Monaco cosmetics
Ahabanza  >>  Amakuru yose >> Urukundo >> 

Menya zimwe mu mpamvu zishobora gutera abakobwa gutendeka

Akenshi gutendeka ni imwe mu ngeso zimaze kuba akarande ku bakobwa. Ahanini kubera ko abenshi batagifata urukundo nko kubana n’umuntu mwizerana kandi mwubahana kandi muharanira gutezanya imbere. Ariko kuri ubu benshi siko babifata kuko bamwe aruko bafite ibyo bashaka kubona cyangwa kugeraho.

Hari zimwe mu mpamvu zitera abakobwa gutendeka, ariko ibyingenzi twavugamo ni ibi bikurikira:

Gushaka ubutunzi

abenshi hari igihe baba bafite abakunzi ariko ugasanga batanyurwa nibyo babaha cyangwa se babakorera, bagahitamo gushaka abandi kugira ngo bahabwe bya bindi babuze ku ruhande.

Ibyo rero barabikora kandi akaguma akakubwira ko mukiri kumwe kugira ngo nawe ukomeze umumenyere ibyo usanzwe umuha kandi na wawundi akamukomeza.

Urukundo ruke

Iki ni kimwe mu bibazo byugarije abantu benshi muri rusange kuko usanga abakobwa biki gihe batakigira urukundo nyarwo. Ahura n’umuntu bakemeranya gukundana ejo yahura n’undi nawe akamwemerera urukundo. Benshi rero ntibaba banibuka ko bafite abakunzi ahanini kubera ikibazo cy’urukundo rwabaye ruke muri bo.

Gushaka kumenyekana cyane

Iyi nayo ni imwe mu mpamvu zitera abakobwa biki gihe gutendeka kuko baba bashaka kugaragara henshi kandi buri munsi.

Rimwe na rimwe rero usanga umukobwa akundana n’ umuntu urugero uririmba akifuza kandi kumenyana n’ukora buzinesi runaka n’abandi n’abandi byose ari ugushaka gujya agaragara muri buri kimwe kandi bose akababeshya ko abakunda.

Guharara

Bamwe mu bakobwa batendeka abahungu kubera guharara cyane kuko ashobora kuba akundana n’umuntu ejo yabona undi wateye imbere nawe agahita yifuza gukundana nawe kandi wawundi ntamuhakanire ko batakiri kumwe ahubwo agakomeza akamubeshya ko amukunda kugira ngo nawe atamutakaza. Usanga abakobwa bakora mwene ibi baba bahuzagurika mubyo bakora byose.

Iterambere

Iki nacyo kiri mu bituma abakobwa benshi muri iki gihe batendeka abahungu benshi kubera ahanini ko bagenda babona ibintu bishyashya uko bwije nuko bukeye kandi bikabatera kubyifuza.

Iyo rero urukundo rubuze usanga aribwo umukobwa atangira gutendeka kubera ko ari kubona ko hari ubundi buzima bushya yifuza kubamo akabona kandi hari ibyo akeneye kubona bishyashya.

Ni kenshi uzasanga abakobwa bananirwa kurambana n’abakunzi babo ahanini byose biturutse k’umuvuduko witerambere.

Aho kuba iyo hahora hahindagurika

Iki nacyo nikimwe mubituma umukobwa atendeka abahungu benshi bitewe nuko aho aba yavuye haba hatandukanye naho yagiye.

Iyo ahinduye aho yabaga abona ko n’uburyo abantu babayeho butandukanye n’ubwaho yari ari bikamutera no kuba yahindura umukunzi byamunanira akamutendeka.

Imirasire.com

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X