Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Mpayimana Philippe ushaka kuba Perezida yatangiye gusaba amafaranga abamushyigikiye

Mpayimana Philippe arasaba abamushyigikiye ko bamuha amafaranga azakoresha yiyamamaza mu matora ya Perezida wa Repubulika azaba mu ntangiriro za Kanama 2017.

Mpayimana abinyujije mu butumwa yanyujije ku mbuga nkoranyambaga, Mpayimana yasabye abayoboke be kumushyigikira bakamuha amafaranga azakoresha nk’uko bashyigikira ikipe y’umupira cyangwa uko batanga amaturo mu rusengero.

JPEG - 14 kb
Mpayimana Philippe usaba abayoboke be kumuha amafaranga azakoresha mu kwiyamamaza

Ati: "Hari umubitsi uzakira inkunga muzaduha kuko inkunga itegerejwe ntabwo ari signatures (imikono) gusa, mushobora no gutanga n’amafaranga mukadufasha nk’uko mufasha insengero musengeramo, nk’uko mufasha amakipe mufana, ni ngombwa ko Abanyarwanda tumenya ko no gushyiraho ubutegetsi bwanyu bituma mushobora kubafasha mukabaha inkunga. Haratangazwa konti mushobora kuyanyuzaho ndetse na telefone mushobora gucishaho mwohereza inkunga zanyu."

Abajijwe n’abanyamakuru niba nta ngengo y’imari afite azakoresha mu kwiyamamaza kuburyo ateze ubushobozi ku banyarwanda arimo gusaba amafaranga, uyu mugabo yasubije agaragaza ko ibyo arimo atari ubucuruzi ahubwo ngo aravunikira abaturage, kuburyo atiyumvisha impamvu batagomba gutanga izo nkunga.

Yagize ati: "Iyo ni imyumvire y’abatekereza ko gukora Politike ari bizinesi (business), njyewe nifuza ko abantu bumva ko gukora politike ari ukwishyiriraho ubuyobozi. Njyewe ndi umukozi w’abaturage ntabwo ndi boss wabo. Abantu bakwiye kumva ko ari bo bashyiraho ubuyobozi nyine bagashyiraho n’inkunga... Kuki se batayitanga niba babishaka cyangwa babishoboye? Icyo mvuga ni ugutoza abaturage demokarasi, ntabwo ari ukubarambirizaho kugirango nkore igikorwa, [nibatampa amafaranga] nzakora igikorwa ku rwego rwanjye kandi kizagera ku ndunduro nta kibazo, ariko mugomba buri gihe kubasobanurira nyine ko umuntu wiyamamaza atari business... Urabona uba uhagaritse umurimo kugirango ukorere abaturage, ari amafaranga nshaka nakwikomereza umurimo nsanzwe nkora."

Uyu mugabo wagiye agaragara atega moto, abaye umukandida wa mbere mu matora ya Perezida wa Repubulika mu Rwanda usabye abaturage ko bamuha inkunga y’amafaranga kugirango bamufashe mu bijyanye no kwiyamamaza.

JPEG - 110.5 kb
Mpayimana Philippe yagaragaje ko n’ubundi mu mufuka we nta mafaranga ahagije afitemo bigaragazwa no kudatunga imodoka imutwara

Uyu mugabo kandi yakunze kugarukwaho n’abantu ubwo yagaragaraga atega moto hirya no hino mu mujyi wa Kigali, abantu bibaza impamvu umuntu ushaka kuyobora igihugu adafite n’akamodoka gaciriritse agendamo.

Iyi nkunga y’amafaranga ayisabye nyuma y’aho yari amaze igihe asaba abanyarwanda kumushyigikira bakabigaragaza bamusinyira kuri liste igomba kuba iriho byibura abantu 600 kugira ngo abashe kwemererwa kwiyamamariza kuyobora u Rwanda.

Aba bantu 600 ntarababona kandi na komisiyo y’amatora ntiratangaza ko yemeye ubusabe dore ko n’igihe cyo kwakira kandidatire kitaragera.

Nkindi Alpha

Kanda hano udukurikire kuri Facebook na Twitter

Ibitekerezo

jj - 3/06/2017 saa 15:18

hhhhhhh 😹😹😹arasekeje
Kanda hano umusubize

- 3/06/2017 saa 15:14

hhhhhhhhh aransekejeee 😹😹😹😹😹😹😹
Kanda hano umusubize

Nkurunziza emmanuel - 29/03/2017 saa 17:31

Nawe gerageza amahirwe wasanga Imana igiye kukwibuka visa bizakugora banza ushishoze kuko An any are and a kubayobya ubu ntabwo byakorohera buriwese ubitekereje.
Kanda hano umusubize

Nakumiro - 29/03/2017 saa 11:41

Ntabwo nkunda kwandika ariko uyumutype atumye mbikora,Njye navugaga ngo wita umwanya wawe wakabaye ushaka ibitunga abana bawe n'umugore mubihe bizaza,ariko we guta umwanya kbsa ese ni CV ushaka kongera?simbizi,abagushyigikiye sindimo ariko nziko bazagutetereza pe,ukisanga mukibuga wenyine, isubirire iburayi sha ujye gupagasa,ejo utibuka ibitereko washeshe,Ngaho hatana da,njye umucandidat numwe rukumbi,sinakwizeza ibitangaza kuko niwe wayoboye abandi bankura mukaga nkaba ntewe ishema nokwitwa umwana w'u Rda,cyakora nyuma yaho mandat ze zirangiye nzakujya inyuma nuba ugifite inyota yokuyobora ahokuzariha abambeshyaga kubaka urukuta abanyarwanda bashonje,Urakoze.
Kanda hano umusubize

JONATHA - 29/03/2017 saa 20:36

URI MUYIHE DIN URI MUSHYAKARIHE UMWIRONDOROWOSE?
Kanda hano umusubize

haaaaaa - 29/03/2017 saa 10:27

hahahaaaaa , wowe witwa UMUCANGA sha umenya ariwowe umushuka pe. arasetsa imikara ahubwo. Ubu yabuze ikindi akora arishakira kuba president gusa ? nabanze asabe nokuba gitifu se? oya nabwo yajya arya ruswa kuko ndabona ari umushonji sana, yajya aha services abaturage abanje kubaka amafaranga ngo kuko aribo akorera. haaaaaaaaaaaaaaaaaaaaaaa arasekeje.
Kanda hano umusubize

Rwabukwisi - 29/03/2017 saa 08:03

Kera hari umusaza yarebaga ibyo abantu bakora bisa naho bitagakwiye kuba akavuga ati: Nzabandora yari atuye GASHORA. Noneho kuko twari abana tukisekera. akongera akavuga ati mwanana mwe nimuceceke naragenze ndabona " ibitariho byambaye inkweto". None rero ndareba uburyo hari abantu bagerageza umukino nk,umwe w,amahirwe ngo ngaha bazayobora abanyarwanda bikansetsa. Ese mwene abo bantu bibaza ko abanyarwanda aho bageze mu myumvire bakeneye ababatesha umwanya? ngaho nahanyanyaze nzaba ndora aka wa musaza. Ariko nanjye mbona inkuru ku bantu nkaba bashatse batazitambutsa kuko ntacyo zitwungura (gusaba imisanzu no gutega za moto )
Kanda hano umusubize

Murekezi - 28/03/2017 saa 23:27

Ariko jye sinumva impamvu mukunda gusebanya, mwarangiza muti dufite demokarasi mu Rwanda. Ese ko Nkindi Alpha wandika ngo akunze kugaragara atega moto, waba warabwiwe ukuntu Inkotanyi zabohoje igihugu zirwana zambaye kambambiri na rugabire, ingabo za Habyalimana ziti turwana n'ingegera? None se ko uvuga ngo asaba amafaranga, waba wari uzi ko Trump, ubarirwa amadolari agera kuri miliyari 10, yiyamamaje anasaba inkunga y'abamushyigikiye? FPR se wibwira ko yageze ku butegetsi ku mafaranga idakuye mu baturage? Oya, mujye mukorana ubunyangamugayo
Kanda hano umusubize

Nyabune - 29/03/2017 saa 10:19

Niko se Murekezi we! Wagiye uvuga ibyo uzi ukareka ibindi, na cyane cyane ku birebana n'Inkotanyi. Izamarere iyo uzimenya neza ntiwari gucika ururondogoro.
Kanda hano umusubize

Angelique - 30/03/2017 saa 16:11

Murekezi Wowe Ibyu Vuga Ntabwo Ubizi Ntuzongere Kuvuga FPR.Ugatinyuka Ukavuga Inkotanyi Nahozadukuye Ukazigereranya N'uwiyamamaza Yaka Inkunga Abayoboke be.Ubu Ntabwo Turi Kurugamba Rw'ubuhiri n'udufuni.Abanyarwanda Tuziguhitamo Ingirakamaro.
Kanda hano umusubize

Murekezi - 30/03/2017 saa 23:27

Icya mbere utazi ni uko nari nzirimo n'ubwo atari byo nashyize imbere. None se kuki umbuza kugereranya? Si uko nshyigikiye uyu mugabo na gato kuko sinamutora nta n'uwo nasaba kumutora. Ariko nkunda demukarasi cyane ku buryo ntemera uwabangamira undi amubuza uburenganzira bwe mu gihe nta bw'undi ahutaje. Kumuziza ko agenda kuri moto ntaho bitaniye rero n'Ingirabwoba yadusekaga ngo turwana twambaye rugabire, ngo turya impungure bo barya inyama bakanywa na byeri.
Kanda hano umusubize

- 28/03/2017 saa 22:23

arikonarumiwe umuntuararota akabyuka ajyagukabya inzozize. Akaza Kigali ngoajekuyobora abanyarwanda uzikourutwa namajide brake cyakoranagakomed nabatariwowesha bakurenze nyacyonkubwiye utahangariya cyakorandasetsep ngotugufashe urikiryabarezi kbs
Kanda hano umusubize

nathanael - 28/03/2017 saa 21:53

Gusa ndumuwe ! inkunga? nyuma yo gutorwa , abazamutora azabaha gahunda yo kujya bamuheka ,ahaa! muritonde!
Kanda hano umusubize

- 28/03/2017 saa 21:49

yewe ibi ni ibiki? ahaaaaa nzaba mbarirwa!
Kanda hano umusubize

kotaniro - 28/03/2017 saa 21:28

Niyisubirire furanci guterura amakarito mu nganda zaho. Naho ibyo kuyobora u Rwanda abivemwo ntacyo yageza kugihugu uyu karani moja
Kanda hano umusubize

Ruli - 28/03/2017 saa 18:39

Uyu iyo abanza akiyamamariza cooperative y'abatwara moto, akaziyqmamariza amajyambere mu Mudugudu, yabikora neza abanyarwanda bakaba bamutera imboni ari nako agwiza ibigwi, nyuma akaziyamamariza kuyobora umudugudu, byagenda neza akazajya mu Nama Njyanama y'Akagari, ...... ehhhhh mister ufite urugendo rurerure. Waba utarabasha kumva neza aho abanyarwanda bageze, ukifuza kubayobora!!!! Usibye ko ururimi rwigenga rutagira n'umupaka, buriya kweli watubeshya ko uzatumarira iki!!!! Kugirango ubyumve neza unipime ingufu, uziyamamaze ku Mudugudu!!!!
Kanda hano umusubize

Kanzayire - 28/03/2017 saa 17:39

None se ko Fpr yo ko iyasaba kandi inafite menshi,nkanswe umuntu udafite na rumwe?Naduhe konti ye tugerageze.
Kanda hano umusubize

kayitare - 28/03/2017 saa 16:49

yasabye ayo kwirira ntabeshye abantu! uwo abantu bihitiyemo yarabyemeye kandi nababimusabye barahari kugirango bazabyemeze kuri wamunsi naya tariki.kandi urwanda ruyoborwa na president umwe. sinkubwiye ngo courage wihanhane rwose!!
Kanda hano umusubize

Nsengiyumva - 29/03/2017 saa 14:53

Turamwemera ahubwo naduhe nimero ya konti atubwire nahantu twajya duhurira kukobashobora kutumerera nabi babimenye twaburirwa irengero reka nicecekere
Kanda hano umusubize

Shami - 28/03/2017 saa 13:28

Hhhhhh inkunga twayiha uwaduhaye inka,urasekeje gusa pole sana
Kanda hano umusubize

past - 28/03/2017 saa 13:16

ibyawe nti bizoroha utangiye usaba inkunga uramutse utowe ntiwabigira itegeko ryo kuguha amaturo?
Kanda hano umusubize

mutambyi erickson - 28/03/2017 saa 13:06

hhhhhhhhhhaaaaaajahaha. uyumugabo sarasekeje , ese haricyo nibariza wiyamamariza umwanya wumukuru wigihugu ntagira itegeko rimugenga? ntacyo asabwa mbereyuko yemererwa guhatinira umwanya nimba ntaco nanjye ndaje kabs gusa birasekeje hhhhhhh nibamufashe nyabuna yobayarije nyakubahwa president Nkunda cane Paul kagame narikumuha akazi komuriministeri runaka ndunva ashoje hhhhhhhhh
Kanda hano umusubize

kwizina - 28/03/2017 saa 12:53

aha nzaba mbarirwa ibya hano. Kuba perezida harya nukubyyuka ukaba we narumiwe koko. Ngaho iyamamze nakubwira iki?
Kanda hano umusubize

Laurent - 28/03/2017 saa 12:40

ariko rwose aba Nyarwanda tuba dukoneye ibintu dusoma bikatwubaka cyangwa tukabikuramo amasomo, naho abantu nkaba bashaka kumenyekana bakiri kuri 0 ntabwo bakwiye kujya batuma abantu bafata umwanya wabo ngobarasoma udufuti twabo.
Kanda hano umusubize

umucanga - 28/03/2017 saa 12:15

Mujyemushyireho amakuru ukotuyatanje amatora Meza
Kanda hano umusubize

umucanga - 28/03/2017 saa 12:13

Nonese atayasaba yabuzwa nagirango mbibutseko na fpr ifitebyose ikagira nibigo byubucuruzi byose mugihugu arayasaba. Nankanswe umuturage utagira epfenaruguru mumureke yigeragereze wenda ntiwamenya.
Kanda hano umusubize

- 29/03/2017 saa 08:58

barakubeshye
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X