Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Lil G agiye kureka kuririmba mu njyana ya Hip Hop

Nyuma y’uko umuhanzi Lil G ashyize hanze indirimbo ziri mu njyana ya R&B akabona zirimo kwinjiza agatubutse, avuga ko mu minsi iri imbere iyi njyana ikomeje kumwinjiriza ashobora kureka burundu injyana ya Hip Hop yari asanzwe amenyereweho kuva akiri umwana kugeza ubu.

Ni mu gihe indirimbo ye “Urukundo Niki” yaririmbye mu njyana ya R&B ikomeje kwigarurira imitima y’abafana, byatumye tumwegera ngo atubwire niba azakomeza kuririmba Hip Hop cyangwa niba R&B ariyo agiye kwibandaho maze agira ati”Ndigushyiramo imbaraga kuko mbona iri ku nyinjiriza ubwo wenda Hip Hop nshobora kuyireka.”

Gusa ariko ku rundi rundi ruhande ngo mu gihe atarahagarika iyi njyana, yabanje kujya azivanga mu rwego rwo kwereka abakunzi be ko byose abishoboye adashobora kubashyira mu bwigunge.

Abajijwe impamvu atakimurika Album ze nkuko byagendaga mu gihe yari akiri mu njyana ya Hip Hop nka mbere, yashimangiye ko atari uguhindura injyana byabiteye,ahubwo ngo aracyarimo kunonosora imyiteguro yayo, vuba akazatumira itangazamakuru akarimenyesha aho icyo gikorwa kigeze.

Naho abamushinja kuba yarabuze atakiyereka abafana,Lil G yavuze ko akunze gukora ibitaramo bisanzwe hirya no hino mu gihugu gusa ngo abafana be wenda bashobora kuba baba badafite amakuru yaho aba yataramiye.

Mu ntangiro z’uyu mwaka nibwo Lil G yari afite igitaramo ariko aza kugihindura icyo gihe atangaza ko agiye kuzenguruka tumwe mu turere ataramira abafana,ariko amaherezo yabyo ntiyamenyekanye.

Ibi rero yabigarutseho avuga ko hari ibyo yari akirimo kunonosora bityo akaba agiye kubishyira mu bikorwa ariko bikabimburirwa no kumurika Album.

Ndacyayisenga Fred

Kanda hano udukurikire kuri Facebook na Twitter

Ibitekerezo

amani - 21/04/2017 saa 05:23

Ndakwemera kbs
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X