Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Man Martin yavuze ku by’umushinga afitiye abafite ubumuga nyuma yo kumira agace ka Kirida

Umuhanzi Man Martin nyuma y’uko mu mpera z’umwaka wa 2015 yatangaje ko ashima Imana yamurokoye urupfu nyuma yo kumira agace ka Kirida(Cure Dent), mu kubagwa abaganga bakamubwira ko ashobora kuhasiga ubuzima ariko Imana ikinga ikiganza,yagize igitekerezo cyo kuzafasha abafite ubumuga bwo kutavuga.

Umuhanzi Man Martin ukunzwe mu njyana zitandukanye by’umwihariko injyana nyafurika, nyuma yo kumira akavungukira ka Kirida akumva ububabare byamuteye, yahisemo ko mu gihe runaka azakoresha ibihangano bye agafasha abafite ubumuga bwo kutavuga.

Aganira na Imirasire.com, Man Martin yavuze ko ubwo mu gihe cyashize yagiraga ibyago akamira akavungukira ka Cure Dent akamara umwanya atavuga, ngo yabashije kumva ububabare abafite ubumuga bwo kutavuga bahura nabwo, maze bituma agira igitekerezo cyo kuzabafasha biturutse mu bihangano bye.


Yagize ati”Nkimara kumira akavungukira ka Cure Dent, numvise uko abafite ubuga bwo kutavuga babayeho, ngira igitekerezo cyo kuzabafasha Imana ninshoboza, gusa sindamenya igihe runaka.”

Uretse icyo gitekerezo uyu musore yagize kizashingira ku muziki we, yagarutse ku bikorwa afite bitandukanye birimo imyiteguro yo kumurika album ye” Afro” muri Werurwe uyu mwaka.


Abajijwe impamvu yateganyije kumurika Album ye muri uko kwezi kandi amafaranga asa nayashiriye mu minsi mikuru avuga ko, kuri we umuziki we udashingira ku bihe runaka ahubwo ko abakunda ibihangano bye batagendera ku bihe ahubwo bagendera ku bihangano.

Yagize ati”kuri njyewe ntabwo numva hari igihe runaka abantu bakwiye kwitabira kuko Abanyarwanda ni abantu bakunda kwishima, iby’iminsi mikuru rero njye simbigenderaho abakunzi banjye bareba ibihangano.”

Ibi byashingiye ko mu minsi ishize mbere y’iminsi mikuru wasangaga abahanzi bategura ibitaramo ntibyitabirwe,bagahura n’igihombo gikabije, bigatuma bacika intege, nyamara mu gihe cy’iminsi mikuru ibitaramo hafi ya byose bikitabirwa ku rwego rushimishije.


Kugeza ubu Man Martin akaba arimo gukora amashusho y’indirimbo zitandukanye zikunzwe cyane ku rwego mpuzamahanga zigaragara kuri ye Album ye ya 5 “Afro” ndetse akaba ari no mu myiteguro dore yo kwitabira iserukiramuco rya “Amani” mu gihugu cya Congo ahagana muri Gashyantare.

Ndacyayisenga Fred

Kanda hano udukurikire kuri Facebook na Twitter

Ibitekerezo

gift - 5/01/2017 saa 13:24

yewe nanjye mbona yirya nkabakobwa nagabanye umwiryo mu muzika we ingonzo yo ntakibazo. ariko ntagafashe abantu ari uko ahuye nikibazo ibyo nabyo bisa nubwirasi.
Kanda hano umusubize

- 5/01/2017 saa 09:54

huuuuuuuummmm uzabafashe ubwo umunsi warwaye nibisazi niho uzibuka gufasha abafite ubumuga bwo mumutwe nakumiro
Kanda hano umusubize

Rene - 5/01/2017 saa 01:01

Ariko njyewe njya nkunda ibihangano bye ariko ikibazo cye arirya nkabakobwa
Kanda hano umusubize

Gjklhgf - 3/01/2017 saa 17:57

Buriya se bisaba kumugara ngo umenye akababaro k'abafite ubumuga!!! Yeweee turacyafite ibibazo kweli!! Niyo mpamvu batwita amazina biboneye!!!
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X