaga na Bukavu muri Congo ahari hatangiye ibikorwa byo kurwanya Leta y’i Kinshasa hakoresheje intwaro.

Ni muri icyo gihe bivugwa ko yaba yarahuye bwa mbere na Joseph Désiré Mobutu wari Colonel akaba n’umugaba mukuru w’ingabo za Congo (armée nationale congolaise).

Tariki ya 23 Kamena 1963, Capitaine Juvénal Habyarimana amaze kugirwa umugaba mukuru w’ingabo z’u Rwanda zitwaga Garde nationale icyo gihe, yatanze amategeko ko Ingabo z’u Rwanda (Garde Nationale) zitera inkunga ingabo za Congo (armée nationale congolaise). Yagizwe umugaba mukuru w’ingabo afite imyaka 26 gusa kandi aribwo agihabwa ipeti rya Capitaine!

Capitaine Juvénal Habyarimana na Colonel Joseph Désiré Mobutu bashyize hamwe bashoboye gutsinda inyeshyamba zari ziyobowe n’uwitwa Pierre Mulele (Rebelles Mulélistes), muri Kamena 1964, mu rugamba rukomeye rwabereye ahitwa Kamanyola, icyo gihe abari bamukuriye bari Ministre w’Ingabo Calliope Mulindahabi na Président Grégoire Kayibanda.

Tariki ya 23 Kamena 1964, Juvénal Habyarimana, wari Capitaine, yagizwe Umukuru w’Ingabo z’igihugu (Garde Nationale).

Yinjiye muri Guverinoma ya Perezida Grégoire Kayibanda mu 1965 asimbuye Calliope Mulindahabi ku mwanya wa Ministre w’Ingabo (Ministère de la Garde Nationale). Icyo gihe yari Major.

Yazamutse mu ntera ku buryo bukurikira: Lieutenant Colonel tariki ya 1 Mata 1967, Colonel tariki ya 1 Mata 1970, na Général-Major tariki ya 1 Mata 1973.

Mu ijoro ry’itariki ya 4 rishyira iya 5 Nyakanga 1973, afatanije n’abasirikare bagenzi be 10: Aloys Nsekalije, Epimaque Ruhashya, Sabin Benda, Alexis Kanyarengwe, Jean Népo Munyandekwe, Laurent Serubuga, Bonaventure Buregeya, Aloys Simba, Bonaventure Ntibitura, na Fabien Gahimano, bahiritse ubutegetsi bwa Perezida Grégoire Kayibanda.

Habyarimana afata ubutegetsi, Mobutu we yari amaze imyaka 10 aburiho kuko yabufashe mu 1965, aho bose bafatiye ubuperezida, bagiranye ubucuti n’ibihugu by’amahanga ku isonga Ubufaransa bwa François Mitterrand wayoboyekuva mu 1981.

Nkindi Alpha

Kanda hano udukurikire kuri Facebook na Twitter

Ibitekerezo

ndizihiwe.emmul - 19/09/2017 saa 04:28

Ubwosebirashobokowabautarashyingurwa?wabauteger ejeiki? Ahaa! Nawamenya
Kanda hano umusubize

- 7/09/2017 saa 04:06

BAZABIBAZWASHA
Kanda hano umusubize

- 4/08/2017 saa 11:36

Ewee!! Murabagome Yo Mumufubana Iteka Aho Avuka
Kanda hano umusubize

EMMANUEL NTAKIRUTIMANA - 4/07/2017 saa 11:25

noneseuwomurambobawubitsemoiki koudatezekuzuka
Kanda hano umusubize

Habiyaremye Dieudone - 4/10/2017 saa 18:42

nanjye binyobere.
Kanda hano umusubize

- 3/07/2017 saa 06:08

NONESE KO BAMWE BAVUGAKO UMURAMBO WA PEREZIDA JUVENAL WABA URI MUBUFARANCA NIBYO?
Kanda hano umusubize

- 6/07/2017 saa 04:47

ntabwotubizi
Kanda hano umusubize

Ntirenganya evariste - 26/07/2017 saa 05:05

Ubwo se wowe utekerezanyij,ubwenge, urumva umurambo utari kumwe n,umugore we ?erega ntabwo yajya kure n,umurambo we .iriya ni souvenir ye.
Kanda hano umusubize

usengimana - 27/09/2017 saa 07:42

abashinyaguzi ntimugira konji
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X