Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Lick Lick na Packson babaye ikiraro umuhanzi Diplomat yambukiyeho yinjira muri Hip Hop

Umuhanzi Diplomat asanzwe amenyerewe cyane mu njyana ya Hip Hop hano mu Rwanda aho mu nyandiko n’indirimbo ze akunze kugaruka ku mateka, amagambo yavuzwe n’abantu bakomeye ku isi cyangwa atanga impanuro, yahishuye ko umuhanzi Pacson na Producer Lick Lick ari bo babaye umusemburo wo kwinjira mu muziki by’umwihariko mu njyana ya Hip Hop.

Uyu musore aganira n’itangazamakuru,yavuze ko ubwo yiganaga na Pacson mu ishuri rimwe yakomeje amubwira ko yavamo umuhanzi mwiza ariko kandi akaba yariyumvagamo inganzo imukirigita akabura aho ayisohorera.

Mu gihe gito rero nibwo Pacson yakomeje kumushyiramo imbaraga, nawe yishyiramo ko ashoboye niko kujya i Nyamirambo ahura na Producer Lick Lick amwereka amwe mu magambo y’indirimbo yari yanditse nawe asanga ari inyamwibwibwa, ku ikubitiro niko gushyira hanze indirimbo yise “Umucakara w’Ibihe” afashijwe n’umuhanzi Younger Junior mu nyikirizo yayo.

Iyo ndirimbo yaje gutuma akundwa buri muntu wese wakurikiranaga hafi indirimbo nyarwanda amenya Diplomat uwariwe bitewe n’amagambo akomeye agaruka ku mateka yari akubiyemo.

Nyuma yaho yaje gusohora izindi zitandukanye zirimo nka Ikaramu yakoranye na Faisal,Diplomacy,n’izindi zitandunye.

Gusohora uruhurirane rw’indirimbo ziganjemo ubutumwa bukomeye zari zinogeye amatwi byatumye uyu musore arushaho gukundwa ndetse yanikira bamwe mu basore bari bahanganye mu njyana ya Hip Hop ku buryo yari ageze ku rwego rwo gushaka abasore b’ibigango bamugendaga iruhande bamucungira umutekano.

Nyuma rero umuvuno waje guhinduka Diplomat yerekeza mu gihugu cy’abaturanyi cya Uganda avuga ko hari ibindi bikorwa byerekeye Bizinesi ahugiyemo maze umuziki we uza gucyendara asa n’uwibagiranye.

Umuraperi Diplomate Noor Fassasi yamenyekanye cyane muri muzika nyarwanda kuva mu mwaka wa 2009 mu ndirimbo nka Umucakara w’ibihe, Kure y’imbibi, Diplomacy, Indeba kure, Nyir’u Rwanda n’izindi, kuri ubu akaba avuga ko akomeje umuziki we kandi akaba arimo gutegura ibkorwa bizatuma yongera kwigaragaza.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X