Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Minisitiri w’Intebe w’u Buhinde yakiriye Perezida Kagame

Kuri uyu wa kabiri Minisitiri w’Intebe w’u Buhinde, Narendra Modi yahaye ikaze Perezida wa Repubulika Paul Kagame, witabiriye Inama ya 8 ku Iterambere rya Leta ya Gujarat, Vibrant Gujarat Global Summit’.

Kuri uyu wa Mbere nibwo Perezida Kagame yageze mu Mujyi wa Gandhinagar aho iyi nama izabera yakirwa na Minisitiri w’Intebe w’u Buhinde, Narendra Modi mu gitondo cyo kuri uyu wa Kabiri.

Muri iyi nama, Perezida Kagame biteganyijwe ko azanatanga ikiganiro mu gufungura Imurikagurisha Mpuzamahanga akazaba ari kumwe na Minisitiri w’Intebe w’u Buhinde.

Minisitiri w’Intebe w’u Buhinde ubwo yahuraga na Perezida Kagame baganiriye ku ngingo zitandukanye zijyanye no gukomeza umubano uri hagati y’ibihugu byombi.

Hanabayeho gusinya amasezerano y’ubufatanye hagati y’ibihugu byombi aho u Buhinde bwafasha u Rwanda mu kwifashisha siyansi mu bikorwa bitandukanye birimo nko gukora iperereza cyangwa kugenza ibyaha. Ikindi kandi ni ukuba u Rwanda rwakwinjira mu ihuriro ihuriro ry’ibihugu biharanira kubyaza umusaruro ingufu z’izuba rizwi nka ’ International Solar Alliance’.

Usibye Perezida Kagame, abandi bayobozi bakomeye barimo Minisitiri w’Intebe wa Serbia, Aleksandar Vucic; Perezida wa Kenya, Uhuru Kenyatta; Minisitiri w’Intebe wa Portugal, Antonio Costa; Minisitiri w’Intebe wungirije w’u Burusiya, Dmitry Rogozin na Minisitiri w’Ububanyi n’Amahanga w’u Bufaransa, Jean-Marc Ayrault bategerejwe muri iyi nama.

Bruce MUSHUMBA

Kanda hano udukurikire kuri Facebook na Twitter

Ibitekerezo

Nsenga - 11/01/2017 saa 09:09

Turashimira Presid Uko Akomeje Gushaka Umubano Nibindi Bihugu
Kanda hano umusubize

Dady shyaka - 10/01/2017 saa 15:53

Umusaza arakoze kuza natwe turamwakiriye
Kanda hano umusubize

Dady shyaka - 10/01/2017 saa 15:53

Umusaza arakoze kuza natwe turamwakiriye
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X