Monaco cosmetics
Ahabanza  >>  Amakuru yose >> Urukundo >> 

Menya byinshi ku ndwara ya mburugu n’ibiyiranga birimo kurwara utubyimba n’udusebe ku gitsina

Inndwara ya mburungu, ni imwe mu ndwara zifata imyanya ndangagitsina zifata umuntu igihe yakoze imibonano mpuzabitsina ndetse n’ubundi buryo tugiye gusobanura hasi.

Nk’uko twagiye twifashisha ubushakashatsi butandukanye yaba inzobere mu buvuzi cyangwa ibitabo bitandukanye,twasanze Mburugu irimo amoko 3.

Hari” Venereal syphilis” ikaba ari Mburugu ikwirakwizwa n’imibonano mpuzabitsina ku bantu 2 umwe ayirwaye undi atayirwaye.


Ubwoko bwa 2 ni “Congenital Syphilis ” ikaba ari Mburugu umubyeyi yanduza umwana we amutwite cyane cyane inda ifite amezi 4.


Ubwoko bwa 3 ni “Endemic Syphilis ” ibinyoro bikunda kuboneka ahantu henda kuba ubutayu.

Hari na Mburugu iterwa n’agakoko bita “Treponema pallidum”
Aha rero tugiye kwita cyane kuri Mburugu yandurira mu mibonano mpuzabitsina, yandura mu gihe uyirwaye ayikoranye n’utayirwaye”Venereal syphilis”. Mburugu kandi ishobora kuvukanwa.

Ibyiciro bya mburugu yandurira mu mibonano mpuzabitsina n’ibimenyetso bibiranga:
Ikiciro cya mbere “Primary phase”: Iki kiciro kigaragara hagati y’ibyumweru 3 n’amezi 3 uyanduye, kirangwa n’ibimenyetso birimo agasebe ku gitsina kataryana, kadacukura mu mubiri, kadafite amashyira, ukarebye ukabona gakeye.Ikibyimba mu ntantu gikomeye kitaryana.Uyirwaye agira ibiswaganga mu ntantu (mu mayasha).

Ako gasebe karijyana nta muti mu byumweru bimwe na bimwe hagasigara cya kibyimba cyo mu ntantu gikomeye kitaryana.

Ikiciro cya 2”Secondary phase ”nnnnnn kiva ku mezi atatu kikagera ku myaka 3. Umuntu urwaye Mburugu igeze muri icyo kiciro ashobora kugira umuriro, kurwara umutwe, kuribwa mu magufwa, kugira utubyimba twinshi, gusesa ibintu ku mubiri bisa n’ururabo rw’idoma (rose), ashobora gusesa n’ibindi bintu ku mubiri bisa n’ibihushi, kugira ikibara ku munwa kimeze nk’ikirimo amazi, kuzana ibintu mu birenge no mu biganza ugasanga umuntu asatagurika ndetse anashishuka, kumungwa kw’inzara no gupfuka umusatsi.

Icyiciro cya 3”Tertiary phase ”kuva ku myaka 3 kuzamura. Iki cyiciro kirangwa n’uko umuntu ukigezemo asesa ibintu ku ruhu byiyongera, ku munwa haza ikibara gitukura, amagufwa akangirika, umuntu atangira guta umutwe, kuba paralize cyangwa se kugagara ibice bimwe na bimwe by’umubiri ntibikore neza, imyanya y’imbere mu mubiri ikangirika(umutima,umwijima,n’ibindi)[heart renal or liver failure].

Ibindi twamenya kuri mburugu: Ku mwana wavukanye mburugu,usanga asheshe ibintu ku ruhu birimo amazi cyane cyane mu maso, ku maboko, ku gitsina, mu birenge, mu biganza no ku kibuno. Akunda kurwara ibicurane bidakira, utubyimba, kubyimba umwijima, kwangirika kw’amagufwa, kwangirka k’ubwonko, gucika kw’amenyo, gupfa amatwi n’ibindi.

Ingamba zafatwa mu rwego rwo kwirinda iyi ndwara

Kujya kwa muganga hakiri kare ukibona bimwe mu bimenyetso byavuzwe by’iyi ndwara. Kwirinda kwivuza magendu kuko bishobora gutuma indwara yiyongera kurushaho.

Ku birebana n’inama yagirwa abantu mu rwego rwo kuyirinda no kwirinda kuyikwirakwiza, Kubera ko twamenye aho iyi ndwara yandurira, ubwo kwirinda imibonano mpuzabitsina igihe cyose utarashaka ari ngombwa kuko aribwo buryo bwizewe bwo kuyirinda, ikindi ni ukwirinda guca inyuma uwo mwashakanye.

Ndacyayisenga Fred

Kanda hano udukurikire kuri Facebook na Twitter

Ibitekerezo

hategekimana w - 20/05/2017 saa 14:11

dore number zanjye niwumvabikurimo uzampamagaretuganire,0728750775, 0736307286,ok ugire ibihebyiza.
Kanda hano umusubize

- 3/04/2017 saa 17:01

Murakoze.Mudushakire ubusobanuro bw'indwara y'umutezi, uko yandura, ibimenyetso byayo,uko twayirinda n'uko yakira.
Kanda hano umusubize

ingabirevestine - 31/03/2017 saa 17:46

gukoresha agakingirizo .2kudaca inyuma y'uwomwashakanye5,kujyakwamugaga mugihe ubonye uburwayi kumubiriwabudasanzwe.
Kanda hano umusubize

kaguru - 31/03/2017 saa 11:03

1. kwifata 2 kwirinda gukora imibonano mpuza bitsina idagikingiye 3 kudaca inyuma uwo mwashakanye. Nanjye ndabaza, ise muri phases zose zavuzwe haruguru iyi ndwara yavurwa igakira?
Kanda hano umusubize

Dusabe - 9/04/2017 saa 23:56

Ndabaza IYi Ndwara Irivugwa Igakira?
Kanda hano umusubize

JP - 2/05/2017 saa 18:41

Yego.Mburugu irakira ariko biba byiza iyo ipimwe ikavurwa kare itaragera mu kiciro cya gatatu(aha ntiba igishobora kuvurwa).
Kanda hano umusubize

- 30/03/2017 saa 20:27

umunu yayirindate
Kanda hano umusubize

Hakiza Deo - 31/03/2017 saa 17:40

Uwugwaye Iyo Ngwara Arashobora Kwivuza Agakira?
Kanda hano umusubize

Ndahayo Alpho - 30/04/2017 saa 17:20

Birakako Ushoragukira.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X